މުސާރަ ނުދޭތީ މުޒާހަރާ ކުރި ބިދޭސީ މަސައްކަތްތެރިންގެ ތެރެއިން ބަޔަކު ގަަތަރުން ޑީޕޯޓުކޮށްފި އެވެ.
އަލް ބަންޑަރީ އިންޓަނޭޝަލް ގްރޫޕްގެ ދޯހާ އޮފީސް ބޭރުގައި 60 މުވައްޒަފުން މުޒާހަރާ ކުރީ އޯގަސްޓް 14 ވަނަ ދުވަހު އެވެ. އޭގެ ތެރެއިން ބަައެއް މީހުންނަށް މުސާރަ ނުދޭތާ ހަތް މަސް ވެއްޖެ އެވެ.
އޭގެ ތެރެއިން ބައެއް މީހުން ހައްޔަރުކޮށް، ޑީޕޯޓްކުރި އެވެ. އެކަމަކު ޑީޕޯޓް ކުރީ ކިހާ އަދަދެއްގެ މީހުން ކަމެއް ސާފެއް ނޫނެވެ.
ސަރުކާރުން ބުނީ ޑީޕޯޓް ކުރީ ސަލާމަތީ ގާނޫނާ ހިލާފުވި މީހުން ކަމަށެވެ. ގަތަރު ސަރުކާރުން ބުނީ މުޒާހަރާ ކުރި މީހުންގެ މުސާރަ އާއި އިނާާޔަތްތައް ސަރުކާރުން ހަމަޖައްސައިދޭނެ ކަމަށެވެ.
މި އަހަރުގެ ނޮވެމްބަރު މަހު ގަތަރުގައި ވޯލްޑް ކަޕް ބާއްވަން ތައްޔާރުވުމުގެ ގޮތުން 2010 ވަނަ އަަހަރުން ފެށިގެން ދަަނީ ބޮޑެތި ޕްރޮޖެކްޓްތައް ހިންގަމުންނެވެ.
އެ ޕްރޮޖެކްޓްތައް ހިންގުމުގައި ގިނަ ބިދޭސީ މަސައްކަތްތެރިން އުޅޭއިރު، އެ މީހުންނާ މެދު އަމަލު ކުރާ ގޮތުގެ ކަންބޮޑުވުން މީގެ ކުރިން ވެސް އުފެދިފައިވެ އެވެ.
