ލުބްނާންގެ ބެއިރޫތުގަައި ބޭންކެއްގެ ތެރޭގައި ބަޔަކު ރަހީނުކޮށް، ފްރީޒްކޮށްފައިވާ ބޭންކް އެކައުންޓެއް ދޫކޮށްލަން ޑިމާންޑްކޮށްފި އެވެ.
އެކައުންޓްގައިވާ ފައިސާއަށް ކޮންމެވެސް ވަރަކަށް އެކްސެސްވެވޭ ގޮތް ހަދައިދޭން އެއްބަސްވުމުން، ރަހީނު ކުރި ހަ މީހުން ދޫކޮށްލަން ފަހުން އެއްބަސްވި އެވެ.
ފެޑެރަލް ބޭންކް އޮފް ލުބްނާންގެ ބްރާންޗަަކަށް ވަަދެ، ބަޔަކު ރަހީނު ކުރީ އުމުރުން 42 އަހަރުގެ ބަައްސާމް އަލް ޝެއިހް ހުސެން ކިޔާ މީހެކެވެ.
ހަަތިޔާރަކާ އެކު ބޭންކަށް ވަދެ އޭނާ ޑިމާންޑް ކުރީ 200،000 ޑޮލަރާ އެކު ފްރީޒްކޮށްފައިވާ އޭނާގެ ބޭންކް އެކައުންޓް ބޭނުންކުރެވޭނެ ގޮތް ހެދުމަށެވެ.
ހަ ގަޑިއިރު ފަހުން ރަހީނުކޮށްފައި ތިބި މީހުން ދޫކޮށްލީ އެކައުންޓުން 30،000 ޑޮލަރު ނެގޭނެ ގޮތް ހަދައި ދިނުމުންނެވެ. އޭނާއާ ދެކޮޅަށް އެއްވެސް ޖިނާއީ ދައުވާއެއް އުފުލާނެ ކަމެއް ސާފެއް ނޫނެވެ.
