އިޓަލީއަށް ވާރޭ ނުވެހި ގިނަ ދުވަސްވެ، ކޯރެއް ހިކުމުން ދެ ވަނަ ބޮޑު ހަނގުރާމައިގައި ނުގޮވާ އޮތް ބޮމެއް ފެނިއްޖެ އެވެ.
ޕޯ ކޯރުގެ އައްސޭރިފަށުން 450 ކިލޯގެ ބޮން ފެނުނީ މަސްވެރިންތަކަކަށެވެ. ހަތްދިޔަ އަހަރުގެ ތެރޭގައި އިޓަލީއަށް ކުރިމަތިވެފައިވާ އެންމެ ގޯސް ހޫނު މޫސުމުގައި، 650 ކިލޯމީޓަރުގެ ކޯރުގެ ބޮޑު ބަޔެއް ވަނީ އެއްކޮށް ހިކިފަ އެވެ.
އިޓަލީގެ އަސްކަރީ އޮފިޝަލުން ބުނީ 240 ކިލޯގެ ގޮވާާ ތަކެތި ހިމެނޭ، އެކަަމަކު ނުގޮވާ އޮތް ބޮން ފެނުނީ ލޮމްބާޑީ އަވަށުން ޖުލައި މަހުގައި ކަމަށެވެ.
އާދީއްތަ ދުވަހު ރައްކާތެރިކަމާ އެކު އެ ބޮން ނައްތާލުމަަށް އެ އަވަށުގައި ދިރިއުޅޭ 3،000 މީހުން ދުރަށް ޖެއްސި އެވެ. އޭގެ އިތުރުން އެ ހިސާބުގެ ވައިގެ ސަރަހަައްދާއި ކޯރުގެ ޓްރެފިކް ވެސް ވަގުތުކޮޅަކަށް ބަންދުކުރި އެވެ.
ޕޯއަަކީ އިޓަލީގެ އެންމެ ދިގު ކޯރެވެ. ނަމަވެސް މި އަހަރު ނެގި ސެޓެލައިޓް ފޮޓޯތަކުން ދައްކަނީ ކޯރުގެ ބޮޑު ސަރަހައްދުތަކެއް އެއްކޮށް ހިކިފައި ވަނިކޮށެވެ.
އާދަޔާ ހިލާފަށް ހޫނުވެ ވާރޭ ނުވެހި ގިނަ ދުވަސް ވުމުން، އިޓަލީގެ އުތުރަށް ފެނުގެ ދަތިކަން ކުރިމަތިވެފައިވާ އިރު، މޫސުމީ ބަދަލުގެ އަސަރާ ގުޅޭ ކަންބޮޑުވުން ވަނީ އިތުރުވެފަ އެވެ.
