މިސްރުގައި ނަސާރާ ދީނުގެ ފައްޅިއެއްގައި އަލިފާން ރޯވެ 41 މީހުން މަރުވެއްޖެ އެވެ.
މަރުވި މީހުންގެ ތެރޭގައި ކުޑަކުދިން ވެސް ހިމެނެ އެވެ. ގިނަ ބަޔަކަށް އަނިޔާވެފައިވާ ކަމަށް ވެސް ރިޕޯޓުތައް ބުނެ އެވެ.
ރޮއިޓާޒް ނޫހުން ބުނީ 5،000 މީހުން އާދީއްތަ ދުވަހުގެ ހާއްސަ އަޅުކަމަށް ކޮޕްޓިކް އަބޫ ސޫފިން ފައްޅިއަށް ޖަމާވެ ތިއްބައި ރޯވީ ކަރަންޓު މައްސަލަައެއް ޖެހިގެން ކަމަށެވެ.
އަލިފާންގަަނޑުގެ ސަބަބުން ފަައްޅިން ނިކުމެވެން އޮތް ދޮރެއް ބަންދުވެ، ގިނަ ބަޔަކު މަަރުވީ ސަލާމަތް ވާން އުޅުމުގެ ތެރޭގައި ފިތިބާރުވެގެންނެވެ.
އަލިފާންގަނޑު ކޮންޓްރޯލްކޮށްފައިވާ އިރު، ރޯވާން ދިމާވި ސީދާ ސަބަަބެއް ޔަގީންކޮށް ބުނާކަށް ނޭނގެ އެވެ.
އެހެން ނަމަވެސް ކައިރީގައި ހުންނަ އެހެން ފައްޅިއަކަަށް ނިސްބަތްވާ ފާދިރީ ފާރިދް ފަހްމީ އޭއެފްޕީ ނޫހަށް ބުނީ ރޯވީ ޝޯޓް ސާކިޓްވެގެން ކަމަށެވެ.
މިސްރުގެ ރައީސް އަބްދުލް ފައްތާހް އަލް ސިސީ ވަނީ މަރުވި މީހުންގެ އާއިލާތަކށް ތައުޒިޔާ ފޮނުއްވައިފަ އެވެ. ޕްރޮސެކިއުޓަރުގެ އޮފީހުގެ ހާއްސަ ޓީމަކުން ވަނީ ހާދިސާގެ ތަހުގީގު ފަށައިފަ އެވެ.
މިސްރުގެ އާބާދީގެ 103 މިލިއަން މީހުންގެ ތެރެއިން 10 ޕަސެންޓް މީހުންނަކީ ނަަސާރާ ދީނުގެ މީހުންނެވެ.
