ސޯޝަލް މީޑިއާ ޕްލެޓްފޯމް ޕާލާ ގަންނަން ރެޕް ލަވަކިޔުންތެރިޔާ ކާންޔޭ ވެސްޓް އެއްބަސްވެފައިވާ ކަމަށް އެ ކުންފުނިން އިއުލާންކޮށްފި އެވެ.
ޔަހޫދީންނާ ދެކޮޅު ޕޯސްޓުތައް ކުރުމުން މިދިޔަ ހަފުތާގައި ޓްވިޓާ އާއި އިންސްޓަގްރާމުން ވަނީ ކާންޔޭ ވެސްޓުގެ އެކައުންޓުތައް ސަސްޕެންޑުކޮށްފަ އެވެ.
ޕާލާއަކީ އެމެރިކާގައި ކޮންޒަވޭޓިވް ވިސްނުމުގެ މީހުންގެ މެދުގައި މަގްބޫލް ޕްލެޓްފޯމެކެވެ. އެ ޕްލެޓްފޯމް ޕްރޮމޯޓް ކުރަނީ "އަންކެންސަލަބަލް" ނުވަތަ ފާޅުކުރާ ހިޔާލެއްގެ ސަބަބުން މީހުންނަށް ޓާގެޓް ނުކުރާނެ ޕްލެޓްފޯމެއްގެ ގޮތުގަ އެވެ.
"ސޯޝަލް މީޑިއާއިން ސަސްޕެންޑްކޮށްފާނެތީ ކާންޔޭ މީގެ ފަހުން ކަންބޮޑުވާކަށް ނުޖެހޭނެ،" ކުންފުނީގެ ޗީފް އެގްޒެކްޓިވް ޖޯޖް ފާމާގެ ޕޯސްޓެއްގައި ބުންޏެވެ.
ކާންޔޭއިން ޕާލާ ގަންނަަން އެއްބަސްވި ގޮތުގެ ތަފްސީލެއް ހާމައެއް ނުކުރެ އެވެ. އެހެން ނަމަވެސް ވަރަށް އަވަހަށް އެއްބަސްވުން ފައިނަލް ކުރާނެ ކަމަށް އެ ކުންފުނިން ބުންޏެވެ.
ދެހާސް އަށާރަ ވަނަ އަހަރު އުފެއްދި ޕާލާގައި 15 މިލިއަން މީހުން ރަޖިސްޓްރީކޮށްފައިވެ އެވެ.
