އޮފީހެއްގައި އަލަށް މަސައްކަތް ފަށާ ކޮންމެ މީހަކު ވެސް ކެރިއަރުގެ ފުރަތަމަ ފަސް އަހަރު، ދުވާލަކު 18 ގަޑިއިރު މަސައްކަަތް ކުރަަން ޖެހޭނެ ކަމަށް ބުނި އިންޑިއާގެ ސީއީއޯއަކަށް ފާޑުކިޔުން އަމާޒުވެއްޖެ އެވެ.
ޝާންތަަނޫ ދޭޝްޕަންޑޭއަކީ ބޮމްބޭ ޝޭވިން ކޮމްޕެނީގެ ފައުންޑަރެވެ. އޭނާ ކުރި ޕޯސްޓެއްގައި ޒުވާން މަސައްކަތްތެރިންނަށް ގޮވާލީ މަސައްކަތަށް "އަޅުކަން ކުރުމަށެވެ."
އެ ޕޯސްޓާ ގުޅިގެން ސޯޝަލް މީޑިއާގަައި ގިނަ ބަޔަކު ފާޑުކިޔަމުންދާ އިރު، މަސައްކަތުގެ މާހައުލުގައި ނޭދެވޭ އާދަަތައް ޕްރޮމޯޓް ކުރަމުންދާ ކަމަށް މީހުން ބުންޏެވެ.
އިންޑިއާގެ މަސައްކަތްތެރިންގެ ހައްގުތައް ކަށަވަރު ކުރަން ވަރުގަދަ ގާނޫނުތައް ހުރި ނަމަވެސް، އެ ގާނޫނުތައް ފުރިހަމައަށް ތަންފީޒް ކުރަން ފިޔަވަޅު އަޅަން ޖެހޭ ކަމަށް އެކްޓިވިސްޓުން ބުނެ އެވެ.
މީގެ ކުރިން އިންފޯސިސް ކުންފުނީގެ ކޯފައުންޑަރު ނަރަޔާނާ މުރްތީ ވެސް މުވައްޒަަފުން ހަފްތާއަކު 64 ގަޑިއިރު މަސައްކަތް ކުރަަން ޖެހޭނެ ކަމަށް ބުނުމުން ފާޑުކިޔުން އަމާޒުވި އެވެ.
ޝާންތަަނޫ ދޭޝްޕަންޑޭއަށް ވެސް ފާޑުކިޔުން އަމާޒުވެފައިވާ އިރު، މި ދުވަސްވަރު ސޯޝލް މީޑިއާގައި އެންމެ މަގްބޫލް އެއް އާ ލަފްޒަކީ "ކުއައިޓް ކުއިޓިން" އެވެ.
އެ ލަފްޒުގެ މާނައަކީ ވަފީޒާގައި އަދާކުރަން ޖެހޭ އެންމެ އަސާސީ ޒިންމާއަށް ވުރެ އިތުރަށް އެއްވެސް މަސައްކަތެއް ނުކުރުމާއި އިތުރު ވަގުތު އޮފީހަށް ނުދިނުމެވެ.
