އިނގިރޭސިވިލާތުން މިޔަންމާއަށް ކަނޑައަޅާފައި ހުންނަ ސަފީރުކަން ކުރިން ކުރެއްވި ވިކޯ ބޯމޭން އާއި އޭނާގެ ފިރިމީހާ މިޔަންމާގައި ހައްޔަރުކޮށްފި އެވެ.
އޭނާއަށް ތުހުމަތު ކުރަނީ ވިސާގެ އުސޫލުތަކާ ހިލާފުވި ކަމަށެވެ. އަދި އޭނާގެ ފިރިމީހާ އަށް ތުހުމަތު ކުރަނީ އެކަމުގައި އެހީވެދިން ކަމަށެވެ. ކުށް ސާބިތުވެއްޖެ ނަމަ ފަސް އަހަރުގެ ޖަލު ހުކުމެއް އަންނާނެ އެވެ.
ވިކޯ ބޯމޭން ސަފީރުކަން ކުރެއްވީ 2002 އިން 2006 އަށެވެ. އޭނާގެ ފިރިމީހާއަކީ މިޔަންމާގެ އާޓިސްޓް އަދި ކުރިން ސިޔާސީ ކުށްވެރިއެއްގެ ގޮތުގައި ޖަލުގައި ދުވަަސްތައް ހޭދަކުރި ހްތެއިން ލިން އެވެ.
ޔަންގޯންގައި ހުންނަ މިޔަންމާ ސެންޓާ ފޯ ރެސްޕޯންސިބަލް ބިޒްނަސް ހިންގަވަނީ ވިކީ ބޯމޭން އެވެ. އިނގިރޭސި އެމްބަސީއިން ބުނީ ކޮންސިއުލާ އެހީތެރިކަން ފޯރުކޮށްދެމުންދާ ކަމަށެވެ.
ވިކީ ބޯމޭން ހައްޔަރުކޮށްފައިވާ އިރު، މިޔަންމާގެ ބަގާވާތުގެ ލީޑަރުންނާ ދެކޮޅަށް އިނގިރޭސިވިލާތުން އެޅި ފިޔަވަޅުތައް ދާދި ފަހުން ވަރުގަދަ ކުރި އެވެ.
