ދެކުނު ކޮރެއާއަަށް ކުރިމަތިވެފައިވާ ތޫފާާން ހިންނަމްނޯރްގައި ބިމު އަޑީގެ ކާރު ޕާކެއްގައި ފެންބޮޑުވެ ހަތް މީހުން މަރުވެއްޖެ އެވެ.
އެ މީހުން ކާރު ޕާކަށް ދިޔައީ ފެން ބޮޑުވުމުގެ ކުރިން ކާރުތައް ނެރުމަށެވެ. އެކަމަކު އެ ތަނުން ނުނިކުމެވިގެން އުޅެނިކޮށް ފެންގަަނޑު ވަދެ ތާށިވީ އެވެ.
ރެސްކިއު ޓީމުން ބުނީ ކާރު ޕާާކުގެ ސީލިންގުގެ ހޮޅިއެއްގައި އެލިގެން 12 ގަޑިއިރު ވަންދެން ތިބި ދެ މީހުން ސަލާމަތްކޮށްފައިވާ ކަމަށެވެ.
މި އަހަރުގެ މިހާތަނަށް އުފެދުނު އެންމެ ބޮޑު ސައިކްލޯނިކް ތޫފާން ހިންނަމްނޯރް ދެކުނު ކޮރެއާއަށް އެރީ މި ހަފްތާގެ ކުރީކޮޅު އެވެ.
ކާރު ޕާކުގައި މީހުން މަރުވުމާ ގުޅިގެން ރައީސް ޔޫން ސުކް ޔޯލް ވިދާޅުވީ މިއީ ކާރިސާއެއް ކަމަށާއި އާއިލާތަކަށް ތައުޒިޔާ ފޮނުވާ ކަމަށެވެ.
"މި ހިތާމަވެރި ހާދިސާއާ ހެދި އަަޅުގަނޑަށް އެއް ގޮތަކަށް ވެސް ނުނިދޭ،" އެމަނިކުފާނު ވިދާޅުވި އެވެ.
އެ ހާދިސާ ހިނގި ޕޯހާންގް ސިޓީއަށް ބުދަަ ދުވަހުގެ ވަގުތެއްގައި ޔޫން ވަޑައިގަންނަވާނެ އެވެ. ތޫފާނުގެ އެންމެ ބޮޑު އަސަރެއް ކުރީ އެ ސިޓީ އަށެވެ.
އެ ސިޓީގެ ގޮނޑުދޮށް ސަރަހައްދުގައި ހަދާފައި ހުރި ބޮޑު ހޮޓަލެއް ވެސް ވަނީ ބިމާ ހަމަވެފަ އެވެ. އެކަމަކު އެއްވެސް މީހަކަށް އަނިޔާއެއް ނުވެ އެވެ.
