ސްވިޑަންގެ "ފެމިނިސްޓް" ހާރިޖީ ސިޔާސަތު އުވާލަން އާ ފޮރިން މިނިސްޓަރު ނިންމަވައިފި އެވެ.
ޓޯބިއަސް ބިލްސްޓްރޮމް ވިދާޅުވީ ސިޔާސަތުގައި ހިމެނޭ ކަންކަމަށް ވުރެ އެ ލޭބަލް މުހިއްމުވެފައިވާ ކަމަށާއި އެހެންކަމުން އެއީ ބޭކާރު ކަމެއް ކަމަށެވެ.
އެހެން ނަމަވެސް ސްވިޑަންގެ ހާރިޖީ ސިޔާސަތު އަބަދުވެސް ދެމިއޮންނާނީ މިންތީގެ ހަމަހަމަކަން ކުރިއެރުވުމަށް ކަމަށް އޭނާ ފާހަގަކުރެއްވި އެވެ.
"ފެމިނިސްޓް" ހާރިޖީ ސިޔާސަތު ލޯންޗު ކުރީ 2014 ވަނަ އަހަރު ކުރީގެ ވައަތު ފިޔައިގެ ސަރުކާރުންނެވެ. އެއީ ހާރިޖީ ކަންކަމާއި ޖިންސީ ހަމަހަމަކަށް ގުޅުވައިގެން ގައުމަކުން ނެރުނު ފުރަތަމަ ސިޔާސަތެވެ.
އެ ސިޔާސަތު ފެއްޓެވީ ކުރީގެ ފޮރިން މިނިސްޓަރު މާގޮޓް ވޯލްސްޓްރޮމް އެވެ. އެއާ ގުޅިގެން ބައެއް ޑިޕްލޮމެޓިކް ހަމަނުޖެހުންތައް ވެސް އުފެދުނެވެ.
ވޯލްސްޓްރޮމް ސައުދީ އަރަބިއްޔާގެ އަަންހެނުންގެ ހައްގުތަކާ ގުޅޭ ގޮތުން ދެއްކެވި ވާހަކަ 2015 ވަނަ އަހަރު ހޫނުވެ، ސްޓޮކްހޯމްގައި ހުންނަ ސައުދީ ސަފީރު އަނބުރާ ގައުމަށް ގެންދިޔަ އެވެ.
އޭގެ ފަހުން ސްވިޑަންއިން ސައުދީއާ އެކު އެކުލަވާލު ހަތިޔާރާ ބެހޭ އެއްބަސްވުމެއް އުވާލި އެވެ. ސައުދީ އަރަބިއްޔާއިން ބުނީ ސްވިޑަންގެ ފޮރިން މިނިސްޓަރުގެ ވާހަކަތަކުން އެ ގައުމުގެ ދާހިލީ ކަންކަމަށް ނުފޫޒު ފޯރާ ކަމަށެވެ.
