ހަމަލާއަށް ފަހު، މަރުގެ ތުހުމަތު އޮތް މީހުނާއި އުދައްޔުގެ އާއިލާއާ ކުރި ޒުވާބު ކިޔައިދީފި

މަރަލާފައިވާ އުދައްޔު: މާރާމާރީ ހިންގި ކަމަށް ކަމަށް ތުހުމަތު ކުރާ މީހުނާއި އުދައްޔުގެ އާއިލާއާ ދެމެދު ކުރި ޒުވާބު ކިޔައިދީފި

މަރަލާފައިވާ އުދައްޔު: މާރާމާރީ ހިންގި ކަމަށް ކަމަށް ތުހުމަތު ކުރާ މީހުނާއި އުދައްޔުގެ އާއިލާއާ ދެމެދު ކުރި ޒުވާބު ކިޔައިދީފި

ނިމިދިޔަ އަހަރުގެ ފެބްރުއަރީ މަހު ގއ. މާމެންދޫގައި ހިނގި މާރާމާރީއެއްގެ ތެރެއިން، އެ ރަށު ލިލީ އޮފް ދަ ވެލީ، އަހްމަދު އުދައްޔަށް ހަމަލާ ދިނުމަށް ފަހު އޭނާގެ އާއިލާގެ ބައެއް މީހުނާއި މާރާމާރީގައި ބައިވެރިވި ކަމުގެ ތުހުމަތު އޮތް މީހުނާ ދެމެދު ހިނގި ޒުވާބު މިއަދު އޮތް ޝަރީއަތުގައި ކިޔައިދީފި އެވެ.

އުދައްޔަށް ދިން ހަމަލާއާ ގުޅިގެން އޭނާ މަރުވި މައްސަލާގައި، ތިން މީހެއްގެ މައްޗަށް ގަސްތުގައި މީހަކު މެރުމުގައި ބައިވެރިވުމުގެ ދައުވާއާއި، މާރާމާރީއެއް ހިންގުމުގެ ދައުވާ ކޮށްފައިވެ އެވެ.

ގއ. މާމެންދޫ، ރިހިފަރުދާގޭ، އަހުމަދު ޝަމީމް އާއި ހަމަ އެ ރަށު ބިލަތްމާގޭ، ޝަރަފު ރަޝީދާއި ގުލްފާމުގޭ، މުހައްމަދު މާޒިންގެ މައްޗަށް ކުރާ އެ ދައުވާތަކުގެ ޝަރީއަތުގައި، މިހާރު ކުރިއަށް ދަނީ ހެކިބަސް ނެގުމެވެ.

މާމެންދޫގައި ހިނގި އެ މާރާމާރީގެ މަންޒަރު ދުށް މީހުން، ކާކުކަން ނޭނގޭ ގޮތަށް، އަޑު ބަދަލުކޮށް ސިއްރު ހެކިންގެ ހެކިބަސް ދެމުންދާއިރު، މިއަދު ވެސް އެއިން ހަތަރު ހެއްކެއްގެ ހެކިބަސް ނެގި އެވެ.

މިއަދު ހެކިބަސް ދިން މީހުންގެ ތެރެއިން އެކަކު ހެކިބަސް ދިނީ އުދައްޔަށް ދިން ހަމަލާއަށް ފަހު، އުދައްޔުގެ ބޭބެ މުހައްމަދާއި ފިރުޝާނާ ދެމެދު ދެން ބައިވެރިވި މީހުން ހިނގި ޒުވާބު ބުނެދިނުމަށެވެ.

ހެކިވެރިޔާ ބުނި ގޮތުގައި އެ ޒުވާބެއްގައި، އުދައްޔު ޒަހަމްވެގެން އެ ރަށު މަރުކަޒަށް ފަރުވާ ދޭން ގެންގޮސް އޮއްވަ އެވެ.

"އުދައްޔުގެ އެއްބަނޑު އެއްބަފާ ބޭބެ، ފުރިހަމަ ނަމެއް ނޭނގެ، ރަށު މީހުން ކިޔާނީ މުހައްމަދު، އޭނާ ގޮވި އަޑު އިވޭ، ތިމަންނަ ކޮއްކޮ މަރުވެއްޖެއްޔާ ކަލޭމެން ވެސް މަރާލާނަމޭ، ދެން އެ ރައްދުގަ މާޒިން ގޮވާ، ހޭއަރުވާލާފައޭ އޮންނާނީ،" ހެކިވެރިޔާ ބުންޏެވެ.

މާޒިންގެ އިތުރުން އުދައްޔަށް ހަމަލާދީ މަރާލި ކަމުގެ ދައުވާ ކުރާ އުމުރުން 18 އަހަރު ނުފުރޭ ކުޑަކުއްޖާ ވެސް އެ ތަނުގައި ހުރި ކަމަށާއި އެ މީހުންގެ މައިންބަފައިން ވެސް އެ ތަނުގައި ހުރި ކަމަށް ހެކިވެރިޔާ ބުންޏެވެ.

"އަހަރުމެން ދެން މިއީ މާމެންދޫގައި ކިންގްސްއޭ ވެސް މާޒިނާއި [ކުޑަކުއްޖާގެ ނަން ބުނެފައި] ގޮވި," ހެކިވެރިޔާ ބުންޏެވެ.

މާމެންދޫގައި ހިނގި މާރާމާރީގެ މަންޒަރުތައް ދުށް މީހުންގެ ތެރެއިން ސިއްރު ހެކިވެރިންގެ ގޮތުގައި މިހާތަނަށް އަށް ހެއްކެއް ހާޒިރުކޮށް ވަނީ ހެކިބަސް ނެގިފަ އެވެ.

ދައުލަތުން 20 އަށް ވުރެ ގިނަ ސިއްރު ހެކިން ހުށަހަޅާފައި އޮތް އިރު، ހާޒިރުނުކުރެވި ހުރި ހެކިންގެ ތެރެއިން ބަޔަކު އަދި ހާޒިރުކުރަން ބޭނުންވޭތޯ މިހާރު ހެކިބަސް ދިން މީހުންގެ ހެކިބަސް ދިރާސާ ކުރުމަށް ފަހު އަންގާނެ ކަމަށް ދައުލަތުގެ ވަކީލު ފަރަހަނާޒް ވިދާޅުވި އެވެ.

އެ ކަމަށް ޝަމީމާއި މާޒިންގެ ވަކީލު މުހައްމަދު ޝަހީދާއި ޝަރަފްގެ ވަކީލު މުހައްމަދު ނިޝާން އިބްރާހީމް ވެސް އިއުތިރާޒް ކުރި އެވެ.

ނަމަވެސް ހެކިބަސް ދޭން ތިބި މަންޒަރު ދުށް މީހުންނަށް ބިރު ދައްކައި އިންޒާރުތައް އަންނަ ކަމަށް ދައުލަތުން ތުހުމަތުކުރާއިރު، މައްސަލަ ބައްލަވާ ގާޒީ އަލީ ނަދީމް ވެސް މިއަދު ވިދާޅުވީ އެފަދަ މައުލޫމާތުތައް ޝަރީއަތަށް ވެސް ލިބެމުންދާ ކަމަށެވެ.

އެހެންވެގެން ހެކިވެރިން ހާޒިރުކުރުމަށް ދައުލަތަށް އިތުރު ފުރުސަތުތަކެއް އަދިވެސް ދޭ ގޮތަށް ކަނޑައެޅުމަށް ފަހު މިއަދުގެ އަޑުއެހުން ނިންމައިލި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox