އިންޑިއާގެ އުއްތަރް ޕްރަދޭޝް ސްޓޭޓުގައި ފުރާވަރު އުމުރުގެ ދެބެއިން ގަހެއްގައި ދަން ޖައްސާފައި ތިއްބާ ފެނިއްޖެ އެވެ.
ފުލުހުން ޝައްކު ކުރަނީ ރޭޕް ކުރުމަށް ފަހު އެ ދެ އަންހެން ކުދިން މަރާލާފައިވާ ކަމަށެވެ. އެކަން ހިނގީ ލަހިމްޕޫރް ޑިސްޓްރިކްޓްގަ އެވެ.
އާއިލާއިން ބުނީ އެ ދެ ކުދިން ރަހީނުކޮށްގެން ގެންގޮސް ރޭޕްކޮށްފައިވާ ކަމަށެވެ. ފުލުހުން ތަހުގީގި ފަށައި ބުނީ އެ ކުދިން ސައިކަލެއްގަައި ގެންގޮސް ރޭޕްކުރީ ފެކްޓްރީއެއްގެ ތެރޭގައި ކަމަަށެވެ.
ފުލުހުން ބުނީ ކަރުގައި ހިފައި މަރާލުމަށް ފަހު ގަހުގައި ހަށިގަނޑު އެލުވީ އެ ކުދިން އަަމިއްލައަށް ދަން ޖެހިގެން މަރުވި ކަމަށް ދައްކަން ކަމަަށެވެ.
ރޭޕް އަދި ގަސްދުގައި މީހުން މެރުމުގެ ތުހުމަތުގައި ހަ ފިރިހެނުން ހައްޔަރުކޮށްފައިވެ އެވެ. ފުލުހުން ބުނީ ދެ ކުދިންގެ ހަށިގަނޑުގެ ޕޯސްޓް މޯޓެމް ހަދަމުންދާ ކަމަށެވެ.
އުމުރުން 18 އަހަރު ނުވާ އެ ދެ ކުދިންނަކީ ހިންދޫ ދީނުގެ ފަންތި ކުރުމުގެ ނިޒާމުގައި އޮންނަ އެންމެ ދަށް ފަންތީގެ ދާލިތު ކޮމިއުނިޓީއަށް ނިސްބަތްވާ ބަޔެކެވެ.
ގާނޫނު އަސާސީގެ ދަށުން ދާލިތު ކޮމިއުނިޓީއަށް ރައްކާތެރިކަން ފޯރުކޮށްދިން ނަަމަވެސް، އެ މީހުންނާ މެދު ލާއިންސާނީ އެތައް އަމަލެއް ހިންދޫއިން ހިންގަ އެވެ.
