އިންޑިއާގެ އައިޓީ މަރުކަޒު ބެންގެލޫރަށް ބޯކޮށް ވާރޭވެހި މަގުތަކުގައި ފެންބޮޑުވުމުގެ ސަބަބުން ސިޓީ ހުއްޓުމަކަށް އައިސް މުވައްޒަފުން ގޭގައި ތިބެގެން މަސައްކަތް ކުރަން އަންގައިފި އެވެ.
އިންޑިއާގެ ދެކުނުގައި 8.5 މިލިއަން މީހުން ދިރިއުޅޭ ބެންގެލޫރު ބޮޑު އައިޓީ މަަރުކަޒެއްގެ ގޮތުގައި ތަރައްގީ ވާން ފެށީ 1990 ގެ އަހަރުތަކުގަ އެވެ.
ބެންގެލޫރުގައި ފެންބޮޑުވެފައި. -- ފޮޓޯ: އޭއެފްޕީ
އެ ސިޓީއަށް އަންނަމުންދާ ބަދަލުތަަކާ އެއް ވަރަށް އުމްރާނީ ތަރައްގީ ނުގެންނަ ކަމަށް އާއްމުން އަބަދުވެސް ޝަކުވާކުރެ އެވެ. އެގޮތުން ޓްރެފިކާއި ރޭވުމެއް ނެތި އިމާރާތް ކުރުމުގެ މައްސަލަ ބޮޑެވެ.
ބެންގެލޫރުގައި ފެންބޮޑުވެފައި. -- ފޮޓޯ: އޭއެފްޕީ
ހޯމަ ދުވަހު ބެންގެލޫރުގެ ބޮޑު ބަޔެއްގައި ފެންބޮޑުވެ، އާއްމުން އެއް ތަނުން އަނެއް ތަނަށް އުފުލުމަށް ކަމާ ބެހޭ އިދާރާތަކުން މަގުތަކަށް ނެރުނީ ރަބަރު ޑިންގީތަކެވެ.
ބެންގެލޫރު އެއާޕޯޓުގައި ވެސް ފެންބޮޑުވެފައި އޮތް މަންޒަަރު ފޮޓޯތަކާއި ވީޑިއޯތަކުން ފެނުނު އިރު، އެއާޕޯޓުން މީހުން އުފުލީ ބޮޑެތި ޓްރެކްޓަރުތަކުގަ އެވެ.
ބެންގަލޫރުގައި ފެންބޮޑުވެފައި. -- ފޮޓޯ: އޭއެފްޕީ
ގިނަ ސްކޫލްތަކާއި ކޮލެޖްތައް ބަންދުކޮށް، އައިޓީ ދާއިރާގެ މުވައްޒަފުން ހިމެނޭ އައުޓާ ރިންގް ރޯޑް ކޮމްޕެނީޒް އެސޯސިއޭޝަނުން އެންގީ ގޭގައި ތިބެގެން މަސައްކަތް ކުރުމަށެވެ.
ސިޓީގެ 50 އަަށް ވުރެ ގިނަ ހިސާބަަށް ސާފު ބޯފެނުގެ ސަޕްލައި މެދުކެނޑުނެވެ. އެގޮތަށް ދިމާވީ ފެން ޕަމްޕް ކުރާ ސްޓޭޝަނެއްގައި ފެންބޮޑުވުމުންނެވެ.
ބެންގަލޫރުގައި ފެންބޮޑުވެފައި. -- ފޮޓޯ: އޭއެފްޕީ
