ޓައިވާންގެ ރަަށްތަކެއް މަަތިން ދަތުރު ކުރަމުން ދިޔަ ޗައިނާގެ ޑްރޯންތައް ފައްސާލަން ފުރަތަމަ ފަހަރަށް އިންޒާރުގެ ބަޑި ޖަހައިފި އެވެ.
ޓައިވާންގެ ޑިފެންސް މިނިސްޓްރީން ބުނީ ބަޑި ޖެހުމާ އެކު ތިން ޑްރޯން ވެސް އެނބުރި ދިޔައީ ޗައިނާއަށް ކަމަށެވެ. ޗައިނާގެ އައްސޭރި ފަށާ ކައިރީގައި ހުންނަ ޓައިވާންގެ ރަށްތައް ކައިރިއަށް ޑްރޯން ފޮނުވާ މައްސަލައިގައި ޓައިވާނުން ޝަަކުވާކޮށްފައިވެ އެވެ.
ޗައިނާ އާއި ޓައިވާންގެ މައްސަލަ ހޫނުވީ އެމެރިކާގެ ހައުސް އޮފް ރެޕްރެޒެންޓޭޓިވްސްގެ ރައީސް ނޭންސީ ޕެލޯސީ ޓައިވާނަށް ދަތުރު ކުރެއްވުމުންނެވެ.
ޕެލޯސީގެ ދަތުރަށް ރައްދު ދިނުމުގެ ގޮތުން ޗައިނާއިން ފެށި ބޮޑު އަސްކަރީ ތަމްރީނަަށް ފަހު ތަަކުރާރުކޮށް ޑްރޯންތައް ކައިރިވަމުންދާ ކަމަށް ޓައިވާނުން ބުނެ އެވެ.
އަންގާރަ ދުވަހުގެ ހަވީރު ތިން ޑްރޯން އުދުހެމުން ދިޔައީ ޗައިނާގެ ޝިއަމެން ސިޓީއާ ކައިރިން އޮންނަ ޓައިވާން ކިންމެން ރަށްތައް މަތިންނެވެ.
އެ ޑްރޯންތައް ފައްސާލަން އިންޒާރު ދިނުމުގެ ގޮތުން ބަޑި ޖެހި ކަމަށް ޓައިވާނުން ބުނެފައިވާ އިރު، ޗައިނާއިން މިހާތަނަށް ވަކި އެއްޗެއް ނުބުނެ އެވެ.
