އިންޑިއާއިން ބޭރަށް ދަތުރުކޮށްފައި ނުވާ މީހަކަަށް މަންކީޕޮކްސް ޖެހުމުން، އެ ގައުމު އެލާޓަށް ގެނެސްފި އެވެ.
ވެރިރަށް ނިއު ދިއްލީއިން ފެނުނު އެ ކޭސްއަކީ އިންޑިއާއިން މިހާތަނަށް ރިޕޯޓު ކުރި އެ ބަލީގެ ހަތަރު ވަނަ ކޭސް އެވެ.
ފެޑެރަލް ހެލްތު މިނިސްޓްރީން ވަނީ އުމުރުން 34 އަހަރުގެ މީހާގެ ކޮންޓެކްޓުން ޓްރޭސް ކުރުމަަށް ދިއްލީ ސަރުކާރުގައި އެދިފަ އެވެ.
އެހެން ސްޓޭޓްތަކުން ވެސް ވައިރަސް މޮނީޓާ ކުރުމަށް "ރަނގަޅަށް ފަރުވާތެރިވެ ތިބުމަށް" އެންގި އެވެ. އޭގެ އިތުރުން ބަލި ފެތުރުން ހުއްޓުވަން ހާއްސަ ގައިޑްލައިނެއް ވަނީ އާއްމުކޮށްފަ އެވެ.
ދިއްލީގެ ޗީފް މިނިސްޓަރު އަަރްވިންދް ކެޖްރިވާލް ވިދާޅުވީ އެ ސިޓީއިން ފެނުނު ކޭސްގައި ހިމެނޭ މީހާގެ ހާލު ރަނގަޅު ކަމަށެވެ.
"ކަަންބޮޑުވާން ޖެހޭ އެއްވެސް ކަމެއް ނެތް،" އޭނާ ވިދާޅުވި އެވެ.
ދިއްލީއިން މަންކީޕޮކްސް ޖެހުނު މީހާ ވަނީ ހިމާޗަލް ޕްރަަދޭޝް ސްޓޭޓަަށް ދަަތުރުކޮށްފަ އެވެ. އެހެންކަމުން ވައިރަސް ގަޔަށް އެރީ އެ ސްޓޭޓުންތޯ ބެލުމުގެ މަސައްކަތް ދަނީ ކުރަމުންނެވެ.
އިންޑިއާއިން އެންމެ ފުރަތަމަ މަންކީޕޮކްސްގެ ތިން ކޭސް ފެނުނީ ދެކުނު ކެރަލާ ސްޓޭޓުންނެވެ. އެ އެންމެންނަކީ ވެސް ގަލްފު ގަައުމުތަކުން އެނބުރި އައި މީހުންނެވެ.
