މެލޭޝިއާގެ ކުރީގެ ބޮޑު ވަޒީރު ނަޖީބް ރައްޒާގްގެ އަނބިކަނބަލުން ރޯޒްމާ މަންސޫރްގެ މައްޗަށް ރިޝްވަތުގެ ކުށް ސާބިތުވެއްޖެ އެވެ.
ޖުމްލަ 43 މިލިއަން ޑޮލަރު ހިމެނޭ ރިޝްވަތުގެ ތިން ދައުވާއަށް ވެސް އެކަމަނާ އިންކާރު ކުރައްވަަ އެވެ. އެއީ ސަރަވަކްގައި ހިންގި އަވިން ހަކަތަ އުފައްދާ ޕްރޮޖެކްޓަކާ ގުޅިފައިވާ މައްސަލައެކެވެ.
އެކަމަކު ބުރާސްފަތި ދުވަހު ހައި ކޯޓުން ނިންމީ ތިން ދައުވާ ވެސް ސާބިތުވާ ކަމަށެވެ. އެއީ ރިޝްވަތު ހިފި އަދި ރިޝްވަތު ދިން ކަމަށެވެ.
އެކަމަނާގެ ފިރިކަލުން ނަޖީބް ރައްޒާގްގެ މައްޗަށް ކޮރަޕްޝަން ސާބިތުވެ ކުރި 12 އަހަރުގެ ޖަލު ހުކުމް ދާދި ފަހުން ވަނީ އެންމެ މަތީ ކޯޓުން ދަމަހައްޓާފަ އެވެ.
ރޯޒްމާގެ މައްޗަށް ސާބިތުވި ރިޝްވަތުގެ ތިން ދައުވާއަށް 20 އަހަރުގެ ޖަލު ހުކުމަަކާ އެކު ދައުވާގައި ހިމެނޭ ފައިސާގެ އަދަދުގެ ފަސް ގުނަ ޖޫރިމަނާއެއްގެ ގޮތުގައި ދައްކަން ޖެހޭނެ ކަމަށް ބެލެވެ އެވެ.
އުމުރުން 70 އަހަރުގެ ރޯޒްމާއަކީ ލަގްޒަރީ މުދަލާއި ގަހަނާއަށް ލޯބި ކުރައްވާ ބޭކަނބަލެކެވެ. މެލޭޝިއާގެ ފުލުހުން 2018 ވަނަ އަހަރު އެ ދެ ކަނބަލުންގެ ގެކޮޅުތައް ބަލައި ފާސްކުރި އިރު، 1.6 މިލިއަން ޑޮލަަރު ރަނާއި، ޖަވާހިރު ހާރަކާއި، 14 ތާޖާއި، 272 ހާމީޒް ދަބަސް ފެނުނެވެ.
ރިޝްވަތުގެ ކުށް ސާބިތުވި އިރު، މަނީ ލޯންޑަރިން އާއި ޓެކްސްއަށް މަކަރު ހެދުމުގެ އިތުރު 17 ދައުވާ އެކަމަނާއާ ދެކޮޅަށް އުފުލާފައިވެ އެވެ.
