ރާއްޖެ އިން ބޭރަށް ކުރާ ދަތުރުތަކުގައި އަމިއްލަ ސިމް ކާޑު ބޭނުންކުރުމުން ރޯމިން ރޭޓުތަކުން 90 ޕަސެންޓުގެ ޑިސްކައުންޓު ލިބޭ ގޮތަށް ފަރުމާކޮށްފައިވާ އުރީދޫ ޕާސްޕޯޓުގެ ހިދުމަތް ތައާރަފްކޮށްފި އެވެ.
މިއީ 100 އަށްވުރެ ގިނަ 4ޖީ ރޯމިން ބޭނުންކުރެވޭ ގައުމުތައް ހިމެނޭގޮތަށް 200 އަށްވުރެ ގިނަ ގައުމުތަކުގައި އެންމެ ހެޔޮ އަގުގައި ރޯމިންގެ ހިދުމަތް ލިބޭ ސިމް ކާޑު ކަމަށް އުރީދޫން ބުނެ އެވެ.
"އާންމުކޮށް ދަތުރުކުރާ ކަސްޓަމަރުންނަށް، ދަތުރު މަތީގައި އުޅޭއިރު އާއިލާ އާއި ރައްޓެހިންގެ ހާލު ބަލާލާ ގުޅުން ބަދަހި ކޮށްލުމަށް އުރީދޫ ޕާސްޕޯޓަކީ ވަރަށް ފުރިހަމަ ހިދުމަތެއް. މިއީ އަޅުގަނޑުމެންގެ ކަސްޓަމަރުންނަށް ލިބިގެންދާނެ ވަރަށް ބޮޑު ލުޔެއް. އަޅުގަނޑުމެންގެ ޓީމުން އަބަދުވެސް މަސައްކަތް ކުރަމުން ދަނީ އެންމެ ފުރިހަމަ ހިދުމަތްތަކާއި އެކު ކޮންމެ ތަނެއްގައި، ކޮންމެ ވަގުތަކުވެސް، ހެޔޮ އަގުގައި ފަސޭހަކާމާއެކު ކަސްޓަމަރުން ގުޅުވާލަދިނުމަށް،" މި ހިދުމަތާ ގުޅޭގޮތުން އުރީދޫގެ ޗީފް ކޮމާޝަލް އޮފިސާ ހުސައިން ނިޔާޒް ވިދާޅުވި އެވެ.
މާލެ ސަރަހައްދުގެ ކޮންމެ އުރީދޫ އެކްސްޕީރިއަންސް ސެންޓަރަކުން ވެސް ޕާސްޕޯޓް ސިމަކަށް އަޕްގްރޭޑު ކޮށްލެވޭނެ އެވެ. އަދި، ޑޭޓާ ރޯމިންގް ހިދުމަތް ފަސޭހަކަމާ އެކު *929*6# ގުޅާލައިގެން އެކްޓިވޭޓް ކޮށްލެވޭނެ އެވެ.
ޕާސްޕޯޓް ކަސްޓަމަރުން ފޮނުގައި "އޮޓޮމެޓިކް" ސިމް އެޕްލިކޭޝަން ސެޓިންގްސްގައި ހިޔާރު ކުރުމުން އުރީދޫ ޕާސްޕޯޓް ކަވަރޭޖު ލިބޭ ގައުމުތަކުގައި ރޯމިން ހިދުމަތް ބޭނުން ކުރަން ފެށުމާ އެކު ޕާސްޕޯޓް ސިމް އަމިއްލައަށް އެކްޓިވޭޓުވާނެ ކަމަށް އެކުންފުނިން ބުނެ އެވެ.
