އިލްމީ ބަހުސްތަކަށް ވަޑައިނުގަންނަވާތީ މާރިޔާގެ ފާޑުކިޔުން އިލްމްވެރިންނަށް

މިނިސްޓަރު މާރިޔާ މިއަދުގެ ޕެނަލް ޑިސްކަޝަންގައި: ދީނީ އިލްމްވެރިންނަށް ފާޑުވިދާޅުވި

މިނިސްޓަރު މާރިޔާ މިއަދުގެ ޕެނަލް ޑިސްކަޝަންގައި: ދީނީ އިލްމްވެރިންނަށް ފާޑުވިދާޅުވި

ރާއްޖޭގެ ދީނީ އިލްމްވެރިންގެ ފަރާތުން އިލްމީ ބަހުސްތަކާއި ޖަވާބުތައް ނުފެންނަ ކަމަށް ވިދާޅުވެ, ޑިފެންސް މިނިސްޓަރު މާރިޔާ އަހުމަދު ދީދީ ފާޑުވިދާޅުވެއްޖެ އެވެ.

މިނިސްޓަރު މިގޮތަށް ފާޑުވިދާޅުވީ, ލ. ގަމުގައި ކުރިއަށްދާ ދެކުނުގެ "ވިއަވަތި ރާއްޖެ" ކޮންފަރެންސްގައި ޑިފެންސްގެ ފަރާތުން ބޭއްވި ޕެނަލް ޑިސްކަޝަނެއްގަ އެވެ.

ޑިފެންސް މިނިސްޓަރު ވިދާޅުވީ ހަރުކަށި ފިކުރާ ދެކޮޅަށް އަދި ދީނުގެ ރަނގަޅު ގޮތްތައް ބުނެދިނުމަށް ބޭރުންނާއި ރާއްޖޭގެ ބައެއް އިލްމްވެރިން ބައިވެރިކޮށްގެން ކައުންޓަ ޓެރަރިޒަމް ސެންޓަރުން ގިނަ ޕްރޮގްރާމްތަކެއް ކުރިއަށް ގެންދާ ކަމަށެވެ.

ނަމަވެސް, އެފަދަ ޕްރޮގްރާމްތަކުގައި ރާއްޖޭން ބޭރުން ގެންނަ ދަންނަ ބޭކަލުންނާ ސުވާލުކޮށް, އިލްމީ ބަހުސެއް ކުރުމަށް ރާއްޖޭގެ ދީނީ އިލްމްވެރިން ވަޑައިނުގަންނަވާ ކަމާއި އެއީ ކަންބޮޑުވާ ކަމެއް ކަމަށް މާރިޔާ ވިދާޅުވި އެވެ.

"...އެކިއެކި ޔުނިވާސިޓީތަކާއި އެކިއެކި އޯގަނައިޒޭޝަންތަކުން ވަޑައިގެން, ސައުދީ, ޔޫއޭއީ މިތަންތަނުން ވަޑައިގަންނަވާއިރު އަޅުގަނޑުމެން ތެރޭ އުޅޭ ދަންނަ ބޭކަލުން މިކަންކަމުގައި ބައިވެރިވުމަށް އަޅުގަނޑުމެން އެދެން," މާރިޔާ ވިދާޅުވި އެވެ.

"އަޅުގަނޑުމެން މިއީ ގޮތެއް ކިޔަނީއެއް ނޫން, ސުވާލާއި ޖަވާބު ހުޅުވާލާފައި މި އޮންނަނީ, އެކިއެކި ކޮންޓްރަވާޝަލް މައްސަލަތަކާއި އެކި ގޮތްގޮތަށް އެ ބޭފުޅުން ދެކެވަޑައިގަންނަވާ ކަންކަމުގައި ވާހަަކަ ދެއްކުމަށް ފުރުސަތާއި ޖާގަދެން, އެކަމަކު ވެސް މި ބައްދަލުވުންތަކުގައި އަޅުގަނޑުމެންގެ ރާއްޖޭގަ އުޅުއްވާ ދީނީ ފަތުވާ ދެއްވާ ބޭފުޅުން ސުވާލެއް ނުކުރައްވާ,"

ކުރިއަށް އޮތް ތަނުގައި ވެސް ދީނީ އެކިއެކި ޕްރޮގްރާމްތައް ހިންގާނެ ކަމާއި, އެހެންކަމުން އެކަންކަމުގައި ރާއްޖޭގެ ދީނީ އިލްމްވެރިން ބައިވެރިވުން މުހިންމު ކަމަށް މިނިސްޓަރު ވިދާޅުވި އެވެ.

މިނިސްޓަރު މިފަދައިން ވިދާޅުވިއިރު, މިފަހުން ރާއްޖޭގައި ޔޯގާ ކުރުމާ ގުޅޭ ގޮތުން ދީނީ ގޮތުން ވަރަށް ބޮޑަށް ހިޔާލު ތަފާތުވި އެވެ. ރާއްޖޭގެ ދީނީ އިލްމްވެރިންގެ ހިޔާލުތައް ތަފާތުއިރު, ބޭރުގެ ބައެއް އިލްމްވެރިންގެ ރައުޔުތައް ވެސް ތަފާތެވެ.

އެކަމުގައި ރާއްޖޭގައި ހަމަނުޖެހުންތަކެއް ވެސް ހިނގައިގެން ދިޔައިރު, ސަރުކާރުން ވަނީ ދީނީ ހިލާފުތަކާ މެދު އަމަލު ކުރާނެ ގައުމީ ސިޔާސަތެއް އެކުލަވާލަން ނިންމާފަ އެވެ. އެކަމަކު, އޭގެ ތަފްސީލެއް މިހާތަނަށް ހާމައެއް ނުކުރެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox