ޓީޖީއެސްޓީ ބޮޑުކުރުމުން ގެސްޓުހައުސްގެ ޑިމާންޑު ދަށްވެދާނެ ކަމަށް ލަފާކޮށްފި

ހުޅުމާލޭގެ މަގެއްގެ މަތިން ދެ ފަތުރުވެރިން ހިނގާފައި ދަނީ: ޓީޖީއެސްޓީ ބޮޑުކުރުމުގެ އަސަރު ގެސްޓުހައުސްތަކުގެ ޑިމާންޑަށް ކުރާނެ ކަމަށް ވަނީ ލަފާކޮށްފައި. -އަދަދު ފައިލް ފޮޓޯ

ހުޅުމާލޭގެ މަގެއްގެ މަތިން ދެ ފަތުރުވެރިން ހިނގާފައި ދަނީ: ޓީޖީއެސްޓީ ބޮޑުކުރުމުގެ އަސަރު ގެސްޓުހައުސްތަކުގެ ޑިމާންޑަށް ކުރާނެ ކަމަށް ވަނީ ލަފާކޮށްފައި. -އަދަދު ފައިލް ފޮޓޯ

ރާއްޖެއަށް ޒިޔާރަތްކުރާ ފަތުރުވެރިންގެ އަތުން ނަގާ ޓޫރިޒަމް ޖީއެސްޓީ ނުވަތަ ޓީޖީއެސްޓީ ބޮޑުކުރުމުގެ ސަބަބުން ރާއްޖޭގައި ހިންގާ ގެސްޓުހައުސްތަކަށް އޮންނަ ޑިމާންޑަށް ނޭދެވޭ އަސަރު ކުރާނެ ކަމަށް ލަފާކުރެވޭ ކަމަށް ފިނޭންސް މިނިސްޓްރީން ބުނެފި އެވެ.

މިހާރު 12 ޕަސަންޓުގައި ނަގަމުންދާ ޓީޖީއެސްޓީ، އަންނަ އަހަރުން ފެށިގެން 16 ޕަސަންޓަށް ބޮޑު ކުރަން ސަރުކާރުން ވަނީ ނިންމާފަ އެވެ.

ކޮވިޑުން އަރައިގަނެ ޓޫރިޒަމަށް ކުރިއެރުން ލިބުނު ދަނޑިވަޅުގައި، ޓެކްސް ބޮޑުކުރާތީ ޓޫރިޒަމް ދާއިރާގެ ވިޔަފާރިތައް ދަނީ ކަންބޮޑުވުން ފާޅުކުރަމުންނެވެ. އަދި ޓެކްސް ބޮޑުކުރި ނަމަވެސް، އެކަމަށް މަދުވެގެން އެއް އަހަރުގެ މުއްދަތެއް ދިނުމަށް ވެސް އެ ފަރާތްތަކުން ވަނީ ތަކުރާރުކޮށް އެދިފަ އެވެ.

މީގެ އިތުރުން، ރިސޯޓުތަކާ ތަފާތުކޮށް ގެސްޓްހައުސްތަކަށް ކުޑަ ރޭޓެއް ކަނޑައެޅުމަކީ މުހިންމު ކަމެއް ކަމަށް ޓޫރިޒަމް މިނިސްޓަރު ޑރ. އަބްދުﷲ މައުސޫމް ވެސް ދާދި ފަހުން ވަނީ ވިދާޅުވެފަ އެވެ.

އަންނަ އަހަރަށް ލަފާކޮށް ސަރުކާރުން މިހާރު ރައްޔިތުންގެ މަޖިލީހަށް ހުށަހަޅާފައިވާ ދައުލަތުގެ ބަޖެޓު ގައި ބުނީ ޓީޖީއެސްޓީ ރޭޓުތައް މަތިކުރުމުގެ ސަބަބުން ފަތުރުވެރިކަމުގެ މުދަލާއި ހިދުމަތަށް ކުރާ އަސަރު ބިނާވެގެންވަނީ އެ މުދަލެއް ނުވަތަ ހިދުމަތެއްގެ ޕްރައިސް އިލާސްޓިސިޓީގެ މައްޗަށެވެ.

މިއީ ތަކެތީގެ އަގަށް އަންނަ ބަދަލެއްގެ ސަބަބުން އެމުދަލެއްގެ ޑިމާންޑަށް ބަދަލު އަންނަ މިންވަރެވެ.

"އެގޮތުން ޕްރައިސް އިންއިލާސްޓިކް ސެގްމެންޓްތަކަށް ނުވަތަ އަގަށް އަންނަ ބަދަލަކުން އެ މުދަލެއް ނުވަތަ ހިދުމަތަށް އޮންނަ ޑިމާންޑަށް ކުރާ އަސަރު، އަގަށް އަންނަ ބަދަލަށް ވުރެ ކުޑަ ސެގްމެންޓުތަކަށް ޓެކްސް ރޭޓު މަތިވުމުގެ ސަބަބުން ކުރާ އަސަރު، ޕްރައިސް އިލާސްޓިކް ސެގްމެންޓުތަކަށްވުރެ ތަފާތުވާނެ،" ފިނޭންސުން ބުނެފައިވެ އެވެ.

ޓީޖީއެސްޓީގެ ގޮތުގައި ދައުލަތަށް ލިބޭ އާމްދަނީގެ ބޮޑު އިންސައްތައެއް ލިބެނީ ރިސޯޓުތަކުގެ ކެޓެގަރީން ކަމަށްވާއިރު، މި ކެޓެގަރީގެ ޓޫރިސްޓު ތަންތަނަކީ ޕްރައިސް އިންއިލާސްޓިކް ސެގްމެންޓުތައް ކަމަށް ބުންޏެވެ.

އެހެންކަމުން، ޓެކްސް ރޭޓު ބޮޑުކޮށްގެން ރިސޯޓުތަކަށް ނޭދެވޭ އަސަރެއް ކުރާނެ ކަމަށް ނުބެލެވޭ ކަމަށް ފިނޭންސުން އިތުރަށް ބުނެފައިވެ އެވެ.

ރިސޯޓުތަކާ ހިލާފަށް ޕްރައިސް އިލާސްޓިކް، ގެސްޓުހައުސްތައް ހިމެނޭ ސެގްމަންޓަށް އޮތް ޑިމާންޑު ދަށްވެދާނެކަމަށް ފިނޭންސުން ވަނީ ލަފާކޮށްފަ އެވެ.

ޓީޖީއެސްޓީ ބޮޑުކޮށްގެން ދައުލަތަށް އިތުރު އާމްދަނީ

ޓެކްސް ބޮޑުކުރަން ނިންމާފައިވަނީ، ބަޖެޓު ފޫބައްދުމަށްޓަކައި ބޭރުން ހޯދާ ފައިސާއަށް ބަރޯސާވާންޖެހޭ މިންވަރު ކުޑަކޮށް، ގައުމުގެ އެތެރެއިން އާމްދަނީ ހޯދޭނެ މަގު ފުޅާކުރުން ކަމަށް ސަރުކާރުން ވަނީ ބުނެފަ އެވެ.

ޓީޖީއެސްޓީ ރޭޓަށް ގެންނަ ބަދަލާއެކު އަންނަ އަހަރު އާމްދަނީގެ ގޮތުގައި 9.09 ބިލިއަން ރުފިޔާ ލިބޭނެ ކަމަށް ވަނީ ލަފާކޮށްފަ އެވެ.

މިއީ މިއަހަރާ އަޅާބަލާއިރު، 2.68 ބިލިއަން ރުފިޔާގެ އިތުރުވުމެކެވެ.

ބަޖެޓު 2023 ކުރުކޮށް

ރައީސް އިބްރާހިމް މުހައްމަދު ސޯލިހުގެ ދައުރުގެ ފަހު އަހަރަށް ހުށަހަޅާފައިމިވަނީ 42.6 ބިލިއަން ރުފިޔާގެ ބަޖެޓެކެވެ.

ބަޖެޓުގެ 40.557 ބިލިއަން ރުފިޔާ ހަރަދުގެ ގޮތުގައި ހިނގާނެ ކަމަށް ބެލެވޭއިރު އޭގެ ތެރެއިން އެންމެ ގިނަ ބޮޑު ބައެއް ހިއްސާކުރަނީ މުވައްޒަފުންގެ މުސާރަ ހަރަދެވެ. އެގޮތުން، ސިއްހީ ދާއިރާގެ މުވައްޒަފުންގެ މުސާރަ އަންނަ އަހަރު ބޮޑުކުރުމަށް ނިންމައި، އެކަމަށް 493.2 މިލިއަން ރުފިޔާ ވަނީ ހިމަނާފަ އެވެ.

ސަބްސިޑީ ސިޔާސަތަށް ގެންނަ ބަދަލާ އެކު އާސަންދައަށް ކުރާ އިސްރާފާއި ދައުލަތުން ދޭ އެހެން ސަބްސިޑީތަކުން ސަލާމަތްކުރެވޭ ފައިސާއާ އެކު ހަރަދުތައް ކުޑަވާނެ ކަމަށް ވަނީ ލަފާކޮށްފަ އެވެ. އެއާ އެކު، ރައީސްގެ ވައުދުތައް ފުއްދުމަށް ކުރިއަށްގެންދާ ޕީއެސްއައިޕީ މަޝްރޫއުތަކަށް 8.427 ބިލިއަން ރުފިޔާ ދާނެ ކަމަށް ވަނީ އަންދާޒާކޮށްފަ އެވެ.

ހިލޭ އެހީ ހިމެނޭހެން 2023 ގައި 32.098 ބިލިއަން ރުފިޔާ އާމްދަނީގެ ގޮތުގައި ލިބޭނެ ކަމަށް ވަނީ އަންދާޒާކޮށްފަ އެވެ. ޓެކްސް ރޭޓުތައް ބޮޑުކުރުމާ އެކު އަންނަ ބަދަލުތަކުގެ ސަބަބުން 3.6 ބިލިއަނުގެ އާމްދަނީ އިތުރުވާނެ ކަމަށް ބެލެވެ އެވެ. އެގޮތުން، ޓެކްސް އާމްދަނީގެ ގޮތުގައި އަންނަ އަހަރު 23.539 ބިލިއަން ލިބޭނެ ކަމަށް ވަނީ ލަފާކޮށްފަ އެވެ. އަދި، އެހެނިހެން އާމްދަނީގެ ގޮތުގައި 6.352 ބިލިއަން ލިބޭނެ ކަމަށް ބެލެވެ އެވެ.

ކޮމެންޓް

ފަހުގެ ޚަބަރު

ބޮޑެތި ހުރިހާ މަޝްރޫއެއް ވަނީ މަޑުޖެހިފައި: މުއިއްޒު

ދަރަނި ދެއްކުމަށާއި ޒަރޫރީ ޚިދުމަތްތަކަށް އިސްކަންދިނުމުގެ ސަބަބުން، އުމްރާނީ ތަރައްގީގެ ބޮޑެތި މަޝްރޫއުތައް މަޑުޖެހިފައިވާ ކަމަށް ރައީސް މުއިއްޒު އެއްބަސްވެވަޑައިގެންނެވި. މިކަން މިގޮތަށް ދިމާވީ ދުނިޔޭގެ ބާޒާރުގައި ތެލުގެ އަގު އުފުލުމާއި ފަތުރުވެރިން އަންނަ މިންވަރު މަދުވުމުން ފިސްކަލް މެނޭޖްމަންޓަށް ބަދަލު ގެނައުމުން ކަމަށް އެމަނިކުފާނު ވިދާޅުވި.

މިރޭގެ ޖަލްސާއަށް އެއްލައްކަ މެންބަރުން ހަމަނުކުރެވުނު

ޕީއެންސީގެ މެންބަރުންގެ އަދަދު އެއްލައްކައަށް އިތުރުކުރުމަށް ހިފި އަމާޒަށް މިރޭގެ ޖަލްސާއާ ހަމައަށް ވާސިލުނުވެވުމުން، އެ އަމާޒު ހާސިލުކުރުމުގެ ވަގުތު މިރޭ މެންދަމު 12 އާ ހަމައަށް ވަނީ އިތުރުކޮށްފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި އެ ޕާޓީއަށް އެއްލައްކަ ހަމަވާން އަދި 1,992 މެންބަރުން އިތުރަށް ބޭނުންވޭ.

ހުޅުމާލޭގައި އަޅާ ކޯޓު ކޮމްޕްލެކްސްގެ ބިންގާ އަޅައިފި

އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫއަކީ ޝަރުއީ ދާއިރާގެ ހިންގުން އެއް ފުރާޅެއްގެ ދަށަށް ގެނެސް، ކޯޓުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ފެށި 699.8 މިލިއަން ރުފިޔާގެ މަޝްރޫއެއް. މި އިމާރާތުގައި ހައިކޯޓާއި ސުޕީރިއާ ކޯޓުތަކުގެ އިތުރުން ޑީޖޭއޭގެ އޮފީސް ވެސް ހިންގުމަށް ވަނީ ހަމަޖެހިފަ.

ޕީއެންސީއަށް 100،000 މެންބަރުން މުވައްޒަފުންނަށް މަޖުބޫރުކުރަނީ

ޕީއެންސީގެ މެންބަރުންގެ އަދަދު އެއްލައްކައަށް ހަމަކުރުމަށްޓަކައި، ސަރުކާރު ކުންފުނިތަކުގެ މުވައްޒަފުންނަށް މަޖުބޫރުކޮށް ވަޒީފާގެ ބިރުދައްކަމުންދާކަމުގެ ޝަކުވާތައް ވަނީ ބޮޑުވެފައެވެ. މި އަމާޒަށް ވާސިލުވުމަށް އެހެން ޕާޓީތަކުގެ މެންބަރުން ޕީއެންސީއަށް ބަދަލުވުމަށް އަންގަމުންދާއިރު، މެންބަރުން އިތުރުކުރުމަށް ފައިސާ ބަހާކަމުގެ ތުހުމަތުތައްވެސް ވަނީ ފެންމަތިވެފައެވެ.

މުވައްޒަފުންނަށް ސިޔާސީ މަޖުބޫރުކުރުން ކުށަކަށް ހަދާ ބިލެއް

ސަރުކާރު ކުންފުނިތަކުގެ މުވައްޒަފުންނަށް ސިޔާސީ މަޖުބޫރުކުރުން ޖިނާއީ ކުށަކަށް ހަދަން ވަޒީފާއާބެހޭ ގާނޫނަށް އިސްލާހު ހުށަހަޅައިފި. މީކާއީލް ނަސީމް ހުށަހެޅުއްވި މި ބިލުގެ މަގްސަދަކީ މުވައްޒަފުންގެ ސިޔާސީ މިނިވަންކަން ހިމާޔަތްކޮށް، ވަކި ޕާޓީއަކަށް ވަނުމަށް ނުވަތަ ހަރަކާތްތަކުގައި ބައިވެރިވުމަށް ނުފޫޒު ފޯރުވުން ހުއްޓުވުން.

ސިޓިޒެންސް ޕޯޓަލް ދެވަނަ ފަހަރަށް އިފްތިތާހުކޮށްފި

ރައީސް މުއިއްޒަށް ރައްޔިތުންގެ ޝަކުވާތަކާއި ޚިޔާލުތައް ސީދާ ހުށަހެޅޭ ގޮތަށް "ސިޓިޒެންސް ވޮއިސް" ޕޯޓަލް ދެވަނަ ފަހަރަށް ވަނީ އިފްތިތާހުކޮށްފައި އީ-ފާސް މެދުވެރިކޮށް ވަދެވޭ މި ޕޯޓަލްގެ ހިދުމަތް މިވަގުތު ވެބްސައިޓުން ލިބުނު ނަމަވެސް، ކުރިއަށް އޮތްތަނުގައި މޯބައިލް އެޕްލިކޭޝަނެއް ތައާރަފުކުރުމަށް ވަނީ ނިންމާފައި.

"މިހާރު ފެށެން މި އުޅެނީ ރާއްޖޭގެ މިނިވަންކަން ނިމުމުގެ ފެށުން"

ރަސްމާލެ މަޝްރޫއުގެ ދަށުން ބޭރުގެ ފަރާތްތަކާއި ޒަޔަނިސްޓުން ރާއްޖޭގައި ވަޒަންވެރިކުރުވަން ފަށައިފިނަމަ، ގައުމުގެ މިނިވަންކަން ގެއްލިދާނެ ކަމަށާއި، މި މަޝްރޫއުގެ މާލީ ތަފްސީލުތައް ކަމާބެހޭ އިދާރާތަކަށް ނޭނގޭއިރު، މިއީ މަދު ބައެއްގެ މެދުގައި ސިއްރުވެފައިވާ ކަމެއްކަމަށް ގާނޫނީ ވަކީލު އަލީ ހުސައިން ވިދާޅުވެއްޖެ.

Newsletter

Get the latest news delivered straight to your inbox