ހޯމަ ދުވަހު ފާހަގަކުރާ އިންޑިއާގެ 76 ވަނަ މިނިވަން ދުވަހު ބޮޑު ވަޒީރު ނަރެންދްރަ މޯދީ ގައުމާ މުހާތަބު ކުރައްވައި އަންހެނުން ބާރުވެރި ކުރުވުމަށް ގޮވާލައްވައިފި އެވެ.
މޯދީ ވަނީ އިންޑިއާއަށް މިނިވަންކަން ހޯދައިދިން ފަރާތްތަކުގެ ހުވަފެން ހަގީގަތަކަށް ހެދުމަށް ފަަސް ކަމަކަަށް ވައުދުވެވަޑައިގެންފަ އެވެ. އޭގެ ތެރެއިން އެއް ކަމަކީ އަަންހެނުންގެ ބާރެވެ.
"އަމަލާއި ބަހުން ވެސް އަންހެނުންގެ އިއްޒަތާއި ކަރާމަތަށް އުނިކަން ލިބޭ އެއްވެސް ކަމެއް ކޮށްގެން ނުވާނެ،" މޯދީ ވިދާޅުވި އެވެ.
މޯދީ ވިދާޅުވީ އަންހެނުންނަށް އިހްތިރާމް ކުރުމަކީ އިންޑިއާގެ ތަރައްގީއަށް މުހިއްމު ތަނބެއް ކަމަށާއި އަންހެނުންގެ ބާރު ކުރިއަރުވަން އެއްބާރުލުން ދޭން ޖެހޭ ކަމަަށެވެ.
"ގެތަކުގައި ވެސް އެއްބައިވަންތަކަމުގެ މޫ ހަރުލަނީ އަންހެން ދަަރި އާއި ފިރިހެން ދަރި ހަމަހަމަވުމުން. އެކަން އެގޮތަށް ނުވާ ނަމަަ އެއްބައިވަންތަކަމެއް ނޯންނާނެ. ޖިންސުގެ ހަމަހަމަކަމަކީ އެއްބައިވަންތަކަމަށް މުހިއްމު ޝަރުތެއް،" މޯދީ ފާހަގަކުރެއްވި އެވެ.
ކޮންމެ އަހަރަކު ވެސް އޯގަސްޓް 15 ވަނަ ދުވަސް ފާހަގަކުރަނީ އިނގިރޭސިންގެ އަތުން އިންޑިއާއަށް މިނިވަންކަން ލިބުނު ދުވަހުގެ ގޮތުގަ އެވެ.
