މުއިއްޒުގެ ފާޑުކިއުން؛ "އިންސާފާ މެދު ސުވާލު އުފެދެނީ ސަރުކާރުގެ ގޯތީގެ ސިޔާސަތު ދެކޮޅު ނުޖެއްސޭތީ"

މާލެ ސިޓީގެ މޭޔަރު މުހައްމަދު މުއިއްޒު "އަދަދު"އަށް އިންޓަވިއު ދެއްވަނީ؛ ގޯތީގެ ސިޔާސަތަށް ފާޑުވިދާޅުވި - ފޮޓޯ: މުހައްމަދު ޝާބިން / އަދަދު

މާލެ ސިޓީގެ މޭޔަރު މުހައްމަދު މުއިއްޒު "އަދަދު"އަށް އިންޓަވިއު ދެއްވަނީ؛ ގޯތީގެ ސިޔާސަތަށް ފާޑުވިދާޅުވި - ފޮޓޯ: މުހައްމަދު ޝާބިން / އަދަދު

މާލެ ސަރަހައްދުން "ބިންވެރިޔާ ސްކީމް" ގެ ދަށުން ސަރުކާރުން ދޫކުރާ ގޯތީގެ ޝަރުތުތަކާއި އުސޫލުގެ އިންސާފާ މެދު ސުވާލު އުފައްދަން ފުރުސަތު ލިބެނީ ސަރުކާރުގެ ސިޔާސަތުތައް ދެކޮޅު ޖެއްސިފައި ނެތުމުން ކަމަށް މާލެ ސިޓީގެ މޭޔަރު ޑރ. މުހައްމަދު މުއިއްޒު ވިދާޅުވެއްޖެ އެވެ.

ބިންވެރިޔާ ސްކީމްގެ ދަށުން ހުޅުމާލެ އާއި ގުޅީފަޅުން ދޫކުރާ 3،000 ގޯތި އަދި ހުޅުމާލޭގައި ތަރައްގީކުރާ 4،000 ފްލެޓަށް އެދުމުގެ މުއްދަތު ހަމަވަނީ އަންނަ މަހުގެ 15 ވަނަ ދުވަހަށެވެ. އަދި މާލޭގެ ރައްޔިތެއްގެ ގޮތުގައި ބަލާ މިންގަނޑަށް ވެސް ދާދި ފަހުން ބަދަލެއް ގެނެސްފައިވެ އެވެ.

މާލޭގެ މޭޔަރު މުއިއްޒު "އަދަދު"އަށް މިދިޔަ ހަފުތާ ދެއްވި އިންޓަވިއުގައި އޭނާގެ އެންމެ ބޮޑު ކަންބޮޑުވުމަކަށް އޮތީ މަންމަ ނުވަތަ ބައްޕަ މާލޭ މީހަކަށް ވެފައި، ސަރުކާރެއްގެ ސިޔާސަތެއް ނުވަތަ ގަވައިދެއްގެ ސަބަބުން ރެޖިސްޓްރީ ބަދަލުކުރަން ޖެހުނު މީހުން ވެސް ގޯއްޗަށް ކުރިމަތިނުލެވޭތީ އެވެ.

Advertisement

ނަމަވެސް މޭޔަރުގެ އެ ހިޔާލާ އެއް ގޮތަށް ސަރުކާރުން މިހާރު ވަނީ ގޯއްޗަށް ކުރިމަތިލެވޭ މާލެ މީހުން ބަލާ މިންގަނޑަށް ބަދަލު ގެނެސްފަ އެވެ.

މުއިއްޒު ވިދާޅުވީ ސަރުކާރުން ކަނޑައަޅާފައިވާ ޝަރުތުތައް އޮތް ގޮތުގެ ސަބަބުން ގޯއްޗަށް އެންމެ ބޭނުން ޖެހިފައިވާ މީހުނަށް ގޯތި ނުލިބިދާނެ ކަމުގެ ކަންބޮޑުވުން ސިޓީ ކައުންސިލަށް އަބަދުވެސް ލިބެމުންދާ ކަމަށެވެ. ނަމަވެސް ހިތާމައަކީ ސިޓީ ކައުންސިލް އެއިން ކަމެއްގައި ބައިވެރިނުކުރުން ކަމަށް އޭނާ ވިދާޅުވި އެވެ.

"އަޅުގަނޑުމެންނާ މަޝްވަރާ ނުކުރާތީ އޭގެ ތެރެއަށް އެންމެ ފުނަށް ވަދެ ދިރާސާކުރަން ފުރުސަތެއް ނުލިބޭ، އެހެންވެ ކޮމެންޓް ކުރާކަށް ވެސް ފަސޭހައެއް ނޫން، އަޅުގަނޑުމެން ބައިވެރިކުރިނަމަ ސަރުކާރުގެ ޖަސްޓިފިކޭޝަން ވެސް ވިސްނޭނެ، އެކަމަކު ބައިވެރިނުކުރޭ،" މުއިއްޒު ވިދާޅުވި އެވެ.

މާލޭ ރައްޔިތުންނަށް ބަންޑާރަ ގޯތީގެ ގޮތުގައި ދޫކުރަން ސަރުކާރުން އިއުލާންކޮށްފައިވާ 3000 ގޯއްޗަށް ކުރިމަތިލެވެނީ އެއްވެސް އިރެއްގައި މާލެ ފިޔަވައި އެހެން ރަށެއްގެ ރަށްވެހިކަން ނެތް އަދި އަބަދުވެސް މާލޭގެ ރަށްވެހިކަން އޮތް ފަރާތްތަކަށެވެ.

މިހެންވެ ދަފްތަރުގައި ތިބި މީހުނަށް ވެސް ކުރިމަތި ލެވެނީ އިތުރު ތަނެއްގައި ރެޖިސްޓްރީ ވެފައި ނުވާ ނަމަ އެވެ. ދަފްތަރުގައި ތިބި ގާތްގަނޑަކަށް 17،000 އެއްހާ މީހުންގެ ތެރޭގައި ވެސް ހާލުގައި ދިރިއުޅެމުންދާ ފަރާތްތަކަށް ވެސް މި ސަރަހައްދުން ގޯތި ހައްގުވާނެ ކަމަށް އެ މީހުން އަންނަނީ ބުނަމުންނެވެ.

އަދި މާލެ ސަރަހައްދުން އަގު ހުރި ބިންތަކެއް، ހިލޭ، ވަކި ބަޔަކަށް ލިބޭ ގޮތަށް އުސޫލު އޮތުމަކީ، ގާނޫނުއަސާސީއާ ހިލާފުކަމެއް ކަމަށް ވެސް ގިނަ ބަޔަކު ގަބޫލުކުރެ އެވެ.

އެ ކަންބޮޑުވުންތަކާ ގުޅޭ ގޮތުން މޭޔަރުގެ ސްޓޭންޑް ސާފުކުރަން "އަދަދު" އިން ކުރި ސުވާލުތަކުގެ ޖަވާބުގައި މުއިއްޒު ވިދާޅުވީ މާލޭގެ އިހްތިސޯސްގެ ތެރެއިން ގޯތި ދޫކުރާނަމަ އެންމެ އިންސާފުވެރި ގޮތަކީ މާލެ ރައްޔިތުންނަށް އިސްކަން ދީފައި ހިލޭ ދިނުން ކަމަށެވެ.

ނަމަވެސް އާންމު އާއިލާތަކުގެ އާމްދަނީއަށް ބަލާއިރު ބިން ލިބުނަސް ގޯތި އަޅާނެ ފައިސާ ނުހުންނާނެ ކަމަށް މުއިއްޒު ވިދާޅުވި އެވެ. އެހެންވެ ލުއި ލޯނުތަކެއް އެ ބަޔަކަށް ހަމަޖައްސައިދޭން ވެސް ޖެހޭނެ ކަމަށް މުއިއްޒު ވިދާޅުވި އެވެ.

"މިއީ ސަރުކާރުގެ ސިޔާސަތުގެ ތެރެއިން ހައްލު ގެންނަން ޖެހޭ ކަންކަން. އެއީ ގޯއްޗެއް ލިބުނަސް އަދި އެ ތަނެއް ނުއެއް ހެދޭނެ. އެފޯޑަބަލް ލޯނު ނުލިބޭ، އޭގެ ލޯނު ލިބޭ ކަމަށް ވަންޏާ ގޯތި ލިބޭ މީހުން މުއްސަނދި މީހެއް ކައިރިއަކަށް ނުދާނެ،" މުއިއްޒު ވިދާޅުވި އެވެ.

މުއިއްޒު ވިދާޅުވީ މާލެ ސަރަހައްދުން މާލެ ރައްޔިތުންނަށް ގޯތި ދިނުމުގައި އިސްކަން ދިނުމަށް ފަހު، މާލޭގައި ދިރިއުޅެން މަޖުބޫރުވެފައިވާ އެހެން ރަށްރަށުގެ ރައްޔިތުންނަށް ވެސް ފްލެޓާއި ގެދޮރު ލިބޭނެ ގޮތެއް ވެސް އޮންނަން ވާނެ ކަމަށެވެ.

"މާލޭގައި ގެދޮރަށް ބޭނުން ޖެހިފައިވާ ރައްޔިތުންނަށް އިސްކަންދީފައި، މާލޭގައި ދިރިއުޅޭ އެންމެ ހާލުގައި އުޅޭ ކޮންމެ މީހަކަށް ވެސް ގެދޮރު ލިބޭނެ ގޮތަކަށް ސިޔާސަތުތައް ބައްޓަން ކުރި ނަމަ ހަމަ ޔަގީނުން ވެސް އެ ކަން މާލޭގެ ރައްޔިތުން ބަލައިގަންނާނެ،" މުއިއްޒު ވިދާޅުވި އެވެ.

"މިއީ ސަރުކާރުގެ ސިޔާސަތުގައި ދެކޮޅު ޖައްސަން ޖެހޭ ކަމެއް، އިންސާފުވެރި ގޮތެއް ހޯދަން ޖެހޭނީ، އޭގައި ރައްޔިތުންގެ ހިޔާލު ދޭން މެދުވެރިއަކަށް ގާނޫނީ ގޮތުން އޮންނަ ކައުންސިލް މީގައި ބައިވެރިނުކުރޭ،"

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox