ޔޫރަޕުން ސައުދީ އަަރަބިއްޔާއަަށް އެތެރެވި ތިން މީހަކު މަންކީޕޮކްސްއަށް ޕޮޒިޓިވްވެފައިވާ ކަމަށް އެ ގައުމުގެ ހެލްތު މިނިސްޓްރީން ބުނެފި އެވެ.
ސައުދީ އަރަބިއްޔާއިން އެންމެ ފުރަތަމަަ މަންކީޕޮކްސްގެ ކޭސްއެއް ރިޕޯޓު ކުރީ ޖުލައި 14 ގަ އެވެ. އެއީ ވެސް އެހެން ގައުމަކުން ސައުދީއަށް އެތެރެވި މީހެކެވެ.
އެ ގައުމުގެ ހެލްތު މިނިސްޓްރީން ބުނީ މަންކީޕޮކްސް ޖެހިފައި ތިބި އެންމެންނަށް ވެސް ފަރުވާދެމުންދާ ކަމަށާއި އެންމެ ފުރަތަމަ ކޭސްގެ ހުރިހާ ކޮންޓެކްޓުން ވެސް ދެނެގަނެފައިވާ ކަމަަށެވެ.
މަންކީޕޮކްސްއާ ގުޅޭ ގޮތުން ހާއްސަ ގައިޑްލައިނެއް ސައުދީ ހެލްތު މިނިސްޓްރީން ނެރިފައިވާ އިރު، އެ ބައްޔާ ގުޅޭ މައުލޫމާތު ސާފު ކުރަން ކޯލް ސެންޓަރަށް ގުޅުމަށް ލަަފާދީފައިވެ އެވެ.
މަންކީޕޮކްސްއަކީ އާއްމު ސިއްހަަތަށް އޮތް ނުރައްކަލެއް ކަމަށް ދުނިޔޭގެ ސިއްހަތު ޖަމިއްޔާ (ޑަބްލިއުއެޗްއޯ) އިން ކަނޑައެޅީ މިދިޔަ ހޮނިހިރު ދުވަހު އެވެ.
މިހާތަނަށް 74 ގައުމެއްގެ 17،000 އަށް ވުރެ ގިނަ ކޭސް ރިޕޯޓުކޮށްފައިވާ އިރު، ގިނަ ކޭސްތައް ފެނުނީ ޔޫރަޕުންނެވެ.
