ޗައިނާގެ ހުޅަނގު ދެކުނަށް އައި 6.6 މެގްނިޓިއުޑްގެ ބިންހެލުމެއްގައި 21 މީހުން މަރުވެއްޖެ އެވެ.
ބިންހެލުން އައީ ޗައިނާ ގަޑިން ހޯމަ ދުވަހުގެ މެންދުރު 01:00 ގައި ސިޗުއާން ޕްރޮވިންސްގެ ބިމުގެ 10 ކިލޯމީޓަރު ފުން ހިސާބަކުންނެވެ.
ބިންހެލުމުގެ ސަބަބުން މުއާސަލާތީ ވަޔަރުތަކައް ގެއްލުން ލިބި، ބިންގަނޑު ކަނޑައިގެން ގޮސް، ސީރިއަސް ގެއްލުން ލިބުނު ކަމަށް ޗައިނާ ނޫސްތަކުން ބުނެ އެވެ.
Advertisement
ބިންހެލުން އައި އިރު، ސިޗުއާންގެ ވެރިރަށް ޗެންގްޑޫގެ 21 މިލިއަން މީހުން ތިބީ ކޮވިޑް ފެތުރޭތީ ލޮކްޑައުންކޮށްފަ އެވެ.
ޗެންގްޑޫގެ އިތުރުން ވެސް ޗައިނާގެ ގިނަ ހިސާބުތަކެއްގައި ވަނީ ކޮވިޑް ކޮންޓްރޯލް ކުރަން ގިނަ ފިޔަވަޅުތަކެއް އަޅާފަ އެވެ.
މިދިޔަ ޖޫން މަހު ވެސް ސިޗުއާންއަށް 6.1 މެގްނިޓިއުޑްގެ ބިންހެލުމެއް އައެވެ. އެ ސަރަހައްދަކީ ވަރަށް ގިނައިން ބިންހެލުން އަންނަ ހިސާބެކެވެ.
