ބޮޑެތި ބަދަލުތަކެއް ގެނައުމުގެ އަމާޒުގައި އެންޑީއޭގެ ސިއީއޯއަކަށް އިމާދު ސޯލިހު

އެންޑީއޭގެ ބޯޑު، ޗެއާމަން އަދި އަލަށް އައްޔަންކުރި ސީއީއޯ އިމާދު ސޯލިހް

އެންޑީއޭގެ ބޯޑު، ޗެއާމަން އަދި އަލަށް އައްޔަންކުރި ސީއީއޯ އިމާދު ސޯލިހް

މިދިޔަ އަހަރުގެ ޖެނުއަރީ މަހުން ފެށިގެން ހުސްކޮށް އޮތް ނެޝަނަލް ޑްރަގް އެޖެންސީ (އެންޑީއޭ)ގެ ސީއީއޯގެ މަގާމަށް ސ. މަރަދޫފޭދޫ އެވަރެސްޓް، އިމާދު ސޯލިހް އައްޔަނުކޮށްފި އެވެ.

އެންޑީއޭގެ މަސައްކަތްތަކާ ބެހޭގޮތުން މައުލޫމާތު ދިނުމަށް މިއަދު ބޭއްވި ނޫސްވެރިންގެ ބައްދަލުވުމުގައި އިމާދު ވިދާޅުވީ އޭނާ ސީއީއޯގެ މަގާމަށް އައްޔަންކޮށްފައިވާއިރު، ރަސްމީކޮށް މަގާމުގެ މަސްއޫލިއްޔަތުތަކާ ހަވާލުވެވަޑައިގަންނަވާނީ ނޮވެމްބަރު އެއް ވަނަ ދުވަހު ކަމަށެވެ.

އިމާދު ވިދާޅުވީ ރާއްޖޭގައި އޮތް މަސްތުވާތަކެތީގެ މައްސަލައަށް އެޑްރެސްކުރުމަށް ދެކޭ ގޮތާއި، އެންޑީއޭ އެކުލެވިގެންވާ ގޮތަށް ބޮޑެތި ބަދަލުތަކެއް ގެންނަން ޖެހޭ ކަމަށެވެ. އަދި ރާއްޖޭގެ ހާލަތު ދެނެގަތުމަށް ދިރާސާ ރިޕޯޓެއް އެކުލަވާލާފައިވާ ކަމަށާއި، އެ ރިޕޯޓަކީ ކަންކަން ރަނގަޅު ކުރުމަށް މަސައްކަތް ފަށާ މީހެއްގެ ހައިސިއްޔަތުން ވަރަށް މުހިންމު ބިންގަލެއް ކަމަށް އޭނާ ވިދާޅުވި އެވެ.

އެންޑީއޭގެ ސިޓުއޭޝަން އެނާލިސިސް ރިޕޯޓު އާންމު ކުރުމަށް ހަމަޖެހިފައި ވަނީ އަންނަ ނޮވެމްބަރު މަހުގެ ތެރޭގަ އެެވެ.

މިއަދުގެ ނޫސްވެރިންގެ ބައްދަލުވުމުގައި އެންޑީއޭގެ ޗެއާމަން ޝަމާއު ޝަރީފް ވިދާޅުވީ އެންޑީއޭގެ މަސައްކަތްތައް ހަރުދަނާ ކުރުމަށް ކުރަމުން މިދާ މަސައްކަތްތަކަކީ 2011 ވަނަ އަހަރު ކުރަން ޖެހޭ މަސައްކަތްތައް ކަމަށެވެ.

އެގޮތުން، 2011 ގައި އެކުލަވާލި މަސްތުވާތަކެތީގެ ގާނޫނަށް ބަދަލުތަކެއް ގެންނަން ޖެހޭކަން ފާހަގަކުރައްވާ އޭނާ ވިދާޅުވީ ގާނޫނު އޮތްގޮތުން އަމިއްލައަށް ބޭނުންވެގެން ފަރުވާއަށް އެދުމުގެ ފުރުސަތު އޮތީ ވަރަށް ހަނިވެފައި ކަމަށެވެ. އަދި، އެފަދަ އެތައް ކަމެއް އިސްލާހު ކުރަން ޖެހިފައިވާކަން އޭނާ ފާހަގަކުރެއްވި އެވެ.

ހަމައެއާއެކު، މަސްތުވާތަކެއްޗަށް ދެވިހިފާފައިވާ މީހުންނާމެދު މުޖުތަމައުން ދެކޭގޮތް ބަދަލުކުރަންޖެހޭކަން ފާހަގަކޮށް ޝަމާއު ވިދާޅުވީ އެއީ ބަލިމީހުން ނުވަތަ ޕޭޝަންޓުންގެ ގޮތުގައި ދެކިގެން އަމަލުތައް ބަހައްޓަން ޖެހޭ ކަމަށެވެ. ހަމައެއާއެކު، ފަރުވާއަށްފަހު މުޖުތަމައަށް ނިކުންނަ މީހުން ބަލައިނުގަނެ، މުޖުތަމައުގައި ބާކީކޮށްލުމުގެ ވިސްނުން ދޫކޮށްލާ، އެމީހުންނާމެދު ދެކޭގޮތް ބަދަލުކުރަން ޖެހޭ ކަމަށް އޭނާ ވިދާޅުވި އެވެ.

އިމާދު ސޯލިހަކީ ކޮން ބޭފުޅެއް؟

އެންޑިއޭގެ އާ ސީއީއޯ އިމާދު ސޯލިހަކީ ބިޒްނަސް އެޑްމިނިސްޓްރޭޝަނުން ޑިގްރީ ހާސިލު ކުރައްވައި ޝަރިއާ އެންޑް ލޯގެ ދާއިރާއިން މާސްޓާސް ފުރިހަމަ ކުރައްވާފައިވާ ބޭފުޅެކެވެ. ހަމައެހެންމެ، މެލޭޝިއާގެ ނޮޓިންހަމް ޔުނިވާސިޓީން އޭނާ ވަނީ އެޑިއުކޭޝަން މެނޭޖުމަންޓުގެ ދާއިރާއިން ވެސް މާސްޓާސް ފުރިހަމަ ކުރައްވާފަ އެވެ.

ސިޔާސީ ގޮތުން ހަރަކާތްތެރި ބޭފުޅެއްގެ ގޮތުގައި އިމާދު ކުރިން ފާހަގަކުރެވުނުއިރު އޭނާ ވަނީ ކުރީގެ ބަންޑާރަނައިބު ޑރ. ހަސަން ސައީދު އުފެއްދެވި ގައުމީ ޕާޓީގެ ރައީސްގެ މަގާމައި ނައިބު ރައީސްގެ މަގާމު ވެސް ފުރުއްވާފަ އެވެ. އޭގެ އިތުރުން، ރައްޔިތުންގެ ހާއްސަ މަޖިލީހުގެ މެމްބަރު ކަމާއި އެޑިއުކޭޝަން މިނިސްޓްރީގެ ސްޓޭޓް މިނިސްޓަރުކަން ވެސް އިމާދު ކުރެއްވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox