ޓެކްސް ބޮޑުނުކޮށް ހަރަދު ކުޑަކުރަން، ބައެއް މެމްބަރުންގެ އިލްތިމާސް

ރައްޔިތުންގެ މަޖިލީހުގެ މެމްބަރުން، ޖަލްސާއެއްގައި ބައިވެރިވެވަޑައިގަންނަވަނީ. ޓެކްސް ބޮޑުކުރުމަށް ވުރެ ދައުލަތުގެ ހަރަދު ކުރުން ރަނގަޅުކަމަށް ބައެއް މެމްބަރުން މިއަދު ވިދާޅުވި. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ މެމްބަރުން، ޖަލްސާއެއްގައި ބައިވެރިވެވަޑައިގަންނަވަނީ. ޓެކްސް ބޮޑުކުރުމަށް ވުރެ ދައުލަތުގެ ހަރަދު ކުރުން ރަނގަޅުކަމަށް ބައެއް މެމްބަރުން މިއަދު ވިދާޅުވި. ފޮޓޯ: މަޖިލީހުގެ އިދާރާ

ޖީއެސްޓީ އާއި ޓީޖީ އެސްޓީ ބޮޑުކުރުމަށް ވުރެ، ސަރުކާރުގެ ހަރަދު ކުޑަކުރުން މިގުތަށް މާ ރަނގަޅު ކަމަށް ރައްޔިތުންގެ މަޖިލީހުގެ ބައެއް މެމްބަރުން މިއަދު ވިދާޅުވެއްޖެ އެވެ.

ޖީއެސްޓީ އާއި ޓީޖީއެސްޓީ ބޮޑުކުރުމަށްޓަކައި ޓެކްސް ގާނޫނަށް ބަދަލު ގެންނަން ސަރުކާރުގެ ފަރާތުން އިހަވަންދޫ ދާއިރާގެ މެމްބަރު މުހައްމަދު ޝިފާއު ހުށަހެޅުއްވި ބިލުގެ ބަހުސްގައި ބައެއް މެމްބަރުން ވިދާޅުވީ ޓެކްސް ބޮޑުކޮށްގެން އާމްދަނީ އިތުރުކުރެވޭނެ ކަމަށް ސަރުކާރުން ލަފާކުރާ އަދަދާ އެއްވަރުގެ އަދަދެއް، ހަރަދުކުޑަކޮށްގެން ސަލާމަތްކުރެވެން އެބަ އޮތް ކަމަށެވެ.

ރައްޔިތުންގެ މަޖިލީހުގެ ހުޅުދޫ ދާއިރާގެ އެމްޑީޕީ މެމްބަރު އިލްޔާސް ލަބީބު ވިދާޅުވީ ސަރުކާރުގެ ތެރެއިން ފައިސާ އިސްރާފު ވަނީ ކޮންކޮން ދިމަދިމާލަކުންތޯ ބަލައި، އިސްރާފު ހުއްޓުވައިފި ނަމަ 2.6 ބިލިޔަން ރުފިޔާއަށް ވުރެ ގިނަ ފައިސާ ސަލާމަތް ކުރެވެން އެބަ އޮތް ކަމަށެވެ. އިންޓަނޭޝަނަލް މަނިޓަރީ ފަންޑް (އައިއެމްއެފް) އާއި ވޯލްޑް ބޭންކުން ވެސް ރާއްޖެއަށް ލަފާދީފައި އޮތީ ހަރަދުކުޑަކުރަން ކަމަށް އޭނާ ވިދާޅުވި އެވެ.

ޖީއެސްޓީ އާއި ޓީޖީއެސްޓީ ބޮޑުކޮށްގެން ދައުލަތަށް އިތުރުކުރެވޭނެ ކަމަށް ފިނޭންސް މިނިސްޓްރީން ލަފާކުރަނީ 2.6 ބިލިޔަން ރުފިޔާ އެވެ.

"އެފިޝަންޓް ކުރަންވީ، މެނޭޖްކުރަންވީ. ހަރަދުކުޑަކުރެވޭނީ އެފިޝަންޓްކޮށް ކަންތައްކޮށްގެން، މެޖޭންކޮށްގެން މި ޚަރަދު އަޅުގަނޑުމެންނަށް، މި 2.6 ބިލިޔަން ރުފިޔާއަށް ވުރެ މާ ގިނައިން ހޯދޭނެ،" އިލްޔާސް ވިދާޅުވި އެވެ.

ފައިސާ އިސްރާފުވާ ކަމަށް އޭނާ ދެކެވަޑައިގަންނަވާ އެކިއެކި ގޮތް ގޮތުގެ ތަފްސީލު އިލްޔާސް ދެއްވި އެވެ. އެފަދަ އެއް ކަމަކީ އޭނާ ވިދާޅުވި ގޮތުގައި ދައުލަތުގެ ކުންފުނިތަކުން ކުރާ ބޭކާރު ހަރަދެވެ. އެއްކަމެއް ކުރާ އެތައް ކުންފުންޏެއް އުފެއްދުމަކީ ވެސް ބޭކާރު ހަރަދެއް ކަމަށް އޭނާ ވިދާޅުވި އެވެ.

"އެސްއޯއީ ތަކަށް ބަލާއިރު، އެޗްޑީސީ، ހައުސިން ފްލެޓް އަޅަނީ އެޗްޑީސީން. ހަމަ އެއާ އެކު އަނެއްކާ ކުންފުންޏެއް ފަހިދިރިއުޅުން ކޯޕަރޭޝަން. ހަމަ ބޭކާރު ހަރަދު. އެމްއެމްޕީއާރްސީއެއް އެބައިން ޓޫރިޒަމް ޕްރޮމޯޓްކުރަން. އެމްއައިޓީޑީސީއެސް އެބައިން، ރައީސް ކޮންމެ މަހަކު މުސާރައަށް އެކަނި ފިނޭންސުން އެކުންފުންޏަށް އަޅަނީ ތިން މިލިޔަން ރުފިޔާ،" އިލްޔާސް ވިދާޅުވި އެވެ.

ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބު މަޖިލީހުގެ ޖަލްސާއެއްގައި ވާހަކަ ދައްކަވަނީ. އޭނާ ވިދާޅުވީ ޓެކްސް ބޮޑުކުރުމަށް ވުރެ ސަރުކާރުގެ ހަރަދު ކުޑަކުރުން މާ ރަނގަޅުކަމަށް. ފޮޓޯ: މަޖިލީހުގެ އިދާރާ
ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބު މަޖިލީހުގެ ޖަލްސާއެއްގައި ވާހަކަ ދައްކަވަނީ. އޭނާ ވިދާޅުވީ ޓެކްސް ބޮޑުކުރުމަށް ވުރެ ސަރުކާރުގެ ހަރަދު ކުޑަކުރުން މާ ރަނގަޅުކަމަށް. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބު މަޖިލީހުގެ ޖަލްސާއެއްގައި ވާހަކަ ދައްކަވަނީ. އޭނާ ވިދާޅުވީ ޓެކްސް ބޮޑުކުރުމަށް ވުރެ ސަރުކާރުގެ ހަރަދު ކުޑަކުރުން މާ ރަނގަޅުކަމަށް. ފޮޓޯ: މަޖިލީހުގެ އިދާރާ

އެފަދަ އެހެން އެތައް މިސާލެއް ދައްކަވަމުން އޭނާ ވިދާޅުވީ ކުންފުނިތަކުން ކުރާ އިސްރާފު ހައްދުން ނެއްޓިފައިވާ ކަމަށެވެ.

މެދުހެންވޭރު ދާއިރާގެ އެމްޑީޕީ މެމްބަރު އަލީ އާޒިމް ވިދާޅުވީ ސަރުކާރުގެ ހަރަދުކުޑަކުރަން ފިނޭންސް މިނިސްޓްރީން ސާކިއުލާއެއް ނެރެފައިވާ ކަމަށާއި އެހެން ނަމަވެސް ހަރަދުކުޑަ ނުކުރާ ކަމަށެވެ. އޭގެ މިސާލެއްގެ ގޮތުގައި އޭނާ ދެއްކެވީ ސަރުކާރުން އިންތިޒާމްކޮށްގެން ގިނަ އިވެންޓްތަކެއް ބޭއްވުމާއި އެމްއެންޑީއެފްގެ އިސް މަގާމުތަކެއްގައި ތިއްބެވި ގިނަ ބޭފުޅުންތަކަކަށް އެއް ފަހަރާ ޕްރޮމޯޝަން ދިނުމެވެ.

"މިދައްކަނީ އަނެއް ކޮޅުން ރައްޔިތުންގެ އަތުން އަނެއްކާ ވެސް ހަމަ ދެ ޕަސެންޓް އިތުރަށް ނަގާ ވާހަކަ. [ހަރަދުކުޑަކުރާ] ވާހަކަ ހަމަ ދައްކާފައި އޭގެ އިދިކޮޅަށް މި ކަންތައްތައް ވަމުންދާ ތަން މި ފެންނަނީ،" އާޒިމް ވިދާޅުވި އެވެ.

އޭނާ ވިދާޅުވީ ޓެކްސް ބޮޑުކުރަން ސަރުކާރުން އުޅެނީ، ފައިސާ ޗާޕްކުރަން ފެށީމާ، ޒިންމާދާރު މެމްބަރުންތަކެއް އެ ވާހަކަ ދައްކަން ފެށުމުންނެވެ. އަވަށްޓެރި ސްރީލަންކާއަށް ދިމާވި އިގުތިސާދީ މައްސަލަތަކަކީ އެގައުމުގެ ސަރުކާރުން ހަމަ މިގޮތަށް ކަންތައް ކުރުމުން ދިމާވި ކަމެއް ކަމަށް ވެސް އޭނާ ވިދާޅުވި އެވެ.

ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބު މަޖިލީހުގެ ޖަލްސާއެއްގައި ވާހަކަ ދައްކަވަނީ. އޭނާ ވިދާޅުވީ ޓެކްސް ބޮޑުކުރުމަށް ވުރެ ސަރުކާރުގެ ހަރަދު ކުޑަކުރުން މާ ރަނގަޅުކަމަށް. ފޮޓޯ: މަޖިލީހުގެ އިދާރާ
ރައްޔިތުންގެ މަޖިލީހުގެ ހުޅުދޫ ދާއިރާގެ މެމްބަރު އިލްޔާސް ލަބީބު މަޖިލީހުގެ ޖަލްސާއެއްގައި ވާހަކަ ދައްކަވަނީ. އޭނާ ވިދާޅުވީ ޓެކްސް ބޮޑުކުރުމަށް ވުރެ ސަރުކާރުގެ ހަރަދު ކުޑަކުރުން މާ ރަނގަޅުކަމަށް. ފޮޓޯ: މަޖިލީހުގެ އިދާރާ

ރައްޔިތުންގެ މަޖިލީހުގެ ނައިބުރައީސް އީވާ އަބްދުﷲ މިއަދުގެ ޖަލްސާގައި ވާހަކަދައްކަވަނީ ފޮޓޯ: މަޖިލީހުގެ އިދާރާ

"ދައުލަތެއް ހިންގަން ވަރަށް ފަސޭހަ ގޮތެއް، އެއްވެސް ކަމެއް ނޫން އިއްޒަތްތެރި ރައީސް ހަމަ ވަތްގަނޑުން ފައިސާ ނަަަގަންވީ، އަނެއް ގޮތުން ބުނާ ނަމަ ރިޒާވްގައި ހުރި ފައިސާ ނަގަންވީ. ނަގަމުން ގޮސް އެ ހުސްވީމާ ދެން ޗާޕްކުރަން ފަށަންވީ. ޒިންމާދާރު ބަޔަކު، މެމްބަރުންތަކެއް މިތަނަށް އައިސްގެން އެވާހަކަ ދައްކަން ފެށީމާ ދެން ކުރަން ފެށި ކަމަކީ، ނުބައި ދިމާލަކަށް މިދަނީ. ރައްޔިތުން އަތުން ، ހަމަ ނިކަމެތި ރައްޔިތުންގެ އަތުން ޓެކްސް ނެގުމާ ދިމާލަށް މިދަނީ،" އާޒިމް ވިދާޅުވި އެވެ.

ގަލޮޅު އުތުރު ދާއިރާގެ މެމްބަރު އަދި މަޖިލީހުގެ ނައިބުރައީސް އީވާ އަބްދުﷲ ވެސް ވިދާޅުވީ އާއްމުންގެ އަތުން ނަގާ ޓެކްސް އިތުރުކުރުން މިއީ މިވަގުތު ކުރަން އެންމެ ރަނގަޅުކަމެއްތޯ ސުވާލު އުފެދޭ ކަމަށެވެ.

"ތަކެތީގެ އަގު އުފުލިފައި އެހެރީ، ތެލުގެ އަގު އުފުލިފައި އެހެރީ އިންފްލޭޝަން މީން ދުވަހަކު ނުދާ ވަރަށް [މައްޗަށް ގޮސްފައި] ދުނިޔޭގައި ވެސް އެހެރީ. އެހެންވީމާ މިއީ އާއްމުންގެ އަތުން ނަގާ ޓެކްސް އިތުރުކުރަންވީ ވަގުތުތޯ އިއްޒަތެރި ރައީސް އަޅުގަނޑަށް ސުވާލު އުފެދެނީ،" އީވާ ވިދާޅުވި އެވެ.

އޭނާ ވިދާޅުވީ ކޮވިޑްގެ ބަލިމަޑުކަމަށް ފަހު ދުނިޔޭގެ ހުރިހާ ގައުމެއްގައި ވެސް ޓެކްސްގެ ނިޒާމަށް ބަދަލުތަކެއް ގެނައި ކަމަށާއި އެހެން ނަމަވެސް ގިނަ ގައުމުތަކުގައި ކުރި ކަމަކީ ފުދުންތެރިކަން ހުރި މީހުން އަތުން އިތުރު ޓެކްސްއެއް ނެގުން ކަމަށެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox