މޯލްޑިވްސް މީޑިއާ ކައުންސިލުން ކޮންމެ އަހަރަކު ދޭ ނޫސްވެރިކަމުގެ އިނާމަށް 12 ދާއިރާއަކަށް 82 ހުށަހެޅުން ލިބިފައިވާ ކަމަށް ބުނެފި އެވެ.
ދެ ފަހަރެއްގެ މަތިން މުއްދަތު އިތުރު ކުރި އިނާމަށް މި އަހަރު ހުރިހާ ދާއިރާއަކަށް ވެސް ނޫސްވެރިން ކުރިމަތިލާފައިވާ ކަމަށް އެމްއެމްސީން މިއަދު ކުރި އިއުލާނެއްގައި ބުނެފައިވެ އެވެ.
އެމްއެމްސީ އިން ކޮންމެ އަހަރަކުވެސް ނޫސްވެރިކަމުގެ އިނާމު ދެމުންދާއިރު، މިއަހަރު ދެ ކެޓަގަރީއަކުން އިނާމު ދޭން ވަނީ ނިންމާފަ އެވެ. އެއީ ނޫސްމަޖައްލާ ކެޓަގަރީއާއި، ބްރޯޑްކާސްޓިންގ ކެޓަގަރީ އެވެ.
Advertisement
މި އަހަރު އިނާމު ދޭ ދާއިރާތައް:
- ތަހުގީގީ ނޫސްވެރިކަން
- ދެމެހެއްޓެނިވި ތަރައްގީ އާއި އިޖުތިމާއީ
- ސިޔާސީ
- ޝަރުއީ އަދި ގާނޫނީ
- ވިޔަފާރިއާއި އިގްތިސޯދު
- ކުޅިވަރު
- ފޮޓޯ ޖާނަލިޒަމް
- ވީޑިއޯ ޖާނަލިޒަމް
- ގްރެފިކްސް އާއި އިލަސްޓްރޭޝަންސް
- ފީޗާ ދާއިރާ
މީގެ އިތުރުން އެންމެ އުންމީދީ ނޫސްވެރިޔާއާއި އަހަރުގެ އެންމެ މޮޅު ނޫސްވެރިޔާއަށް ވެސް އެވޯޑު ދޭނެ އެވެ.
