އިންޑިއާގެ އިރުމަތީ ބިހާރް ސްޓޭޓުގެ އަވަށުގެ މީހަކަށް ސަރުކާރު ވަޒީފާއެއް ލިބުމުން އުފާ ފާޅުކުރަމުން އެބަދެ އެވެ.
އެ އަވަަށުގެ މީހަކަށް ސަރުކާރު ވަޒީފާއެއް ނުލިބޭތާ 75 އަހަރުވެއްޖެ އެވެ. އުމުރުން 30 އަހަރުގެ ރާކޭޝް ކުމާރަށް ލިބުނީ ސަރުކާރު ސްކޫލެއްގެ ޕްރައިމެރީ ޓީޗަރެއްގެ ވަޒީފާ އެވެ.
މިދިޔަ ހަފްތާގައި އެ ހަބަރު ލިބުމުން އުފާ ފާޅުކުރުމުގެ ގޮތުން އެ އަވަށުގެ މީހުން ވަނީ މެޓާ ބަހައި ކުލަ ޖަހައިފަ އެވެ.
ސަރުކާޒު ވަޒީފާތަކުން ލިބޭ ރައްކާތެރިކަމާއި އެހެނިހެން އިނާޔަތްތަކުގެ ސަބަބުން އިންޑިއާގައި ސަރުކާރު ވަޒީފާއަށް ވަރަށް ޑިމާންޑު އޮވެ އެވެ.
ސޮހާގްޕޫރް އަވަށުގެ ކުމާރު ކިޔަވައިދޭނީ ބަރްކުރްވާގެ ސްކޫލުގަ އެވެ. އެއީ ސޮހާގްޕޫރްއާ އެއް ޑިސްޓްރިކްޓެއްގައި އޮންނަ ތަނެކެވެ.
ސޮހާގްޕޫރްގައި ވެސް ސަރުކާރުގެ ސްކޫލެއް ހުރެ އެވެ. އެކަމަކު އެ ތަނުގެ ޓީޗަރުންނަކީ ބިހާރް ސްޓޭޓުގެ އެހެން ހިސާބުތަކަށް ނިސްބަތްވާ މީހުންނެވެ.
ސޮހާގްޕޫރު އަވަށުގައި އިސްކޮށް އުޅޭ ދެވެންދްރަ ޗައުދަތީ ވިދާޅުވީ އެ އަވަށުގެ ގިނަ މީހުން ކިޔެވުމަށް ސިޓީތަކަށް ދިޔަ ނަމަވެސް، އެއްވެސް މީހަކަށް މިހާތަނަށް ސަރުކާރުގެ ވަފީޒާއެއް ނުލިބޭ ކަމަށެވެ.
ކުމާރު ހޯދި ކާމިޔާބީއާ ގުޅިގެން އެ އަވަށުގެ ޒުވާން ޖީލަށް ހިތްވަރު ލިބި އިތުރު މަސައްކަތްތަކެއް ކުރާނެ ކަމަށް އޭނާ ވިދާޅުވި އެވެ.
