ނައިޖީރިއާގެ އިރު ދެކުނު އަނަމްބްރާ ސްޓޭޓުގައި ބޯޓެއް ބަންޑުން ޖަހާލައި 76 މީހުން މަރުވެއްޖެ އެވެ.
ހުކުރު ދުވަހު ބޯޓު ބަންޑުން ޖަހާލީ 80 މީހުންނާ އެކު އެ ސްޓޭޓުގެ އޮގްބަރޫ ސަރަހައްދުން ދަތުރު ކުރަމުން ދަނިކޮށެވެ.
މަރުވި ގިނަ މީހުންނަކީ އަންހެނުންނާއި ކުޑަކުދިންނެވެ. އެ މީހުން ބޯޓުގައި ދަތުރު ކުރަމުން ދިޔައީ އަވަށުގައި ފެންބޮޑުވުމުން ރައްކާތެރި ހިސާބަކަށް ބަދަލުވުމަށެވެ.
ރަައީސް މުހައްމަދު ބުހާރީ އާއިލާތަކަށް ތައުޒިޔާ ފޮނުއްވައި، ދަތުރު ފަތުރުގެ ނިޒާމުގެ ރައްކާތެރިކަމާ ގުޅޭ ފިޔަވަޅުތައް މުރާޖައާ ކުރުމަށް ކަމާ ބެހޭ ފަރާތްތަކަށް އެންގެވި އެވެ.
އޭގެ އިތުރުން ބޯޓު ބަންޑުން ޖަހާލުމުން ގެއްލުނު މީހުން ހޯދުމުގެ މަސައްކަތް ވީ އެންމެ ފުޅާކޮށް ކުރިއަށް ގެންދިޔުމަށް އަމުރު ކުރެއްވި އެވެ.
ނައިޖީރިއާގެ ނޫސްތަަކުން އޮފިޝަލުންނާ ހަވާލަދީ ބުނީ ބަންޑުން ޖަހާލުމުގެ ކުރިން އިންޖީނު ފެއިލްވެ، ބޯޓު ބްރިޖެއްގައި ޖެހުނު ކަމަށެވެ.
ބޯޓު އެކްސިޑެންޓުތައް ވަރަށް ގިނައިން ނައިޖީރިއާގައި ހިނގަ އެވެ. ގިނަ ފަހަރަށް އެކްސިޑެންޓު ދިމާވަނީ މާ ބަރުކޮށް ދަތުރު ކުރުމާއި ރައްކާތެރިކަމުގެ ފިޔަވަޅު ނާޅައި ދަތުރު ކުރުމުންނެވެ.
