ކިމް ކާޑޭޝިއަން އާއި ޕީޓް ޑޭވިޑްސަން ރުޅިވެއްޖެ

ކިމް ކާޑޭޝިއަން އަދި ޕީޓް ޑޭވިޑްސަން.

ކިމް ކާޑޭޝިއަން އަދި ޕީޓް ޑޭވިޑްސަން.

އެމެރިކާގެ ރިއެލިޓީ ތަރި ކިމް ކާޑޭޝިއަން އާއި ކޮމީޑިއަން ޕީޓް ޑޭވިޑްސަން ލޯބީގެ ގޮތުން ގުޅިގެން އުޅޭތާ ނުވަ މަސް ފަހުން ރުޅިވެއްޖެ އެވެ.

މުނިފޫހިފިލުވުމުގެ ހަބަރުތައް ގެނެސްދޭ އީ ނިއުސްއިން ބުނީ ދެ ތަރިންގެ ބިޒީ ޝެޑިއުލްއާ ހެދި އެކުގައި ވަގުތު ހޭދަ ނުކުރެވޭތީ ރުޅިވާން ނިންމީ މިދިޔަ ހަފްތާގައި ކަމަށެވެ.

އީ ނިއުސްއިން ބުނީ ޕީޓް މި އަހަރުގެ ހޫނު މޫސުމުގެ ދުވަސްތައް އޮސްޓްރޭލިއާގައި ހޭދަކުރަމުން ދަނީ މުޅިން އާ ފިލްމެއްގެ މަސައްކަތް ކުރުމަށް ކަމަށެވެ.

Advertisement

އުމުރުން 41 އަހަރުގެ ކިމް އަދި 28 އަހަރުގެ ޕީޓް ލޯބީގެ ގޮތުން ގުޅުނީ 2021 ވަނަ އަހަރު އެކުގައި ސަޓަޑޭ ނައިޓް ލައިވް ޝޯއަށް އެރުމަށް ފަހު އެވެ.

ލޯބީގެ ގޮތުން ގުޅިގެން އުޅޭކަން އެ މީހުން އިއުލާން ކުރީ މި އަހަރުގެ މާޗް މަހުގަަ އެވެ. އެއީ ކިމް އާއި ކުރީގެ ފިރިމީގާ ކާންޔޭ ވެސްޓްގެ ވަރީގެ ކަންކަން ވެސް ނިމުނު ދުވަސްވަރެވެ.

އޭގެ ފަހުން ކިމް އާއި ޕީޓް އެކުގައި ގިނަ އިވެންޓުތަކުން ފެނުނެވެ. ނަމަވެސް ކާންޔޭ ވެސްޓް ވަނީ ސޯޝަލް މީޑިއާގައި ޕީޓްއަށް އެއްޗެހި ކިޔައި، އަލުން ކިމްއާ ގުޅެން ހުށަހަޅާފަ އެވެ.

ކިމް އާއި ކާންޔޭ ވަރިވާން ނިންމީ މިދިޔަ އަހަރު އެވެ. އޭރު ކާންޔޭގައި ނަފްސާނީ މައްސަލަތަކާ އެކު ކައިވެނީގައި މައްސަލަ ޖެހޭ ކަމަށް މީޑިއާއިން އޮތީ ރިޕޯޓުކޮށްފަ އެވެ. އެ މީހުންގެ ހަތަރު ދަރިން ތިބެ އެވެ.

ކިމް އޭގެ ކުރިން ވެސް ދެ ކައިވެނިކޮށް، ވަރިވެފައިވެ އެވެ. އޭނާ މަޝްހޫރުވީ އެމެރިކާގެ ރިއެލިޓީ ޓީވީ ސީރީޒް "ކީޕިން އަޕް ވިތު ދަ ކާޑޭޝިއަންސް" އިންނެވެ.

ކޮމެންޓް

ފަހުގެ ޚަބަރު

އުމުރުން 70 އަށް ދުޅަހެޔޮކޮށް ދިއުމަށް ސައިންސްވެރިން އިރުޝާދު

އުމުރުން 30 ގެ އަހަރުތަކަކީ ހަށިގަނޑަށް ބަދަލުތައް އަންނަ ދުވަސްވަރަކަށް ވުމުން، މި އުމުރުގައި ކަސްރަތުކުރުމާއި ނިދުމުގެ އާދަތައް ރަނގަޅުކުރުމަކީ އުމުރުން ދުވަސްވާއިރު ދުޅަހެޔޮކަންމަތީ ހުރުމަށް އެޅޭ މުހިންމު ފިޔަވަޅެކެވެ. މީގެ އިތުރުން، އަނގަޔާއި ދަތްތަކުގެ ސިއްހަތަށް ސަމާލުކަން ދިނުމާއި ނުރަނގަޅު އާދަތަކާ ދުރުހެލިވުމަކީ މުސްކުޅިވުމުން ކުރިމަތިވާ ބަލިތަކުން ރައްކާތެރިކޮށްދީ އުމުރު ދިގުކޮށްދޭނެ ކަންކަމެވެ.

ޖީޓީއޭ 6 ރެކޯޑް މާކްސްއަކާއެކު ނެރެފި

ތޭރަ އަހަރުގެ ދިގު އިންތިޒާރަކަށްފަހު ނެރުނު ޖީޓީއޭ 6 އަށް ރެކޯޑް މާކްސްއެއް ލިބި، ގޭމިން ދާއިރާއަށް އިންގިލާބީ ބަދަލެއް ގެނުވައިފިއެވެ. މި ގޭމުގެ ގްރެފިކްސް އާއި ވާހަކަ ކިޔައިދޭ ގޮތް ފުރިހަމަވުމުގެ އިތުރުން، މިއީ މި ސިލްސިލާގައި އަންހެން ކެރެކްޓަރަކަށް މައިގަނޑު ދައުރެއް ދިން ފުރަތަމަ ފަހަރެވެ.

މަސް ނުކައިވެސް ހަށިގަނޑަށް ބޭނުންވާ ދަގަނޑު ހޯދިދާނެ!

މަހުގެ ބާވަތްތަކުގެ އިތުރުން ފަތްޕިލާވެއްޔާއި ގޮވާމުގެ ބާވަތްތަކުން ވެސް ހަށިގަނޑަށް ބޭނުންވާ ދަގަނޑުގެ މާއްދާ ހޯދިދާނެކަން ސިއްހީ މާހިރުން ފާހަގަކުރެއެވެ. މިގޮތުން ކާނާ ތައްޔާރުކުރާ ގޮތަށް ބަދަލު ގެނައުމާއި، ވިޓަމިން ސީ އެކުލެވޭ ތަކެއްޗާއެކު ކެއުމަކީ ގަސްގަހާގެހިން ލިބޭ ދަގަނޑު ހަށިގަނޑަށް ދަމައިގަންނަ މިންވަރު އިތުރުކޮށްދޭނެ ކަންކަމެވެ.

އާ ޖޭމްސް ބޮންޑަކަށް ރޮބަޓް ޕެޓިންސަން

ޖޭމްސް ބޮންޑުގެ ރޯލު ކުޅޭނެ އާ އެކްޓަރަކަށް އިނގިރޭސި އެކްޓަރު ރޮބަޓް ޕެޓިންސަން ހަމަޖައްސައި، 2028 ވަނަ އަހަރު ރިލީޒްކުރާ ބޮންޑު ސިލްސިލާގެ 26 ވަނަ ފިލްމު ޑެނިސް ވިލެނޫވް ޑައިރެކްޓްކުރާ ގޮތަށް އެމެޒޯން އެމްޖީއެމް އިން ވަނީ އިއުލާންކޮށްފައެވެ. މި ރޯލު ލިބުމަކީ ބޮޑު ޝަރަފެއް ކަމަށް ޕެޓިންސަން ބުނެފައިވާއިރު، މިއީ ޑެނިއަލް ކްރެއިގަށް ފަހު މި މަޝްހޫރު ޖާސޫސީ ރޯލުން ފެންނާނެ ހަތްވަނަ އެކްޓަރެވެ.

އަނދިރީގައި ފެންވެރުން ނިދި އައުން ފަސޭހަވޭތަ؟

ނިދުމުގެ ކުރިން އަނދިރީގައި ފެންވެރުމަކީ ހަށިގަނޑުން މެލަޓޯނިން އުފައްދައިދީ، ސިކުނޑި ހަމަޖައްސައިދީ އަވަހަށް ނިދި އައުމަށް އެހީތެރިވެދޭ ކަމެއް ކަމަށް ސިއްހީ މާހިރުން ބުނެއެވެ. މިގޮތަށް ފެންވެރުމުން ހަށިގަނޑުގެ ފިނިހޫނުމިން ދަށްވެ، ދުވަހުގެ ސްޓްރެސް ކުޑަކޮށްދީ ނަފްސާނީ ގޮތުން އަރާމު ލިބިގެންދެއެވެ. ނަމަވެސް މިއީ ނިދުމުގެ ބޮޑެތި ބަލިތަކަށް އޮތް ދާއިމީ ހައްލެއް ނޫންކަމަށް މާހިރުން ފާހަގަކުރެއެވެ.

ޕްރޮސްޓޭޓް ކެންސަރަށް ގަވާއިދުން ސްކްރީން ކުރަން ބުނެފި

ޕްރޮސްޓޭޓް ކެންސަރު ޖެހޭ މިންވަރު އިތުރުވަމުންދާތީ، އެމެރިކަން ކެންސަރ ސޮސައިޓީން ވަނީ އުމުރުން 50 އަހަރާއި 69 އަހަރާ ދެމެދުގެ ފިރިހެނުން ގަވާއިދުން ސްކްރީން ކުރުމަށް އާ އިރުޝާދުތަކެއް ނެރެފައެވެ. މި ބަދަލުގެ ދަށުން ބަލީގެ ނުރައްކާ ބޮޑު މީހުން އުމުރުން 45 އަހަރުން ފެށިގެން ކޮންމެ އަހަރަކު ޓެސްޓުކުރަން ލަފާދީފައިވާއިރު، މީގެ މަގުސަދަކީ ބަލި ކުރީކޮޅު ދެނެގަނެ މަރުވާ މިންވަރު މަދުކުރުމެވެ.

ޓޭލާ ސުވިފްޓަކީ ފޭކު ސަޕޯޓަރެއް ކަމަށް ކުޅުންތެރިން ބުނެފި

ނިއުޔޯކް ނިކްސްގެ ބައެއް ކުޅުންތެރިން ޓޭލާ ސުވިފްޓަކީ ދެއްކުންތެރިކަމަށް މެޗުތަކަށް އަންނަ "ފޭކު" ސަޕޯޓަރެއް ކަމަށް ބުނުމުން، އެ ޓީމުން އޭނާގެ ދިފާއުގައި ވާހަކަދައްކައިފިއެވެ. ޓީމުގެ ތަރުޖަމާނު ވަނީ ސުވިފްޓަކީ ގިނަ ދުވަސްތަކެއް ވަންދެން ޓީމަށް ސަޕޯޓްކުރާ ވަފާތެރިއެއްކަން ފާހަގަކޮށް، ކުޅުންތެރިންގެ ވާހަކަތައް ދޮގުކޮށްފައެވެ.

Newsletter

Get the latest news delivered straight to your inbox