ކައިވެނި ކުރިތާ މަހެއް ފަހުން ޖެނިފާ އާއި ބެން ޕާޓީ ބާއްވައިފި

ޖެނިފާ ލޮޕޭޒް އަދި ބެން އެފްލެކް.

ޖެނިފާ ލޮޕޭޒް އަދި ބެން އެފްލެކް.

ހޮލީވުޑްގެ ތަރިން ޖެނިފާ ލޮޕޭޒް އާއި ބެން އެފްލެކް ކައިވެނި ކުރިތާ މަހެއް ފަހުން ވެޑިން ޕާޓީ ބާއްވައިފި އެވެ.

އެ ދެ މީހުން ކައިވެނި ކުރީ ޖުލައި 15 ވަނަަ ދުވަހު ލަސް ވޭގަސްގަ އެވެ. އެފްލެކްގެ 35 ހެކްޓަރުގެ ގޭގައި ޕާޓީ ބޭއްވީ އާއިލާ އާއި އެކުވެރިންނާ އެކުގަ އެވެ.

ތިން ދުވަހަށް ކުރިއަށް ދިޔަ ޕާޓީގައި ބައިވެރިވި ހޮލީވުޑް ތަރިންގެ ތެރޭގައި މެޓް ޑޭމަން އަދި ކެވިން ސްމިތް ހިމެނެ އެވެ.

Advertisement

ޕާޓީގެ ތީމަކީ ހުދު ކުލަ ކަމަށް ވާތީ، ހުރިހާ ގެސްޓުން ވެސް ތިބީ ހުދު ކުލައިގެ ހެދުމުގަ އެވެ، ޖެނިފާ ލޮޕޭޒްގެ ވެޑިން ހެދުމަކީ އިޓަލީގައި ޑިޒައިން ކުރި ރާލްފް ލޯރެން ހެދުމެކެވެ.

އުމުރުން 50 އަަހަރުގެ ބެން އެފްލެކް އާއި 53 އަހަރުގެ ޖެނިފާ ލޮޕޭޒް އެންމެ ފުރަތަމަ ބައްދަލުވީ 2002 ވަނަަ އަހަރު ފިލްމެއްގެ ތެރެއިންނެވެ.

ލޯބީގެ ގޮތުން ގުޅިގެން އުޅެ ކަައިވެނި ކުރަަން ނިންމި ނަމަވެސް، ޖެނިފާ ލޮޕޭޒް އާއި ބެން އެފްލެކްގެ ފުރަތަމަ އެންގޭޖްމަންޓް ރޫޅާލީ މީގެ 17 އަަހަރު ކުރިންނެވެ.

އެ މީހުން އެންގޭޖްމަންޓް ރޫޅާލުމަށް ފަހު ބުނީ "މީޑިއާގެ ސަމާލުކަން މާ ބޮޑަށް ލިބެމުން ދާތީ" އުނދަަގޫވާ ކަމަށެވެ.

މިއީ ޖެނިފާގެ ހަތަރު ވަނަ ކައިވެންޏެވެ. އޭނާ ވަނީ 2004 ވަނަ އަހަރު ލަވަކިޔުންތެރިޔާ މާކް އެންތަނީއާ ކައިވެނިކޮށްފަ އެވެ. އެ ކަައިވެންޏަށް އެއް މާބަނޑު ދެ ކުދިން ލިބުނު ނަމަވެސް 2014 ވަނަ އަހަރު ކައިވެނި ނިމުމަކަށް އައެވެ.

ބެން އެފްލެކް 2005 ވަނަ އަހަރު ކައިވެނި ކުރީ އެކްޓްރެސް ޖެނިފާ ގާނާއާ އެވެ. އެ މީހުންނަށް ތިން ކުދިން ލިބިފައިވެ އެވެ. އެ ކައިވެނި ރޫޅުނީ 2018 ގަ އެވެ.

ބެން އާާއި ޖެނިފާ ލޮޕޭޒް އަލުން ގުޅުނު ކަމަށް ހަބަރު ފެތުރުނީ މިދިޔަ އަހަރު އެވެ. އެއަށްފަހު އެ މީހުން ދިޔައީ އެކުގައި އިވެންޓުތަކަށް ގޮސް، ސޯޝަލް މީޑިއާގައި ވެސް ލޯބި ހާމަ ކުރަމުންނެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox