އެގާރަ އަހަރަށް ފަހު ނޫސްވެރިންގެ ކޯޑް އޮފް އެތިކްސް އިސްލާހު ކުރަނީ

Sep 19, 2022, 4:48 AM
ނޫސްވެރިންގެ ކޯޑް އޮފް އެތިކްސް އިސްލާހުކުރަން މީޑިއާ ކައުންސިލްގައި ރޭ ބޭއްވި ބައްދަލުވުމުގައި މީޑިއާ ކައުންސިލްގެ މެމްބަރުންނާއި ނޫސްވެރިން. -- ފޮޓޯ: މީޑިއާ ކައުންސިލް

ނޫސްވެރިންގެ ކޯޑް އޮފް އެތިކްސް އިސްލާހުކުރަން މީޑިއާ ކައުންސިލްގައި ރޭ ބޭއްވި ބައްދަލުވުމުގައި މީޑިއާ ކައުންސިލްގެ މެމްބަރުންނާއި ނޫސްވެރިން. -- ފޮޓޯ: މީޑިއާ ކައުންސިލް

އެގާރަ އަހަރަށް ފަހު ދިވެހި ނޫސްވެރިންގެ ކޯޑް އޮފް އެތިކްސް އިސްލާހުކުރުމުގެ މަސައްކަތް މޯލްޑިވްސް މީޑިއާ ކައުންސިލުން ފަށައިފި އެވެ.

މީޑިއާ ކައުންސިލްގެ ރައީސް މުހައްމަދު ޝަފާއު ވިދާޅުވީ އެ މަސައްކަތް ކުރަމުން އަންނަނީ ނޫސްވެރިންނާއި، މީޑިއާ ކައުންސިލްގެ މެމްބަރުން ގުޅިގެން ކަމަށެވެ.

"އަމާޒަކީ ވަރަށް އަވަހަށް ފައިނަލް ޑްރާފްޓެއް އެކުލަވާލައި ނިންމުން. އާ ކޯޑް އޮފް އެތިކްސް އަށް އަމަލުކުރަން ފަށާނީ އެހެން ނޫސްވެރިންގެ ހިޔާލު ހޯދައި، ގެންނަން ޖެހޭ އިސްލާހެއް ގެނައުމަށް ފަހު. ނޫސްވެރިކަން ބަދަލުވަމުން އަންނައިރު ހަރުދަނާ އަހުލާގީ މިންގަނޑެއްގެ މުހިންމުކަން ވަރަށް ބޮޑު. އެހެންވެ، މިކަން މި ކުރަނީ" ޝަފާއު ވިދާޅުވި އެވެ.

ރާއްޖޭގައި ނޫސްވެރިކަމުގެ މިނިވަން އޮތް ހާލަތު ވަޒަންކޮށް، ނޫސްވެރިކަމުގެ ހައްގު ހިފެހެއްޓޭނެ ގޮތަށާއި، ނޫސްވެރިން ޒިންމާދާރު ކުރެވޭނެ ގޮތަށް، އާ ކޯޑް އޮފް އެތިކްސްގައި މާއްދާތައް ހިމަނާނެ ކަމަށް އޭނާ ވިދާޅުވި އެވެ.

"އަޅުގަނޑުމެން ބޭނުން މިވަނީ ހައްގާ އެއް މިންވަރަށް ޒިންމާދާރުވާނެ ނޫސްވެރިން. އެ މަގަށް ފަހިވާނެ ގޮތަށް ނޫސްވެރިންގެ ހިޔާލާއެކު އާ މިންގަނޑު އެކުލަވާލަމުން މި ގެންދަނީ،" ޝަފާއު ވިދާޅުވި އެވެ.

ކޯޑް އޮފް އެތިކްސް ނިންމުމަށް ފަހު ނޫސްވެރިން ސޮއިކުރާނެ އެވެ. އަދި ކޮންމެ މީޑިއާ އިދާރާއަކުން އެ ބައެއްގެ އެޑިޓޯރިއަލް އުސޫލުތަކާ އެއްގޮތަށް ކޯޑް އޮފް ޕްރެކްޓިސްއެއް އެކުލަވާލަން ޖެހޭނެ ކަމަށް ޝަފާއު ވިދާޅުވި އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox