އިންޑިއާގެ ދަނޑުވެރިއަކު ހިންދޫ ފައްޅިއަށް ގުރުބާން ކުރުމަށް އޭނާގެ ދޫ ބުރިކޮށްލުމުން ހާލު ސީރިއަސްވެއްޖެ އެވެ.
އެކަން ކުރީ އުތުރު އުއްތަރް ޕްރަދޭޝް ސްޓޭޓުގައި އުމުރުން 40 އަހަރުގެ މީހެކެވެ. ގިނަ ބައެއްގެ މެދުގައި މަގުބޫލު ފައްޅީގައި ކުޑަ ވަަޅިއަކުން ދޫ ބުރިކޮށްލުމުން އެ ސަރަހަައްދު ހަލަބޮލިވި އެވެ.
ފުލުހުން ބުނީ ފިރިހެން މީހާ އާއި އޭނާގެ އަނބިމީހާ ހިންދޫ އަަޅުކަންތަައް ކުރުމަަށް ފަހު ދޫ ބުރިކޮށްލައި ވަޅި ބޭއްވީ ފައްޅީގެ ދޮރުމަތީގައި ކަމަށެވެ.
އޭނާ ހޮސްޕިޓަލަށް ގެންދިޔައީ ފައްޅީގެ ސެކިއުރިޓީ ބަލަހައްޓަން ތިބި ފުލުހުންނާއި އަޅުކަން ކުރަން އެ ތަނަށް ޖަމާވެ ތިބި މީހުންނެވެ.
އަންހެން މީހާ ފުލުހުންނަށް ބުނީ އޭނާގެ ފިރިމީހާ ދޫ ބުރިކޮށްލީ "އަންހެން ކަލާންގެ އަކަށް" ގުރުބާނީއެއްގެ ގޮތުގައި ކަމަށެވެ. އެކަަމަކު އެފަދަ ގުރުބާނީއެއް ކުރަން ނިންމީ ކީއްވެ ކަމެއް ނުބުނެ އެވެ.
އިންޑިއާގެ ހިންދޫންގެ މެދުގައި ތަފާތު އެކި ނަންނަމުގަައި "ކަލާންގެ" ހުރެ އެވެ. އެ "ކަލާންގެތަކަށް" ހާއްސަ ބުދުތައް ބަހައްޓައި، ހަށިގަނޑަށް ގެއްލުން ދީ، ގުރުބާނީގެ ގޮތުގައި އިންސާނުން ވެސް މަރާ ހަދަ އެވެ.
މިދިޔަ އަހަރު ވެސް އިންޑިއާގަައި ދެ ފިރިހެނުން ގުރުބާނީގެ ގޮތުގައި ދޫ ބުރިކޮށްލި މައްސަލަ ރިޕޯޓުކުރި އެވެ. އޭގެ ކުރިން 2020 ވަނަ އަހަރު ހިންދޫ ފާދިރީއެއް ވަނީ ދަނޑުވެރިއެއްގެ ބޯބުރިކޮށް ގުރުބާނީއެއްގެ ގޮތުގައި ހަަދިޔާކޮށްފަ އެވެ.
