ނިއު ދިއްލީ، އިންޑިއާ (ޖުލައި 25) - އިންޑިއާގެ އާ ރަައީސް ދްރޫޕަދީ މުރްމޫ ހޯމަ ދުވަހު މަގާމުގެ ހުވާ ކުރައްވައިފި އެވެ.
މިއީ އިންޑިއާގެ ގަބީލާއަކަށް ނިސްބަތްވާ މީހަކު ރައީސް ކަމަށް ވަޑައިގެންނެވި ފުރަތަމަ ފަހަރެވެ. މުރްމޫއަަކީ ވެރިކަން ކުރާ ބީޖޭޕީގެ މެމްބަރެކެވެ.
އުމުރުން 64 އަހަރުގެ މުރްމޫއަކީ އޮޑިއްސާ ސްޓޭޓުގެ ކުރީގެ މުދައްރިސަކަށް އުޅުއްވައި ސްޓޭޓް ގަވަރުނަރުކަން ވެސް ކުރައްވާފައިވާ ހިންގުންތެރިއެކެވެ.
މުރްމޫއަަކީ މާޔުރްބާންޖް ޑިސްޓްރިކްޓުގެ ބައިދަޕޯސީ އަވަށަށް ނިސްބަތްވާ ބޭކަނބަލެކެވެ. އެކަމަނާ ހިމެނޭ ސަންތަލް ކޮމިއުނިޓީއަކީ އިންޑިއާގެ އެންމެ ބޮޑު އެއް ގަބީލާ އެވެ.
"އަޅުގަނޑު ހަޔާތުގެ ދަަތުރު ފެށީ ގަބީލާއެއްގެ ކުޑަ އަވަށަކުން،" ހޯމަ ދުވަހު ޕާލަމެންޓުގައި މަގާމުގެ ހުވާ ކުރެއްވުމަށް ފަހު ވާހަކަދައްކަވަމުން އެކަމަނާ ވިދާޅުވި އެވެ.
"އަޅުގަނޑު އުފަަންވީ ގަބީލާއަކަށް ކަމަށް ވާތީ، އެންމެ އަސާސީ ތައުލީމު ހޯދުމުގެ ފުރުސަތު ލިބުމުން ހީވީ ހުވަފެނެއް ހަގީގަތަކަށް ވި ހެން. ގިނަ ގޮންޖެހުންތައް ހުރި ނަމަވެސް، އަޒުމާ އެކު މަަސައްކަތްކޮށް އަޅުގަނޑުގެ އަވަށުން ކޮލެޖަށް ދިޔަ ފުރަތަމަ އަންހެން ދަރިއެއްގެ ފަހުރު ހޯދިން،" މުރްމޫ ވިދާޅުވި އެވެ.
އެނެލިސްޓުން ބުނާ ގޮތުގައި ރަައީސް ކަމަށް މުރްމޫ ވަޑައިގެންނެވުމުން، 2024 ވަނަ އަހަރު ބޮޑު ވަޒީރު ނަރެންދްރަ މޯދީ އެ މަގާމުގައި ދެމިހުންނެވުމަށް ފަގީރު ގަބީލާތަކަށް ނިސްބަަތްވާ ގިނަ ބަަޔެއްގެ ވޯޓު ކަަށަވަރު ވާނެ އެވެ.
އިންޑިއާގައި ވެރިކަަން ކުރުމުގެ ބާރު އޮންނަނީ ބޮޑު ވަޒީރަށެވެ. ދައުލަތުގެ އެންމެ އިސްވެރިޔާގެ ގޮތުގައި ހުންނަވާ ރައީސަށް، ޕާލަމެންޓުން ފާސްކުރާ ބައެއް ބިލްތައް އަލުން މުރާޖައާ ކުރުމަށް އަނބުރާ ފޮނުވުމުގެ ބާރު އޮވެ އެވެ.
މުރްމޫއަަކީ އިންޑިއާގެ ރައީސް ކަމަށް ވަޑަައިގެންނެވި ދެ ވަނަ އަންހެން ލީޑަރެވެ. މީގެ ކުރިން ޕްރަބީތާ ޕަޓޭލް ވެސް ވަނީ އިންޑިއާގެ ރަައީސްކަން ކުރައްވާފ އެވެ.
