މިދިޔަ މާޗް މަހު އޮޅިގެން ޕާކިސްތާނަަށް މިސަައިލް ފޮނުވި މައްސަަލައިގައި އިންޑިއާ އެއާފޯސްގެ ތިން އޮފިސަރުން ވަޒީފާއިން ވަކިކޮށްފި އެވެ.
އެ ހާދިސާއާ ގުޅިގެން އިންޑިއާ އާއި ޕާކިސްތާނުގެ ނުތަނަވަސްކަން ބޮޑުވި އެވެ. އިންޑިއާއިން ބުނީ އެގޮތަށް ދިމާވީ "ޓެކްނިކަލް މައްސަލައަކާ" ހެދި ކަމަށެވެ.
ޕާކިސްތާން ސަރުކާރުން އިންޑިއާއަށް ދިން އިންޒާރުގައި ބުނީ "އެފަދަ އިހުމާލުތަކުގެ ހިތި ނަތީޖާއާ މެދު ވިސްނަން ޖެހޭ" ކަމަށާއި އެފަދަ ކަމެއް ތަކުރާރު ނުކުރުމަށް ގޮވާލާ ކަމަށެވެ.
އިންޑިއާގެ އެއާފޯސްއިން ނެރުނު ބަޔާނުގައި ބުނީ އެ ހާދިސާގެ ޒިންމާ ނަގަން ޖެހޭ އޮފިސަރުން ވަޒީފާއިން ވަކިކޮށްފައިވާ ކަމަށެވެ. އޮޅިގެން ފޮނުވުނީ ބްރާހްމޯސް މިސައިލެކެވެ.
ރަޝިއާ އާއި އިންޑިއާ ގުޅިގެން އުފެއްދި ބްރާހްމޯސްއަކީ ނިޔުކްލިއާ ހަތިޔާރު އުފުލުމުގެ ގާބިލްކަން ލިބިފައިވާ މިސައިލެކެވެ. އިންޑިއާ އާއި ޕާކިސްތާނުގައި ވެސް ނިޔުކްލިއާ ހަތިޔާރު ހުރެ އެވެ.
މާޗް މަަހު ޕާކިސްތާނުގެ ސިފައިން ބުނީ "ބާރު ދުވެލީގައި ދަތުރު ކުރި އެއްޗެއް" އިރުމަތީ މިއާން ޗަންނޫ ސިޓީ ކައިރިއަށް ވެއްޓިފައިވާ ކަމަށާއި އޭގެ ސަބަބުން ފްލައިޓްތައް ނުރައްކަލަށް ހުށަހެޅުނު ކަމަށެވެ.
