އަރްމީނިއާ އާއި އަޒަރްބައިޖާންއާ ދެމެދު ހަމަލާ ބަދަލުކޮށް ގިނަ އަދަދެއްގެ ސިފައިން މަރުވެއްޖެ އެވެ.
އަރްމީނިއާގެ ބޮޑު ވަޒީރު ނިކޯލް ޕަޝިންޔަން ވިދާޅުވީ އެ 49 ސިފައިންގެ މީހުން އެ ގައުމުން މަރުވި ކަމަށެވެ.
އަރްމީނިއާ އާއި އަަޒަރްބައިޖާނުން މީގެ ކުރިން ދެ ހަނގުރާމަކޮށްފައިވާ އިރު، ދޭތެރެ ދޭތެރެއިން ހަމަލާ ބަދަލުކުރެ އެވެ.
ހޯމަ ދުވަހުގެ ރޭ ހިނގި ކުރިމަތިލުންތައް ހުއްޓުވަން ރަޝިއާ މެދުވެރިވެގެން އެއްބަަސްވެފައިވާ ކަމަށް ރިޕޯޓުތައް ބުނެ އެވެ. އެކަމަކު އަރްމީނިއާއިން ބުނީ ހަމަލާތައް ހުއްޓާނުލާ ކަމަށާއި ވަގުތީ ގޮތުން މެދުކަނޑާލީ ކަމަަށެވެ.
ދެ ގައުމުގެ ހަމަނުޖެހުމުގެ މައިގަނޑު ސަބަބަކީ ނަގޮރްނޯ-ކަރަބަކް ސަރަހައްދެވެ. ބައިނައަގްވާމީ ގޮތުން ބަލައިގަންނަ ބޯޑަރުގެ ދަށުން އެއީ އަޒަރްބައިޖާނުގެ ތަނެކެވެ. އެކަމަކު އެ ތަނުގައި ގިނައިން ދިރިއުޅެނީ އަރްމީނިއާ ދަަރިކޮޅުގެ މީހުންނެވެ.
އޭގެ އިތުރުން އަރްމީނިއާއަކީ މެޖޯރިޓީ ނަސާރާއިން އުޅޭ ގައުމަކަށްވެފައި އަޒަރްބައިޖާނުގެ މެޖޯރިޓީއަކީ މުސްލިމުންނަށް ވާތީ ވެސް، ނަގޮރްނޯ-ކަރަބަކް މައްސަލައިގެ ނުތަނަވަަސްކަން އިތުރުވެ އެވެ.
