ޕުޓްރަޖާޔާ، މެލޭޝިއާ (އޯގަސްޓް 16) - މެލޭޝިއާގެ ކުރީގެ ބޮޑު ވަޒީރުގެ މައްޗަށް ކޮރަޕްޝަންގެ ކުށް ސާބިތުވެ ކުރި 12 އަހަރުގެ ޖަލު ހުކުމުގެ އިސްތިއުނާފް އެ ގައުމުގެ އެންމެ މަތީ ކޯޓުން ބަލައިގެންފި އެވެ.
ނަޖީބް ރައްޒާގްގެ ފަރާަތުން ފެޑެރަލް ކޯޓަށް އެންމެ ފުރަތަމަ ހުށަހެޅީ އަލުން ޝަރީއަތް ހިންގައި ދިނުމަށެވެ. އެކަމަކު ކޯޓުން ވަނީ އެ ހުށަހެޅުން ބޭރުކޮށް، އިސްތިއުނާފްގެ ފުރުސަތު ދީފަ އެވެ.
"އަޅުގަނޑުމެންގެ ސިކުނޑިއަށް ފެންނަ ގޮތުގައި، ޝަރީއަަތް ހިންގީ އިންސާފުވެރިކަމާ އެކު،" ޗީފް ޖަސްޓިސް ޓެންގްކީ މައިމުން ތުއާާން މަތް ވިދާާޅުވި އެވެ.
ނަޖީބް ރަައްޒާގްގެ ގާނޫނީ ވަކީލުން އެދިވަޑައިގެންނެވީ އިސްތިއުނާފް އަޑުއެހުންތައް ފެށުން ދެ، ތިން މަސް ފަސްކުރުމަށެވެ. އެކަމަކު ކޯޓުން ނިންމީ ބުރާސްފަތި ދުވަހު އަޑުއެހުންތައް ފެށުމަށެވެ.
އުމުރުން 69 އަހަރުގެ ނަޖީބް ރައްޒާގްގެ މައްޗަށް ކޮރަޕްޝަންގެ ކުށް ސާބިތުވީ ޖުލައި 2020 ވަނަ އަހަރު، 1އެމްޑީބީ ފަންޑާ ގުޅޭ މައްސަލައިގަ އެވެ.
އެ ފަންޑު ބޭނުންކޮށް ދައުލަތުގެ ފައިސާއަށް ހިޔާނާތްތެރިވިކަމުގެ ތުހުމަތާ އެކު ނަޖީބް ރައްޒާގް އާއި އެމަަނިކުފާނުގެ ޕާޓީއަށް ވެރިކަން ގެއްލުނީ 2018 ގެ އިންތިހާބުންނެވެ.
