މުސްލިމަކު ރޭޕްކުރި 11 ފިރިހެނުން މިނިވަން ކުރުމުން އިންޑިއާގައި މުޒާހަރާ ކުރަނީ

އިންޑިއާގައި މުޒާހަރާ ކުރަނީ. -- ފޮޓޯ: އީޕީއޭ

އިންޑިއާގައި މުޒާހަރާ ކުރަނީ. -- ފޮޓޯ: އީޕީއޭ

އިންޑިއާގައި މުސްލިމް އަންހެނަަކު ރޭޕް ކުރުމުގައި ބައިވެރިވި 11 ފިރިހެނުން ދޫކުރަން ސަރުކާރުން ނިންމުމުން މުޒާހަރާ ކުރަަމުން އެބަދެ އެވެ.

އެ 11 ފިރިހެނުން ޖަލަށް ލީ ބިލްކިސް ބާނޯ ނަމަކަށް ކިޔާ އަންހެނަކު ރޭޕް ކުރުމުންނެވެ. ގުޖަރާތުގައި 2002 ވަނަަ އަހަރު މުސްލިމުންނާ ދެކޮޅަށް ހިންދޫން ހިނގި ބޮޑު ލޭ އޮހޮރުވުމުގައި އޭނާގެ އާއިލާގެ 14 މެމްބަރުން މަރާލި އެވެ.

ރޭޕް ކުރި ކަމަށް ސާބިތުވެ ބަންދުކުރި 15 ފިރިހެނުން ދޫކުރީ 15 އަހަރުގެ ޖަލު ހުކުމަކަށް ފަހުގަ އެވެ. އެކަމާ ދެކޮޅަަށް މުޒާހަރާ ކުރުމުގައި އަންހެނުންނާއި ފިރިހެނުން ވެސް ބައިވެރިވެ އެވެ.

އޭގެ އިތުރުން 100 އަށް ވުރެ ގިނަ ސިވިލް ސާވަންޓުން ސޮއިކޮށް، އުއްތަމަ ފަނޑިޔާރަށް ފޮނުވި ސިޓީއެއްގައި ބުނީ ރޭޕް ކުރި މީހުން ދޫކޮށްލުމުން، މުޖްތަމައުގައި އަންހެނުންގެ ރައްކާތެރިކަމަށް އަސަރު ކުރާނެ ކަމަށެވެ.

އެ 11 ފިރިހެނުން ދޫކުރަން ނިންމިކަން އިއުލާން ކުރީ ގުޖަރާތު ސްޓޭޓްގެ ސަރުކާރުން އޯގަސްޓް 15 ވަނަ ދުވަހު އިންޑިއާގެ 75 ވަނަ މިނިވަން ދުވަހާ ދިމާކޮށްފަ އެވެ.

ބިލްކިސް ބާނޯ ބުނީ އެ މީހުން މިނިވަން ކުރުމަަކީ "ނާއިންސާފެއް" ކަމަށާއި އިންސާފަށް އޮތް އިތުބާރު ގުޑާލައިފި ކަމަށެވެ.

ކޮމެންޓް

ފަހުގެ ޚަބަރު

ދަރިވަރަކު ރޭޕްކުރި މައްސަލައެއްގައި ޔުނިވާސިޓީއެއް ބަންދުކޮށްފި

އިންޑިއާގެ ލަވްލީ ޕްރޮފެޝަނަލް ޔުނިވާސިޓީގެ ދަރިވަރަކު ރޭޕްކުރި ކަމަށް ބުނާ މައްސަލައަކާ ގުޅިގެން ހިނގަމުންދާ ހަމަނުޖެހުން ބޮޑު މުޒާހަރާތަކާ ހުރެ، އެ ތަނުގެ ކިޔެވުމާއި އިމްތިހާނުތައް 10 ދުވަހަށް މެދުކަނޑާލައިފިއެވެ. ޔުނިވާސިޓީން މި ތުހުމަތުތައް ދޮގުކުރި ނަމަވެސް، ފުލުހުން ދަނީ މި ހާދިސާ ތަހުގީގު ކުރަމުންނެވެ.

މެދުނުކެނޑި ނެށުމުގެ ރެކޯޑު މުގުރާލުމުގެ ހަރަކާތެއް ނައިޖީރިއާގަ

ނައިޖީރިއާގެ ބެންޖަމިން ޑެނިއަލް، ދުނިޔޭގެ ރެކޯޑެއް ގާއިމުކުރުމަށްޓަކައި 168 ގަޑިއިރު ވަންދެން މެދުނުކެނޑި ނެށުމުގެ ހަރަކާތެއް ފަށައިފިއެވެ. މި ހަރަކާތުގެ މަގްސަދަކީ އިންޑިއާގެ ނެށުންތެރިއަކު ހަދާފައިވާ ރެކޯޑު މުގުރާލުމުގެ އިތުރުން، ނައިޖީރިއާގެ މުއްސަނދި ސަގާފީ ނެށުންތައް ދުނިޔެއަށް ދައްކާލުމެވެ.

ޔުގެންޑާގެ މަޝްހޫރު ނޫސްވެރިޔަކު ރަސްކަމުގެ ތަހުތަށް

ޔުގެންޑާގެ ތޫރޯ ރަސްކަމުގެ ތަޚުތަށް، އެ ގައުމުގެ ދައުލަތުގެ މީޑިއާގައި ގިނަ ދުވަސްތަކެއް ވަންދެން މަސައްކަތް ކުރެއްވި މަޝްހޫރު ނޫސްވެރިޔާ ޕްރިންސް އެޑްވަޑް ކިޖަނަންގޯމާ އިސްވެވަޑައިގަންނަވަނީ އެވެ. އޭނާ ރަސްކަމަށް ވަޑައިގަންނަވަނީ "ކުޑަކުދިންގެ ރަސްގެފާނު" ގެ ނަމުން މަޝްހޫރުވި ކިންގް އޯޔޯ އަވަހާރަވުމާ ގުޅިގެން ކަމަށްވީ ނަމަވެސް، ވާރިސުން ކަނޑައެޅުމުގައި ޝާހީ އާއިލާގެ ތެރޭގައި ބޮޑެތި ބަހުސްތަކެއް ވަނީ އުފެދިފަ އެވެ.

އަސްކަރީ ބޭހަށް ހަމަލާ ރޭވުމުގައި ގައުމެއްގެ އަތެއްވޭތޯ ބަލަނީ

އިނގިރޭސިވިލާތުގައި ހުންނަ އެމެރިކާގެ އަސްކަރީ މަރުކަޒަކަށް ހަމަލާދޭން އުޅުނު ކަމުގެ ތުހުމަތުގައި ފަސް މީހަކު ހައްޔަރުކޮށް، މިކަމުގެ ފަހަތުގައި ބޭރު ގައުމެއްގެ އަތެއްވޭތޯ ފުލުހުން ދަނީ ބަލަމުންނެވެ. މި ހަމަލާ ރޭވުމުގައި އީރާން ނުވަތަ ރަޝިއާގެ ބައިވެރިވުމެއް އޮތްތޯ ތަހުގީގު ކުރަމުންދާއިރު، އީރާނުން ވަނީ އެ ގައުމުގެ މައްޗަށް ކުރެވޭ ތުހުމަތުތައް ދޮގުކޮށްފައެވެ.

ޖަލެއްގައި ލަގްޒަރީ ހިދުމަތް ދިން ފަސް އޮފިޝަލަކު ސަސްޕެންޑް

އިންޑޮނޭޝިއާގެ ޖަލެއްގައި ކުށްވެރިންނަށް ވިލާ އާއި އަގުބޮޑު ކާރު ފަދަ ލަގްޒަރީ ޚިދުމަތްތައް ދިން މައްސަލައެއް ފަޅާއެރުމާ ގުޅިގެން، އެ ޖަލުގެ އިސް ފަސް އޮފިޝަލަކު މަގާމުން ސަސްޕެންޑްކޮށްފިއެވެ. މި ކަންތައްތައް ފާހަގަވީ އެ ގައުމުގެ އޮމްބަޑްސްމަންއިން ކުއްލި ގޮތަކަށް ޖަލު އިންސްޕެކްޓް ކުރުމުގެ ތެރޭގައެވެ.

60 ބިލިއަން ޑޮލަރުގެ މުދަލުން ޓެރިފް ކުޑަކުރަން ނިންމައިފި

އެމެރިކާ އާއި ޗައިނާއާ ދެމެދު އޮތް ވިޔަފާރީގެ ހަނގުރާމަ މެދުކަނޑާލުމަށްޓަކައި، ދެ ގައުމުން ބަދަލުކުރާ 60 ބިލިއަން ޑޮލަރުގެ މުދަލުން ޓެރިފް ކުޑަކުރުމަށް ވަނީ އެއްބަސްވެފައެވެ. މި ނިންމުމުގެ ދަށުން އެމެރިކާގެ ދަނޑުވެރިކަމުގެ ބާވަތްތަކާއި ޗައިނާގެ އިލެކްޓްރޯނިކްސް އަދި އާންމު މުދަލުން ޑިއުޓީ ކުޑަވެ، ދެ ގައުމުގެ ވިޔަފާރީގެ ގުޅުން ބަދަހިވެގެންދާނެއެވެ.

ވިޔަފާރީގެ ފިޔަވަޅުތައް މެދުކަނޑާލުމުގެ މުއްދަތު އިތުރުކޮށްފި

ޗައިނާ އާއި އެމެރިކާގެ ވިޔަފާރީގެ މައްސަލަތައް ހައްލުކުރުމަށްޓަކައި، ވިޔަފާރީގެ ފިޔަވަޅުތައް މެދުކަނޑާލުމަށް އެއްބަސްވެފައިވާ މުއްދަތު އަންނަ އަހަރުގެ ޖެނުއަރީ 10 އިތުރުކުރުމުން ދެ ގައުމުގެ މެދުގައި މަޝްވަރާކުރުމަށް ފުރުސަތު ލިބި، 30 ބިލިއަން ޑޮލަރުގެ މުދަލުން ޓެރިފް ކުޑަކުރުމަށާއި އިގްތިސާދީ ގުޅުން ވަރުގަދަވޭނެ ކަމަށް ބެލެވޭ.

Newsletter

Get the latest news delivered straight to your inbox