ދިއްލީގެ ރޮބިން ހުޑްގެ ގޮތުގަައި މަޝްހޫރުވެފަައިވާ 25 މީހުންގެ ގޭންގެއްގެ ލީޑަރު ހައްޔަރުކޮށްފި އެވެ.
ވާސިމް އަކްރަމް އާއި އޭނާގެ ގޭންގުން އަމާޒު ކުރަނީ މުއްސަނދިންގެ ގެތަކަށެވެ. ފައިސާ އާއި ގަހަނާ ވަގަށް ނަގައި އޭގެން ބައެއް ފަގީރުންނަށް ހަދިޔާކުރެ އެވެ.
އެހެން ނަމަވެސް، ފުލުހުން ބުނީ ވައްކަން ކޮށްގެން ހޯދާ ފައިސާ އާއި ޖަވާހިރުގެ ބޮޑު ބައި ބޭނުން ކުރަނީ އަކްރަމް އާއި ގޭންގުގެ އެހެން މެމްބަރުން ކަމަށެވެ.
ފުލުހުން ބުނީ ލަމްބޫގެ ނަމުން ވެސް މަޝްހޫރު އަަކްރަމް 160 ކުށް ކޮށްފައިވާ ކަމަށާއި އޭގެ ތެރޭގައި ގަަސްދުގައި މީހުން މެރުމާއި ރޭޕް ހިމެނޭ ކަމަށެވެ.
އުމުރުން 27 އަަހަރުގެ އަަކްރަމް ހައްޔަރު ކުރުމަށް ފުލުހުންގެ ތެރެއިން ހާއްސަ ސެލްއެއް މަސައްކަތް ކުރި އެވެ. ހަތަރު މަހުގެ މަސައްކަތަށް ފަަހު އޭނާ އަތުލައިގަނެވުނީ މިދިޔަ ހުކުރު ދުވަހުގަ އެވެ.
ޖޫން މަހު ވެސް ހައްޔަރު ކުރަން އުޅުމުން ފުލުހުންނަށް އަމާޒުކޮށް ބަޑި ޖެހި ކަމަށް އޭނާއަށް ތުހުމަތު ކުރެވެ އެވެ. ހައްޔަރު ކުރި އިރު ވެސް އަތުގައި ފިސްތޯލައަކާއި ވަޒަން ހުއްޓެވެ.
