މިޔަންމާ ސިފައިންގެ ހެލިކޮޕްޓަރަކުން ސްކޫލަކަށް ބަޑި ޖެހުމުން 11 ކުދިން މަރުވެ 15 ކުދިން ގެއްލިފައިވާ ކަމަށް ޔުނިސެފުން ބުނެފި އެވެ.
މިޔަންމާގެ ހަނގުރާމަވެރި ގްރޫޕެއް ހަރަކާތްތެރިވާ ސަގާއިންގް ސަރަހައްދުގައި ހުންނަ ސްކޫލަށް ސިފައިންގެ ހެލިކޮޕްޓަރުތަކުން ހަމަލާ ދިނީ މިދިޔަ ހުކުރު ދުވަހު އެވެ.
ލެޓް ޔޭ ކޯން އަވަށުގެ ސްކޫލަށް ހަމަލާ ދިނީ އެ ތަނުގައި ހަނގުރާމަވެރިން ފިލައި ތިބުމުން ކަމަށް މިޔަންމާގެ އަސްކަރީ ސަރުކާރުން ބުނެ އެވެ.
އެއީ އެންމެ ޕްރީސްކޫލް ކުދިންގެ ކްލާސްތަކުން ފެށިގެން ފުރާވަރު އުމުރުގެ ކުދިންގެ ކްލާސްތައް ވެސް އޮންނަ ސްކޫލެކެވެ.
ރިޕޯޓުތައް ބުނާ ގޮތުން މަރުވި ގިނަ ކުދިންގެ ހަަށިތައް ގެންދިޔައީ ސިފައިންނެވެ. ހަމަލާ ދިން ދުވަަހު އަވަށުގެ ތެރޭގައި ބަޑި ޖަހަައި ހަ މީހުން ވެސް މަަރާލި އެވެ.
އދ. ގެ ކުޑަކުދިންނާ ބެހޭ އެޖެންސީން ބުނީ އެއްވެސް ބެލުމެއް ނެތި ދިން ވައިގެ ހަމަލާގައި ކުދިންތަކެއް މަރުވެފައިވާ ކަމަށާއި ގެއްލިގެން ރިޕޯޓު ކުރި 15 ކުދިން ވަގުތުން ދޫކޮށްލުމަށް ގޮވާލާ ކަމަށެވެ.
މިޔަންމާގެ އިންތިހާބީ ސަރުކާރު ބަގާވާތުން ބަދަލު ކުރީ މިދިޔަ އަހަރުގެ ފެބްރުއަރީ މަހު އެވެ. އޭގެ ފަހުން ވެރިކަން ކުރަނީ އަސްކަރިއްޔާއިންނެވެ.
