ވެރިކަމަށް ވަޑައިގެންނެވިތާ ދޮޅު އަހަރު ފަަހުން، އިޓަލީގެ ބޮޑު ވަޒީރު މާރިއޯ ޑްރާގީ ދެ ވަނަ ފަހަރަށް އިސްތިއުފާ ދެއްވައިފި އެވެ.
ރައީސް ސާޖިއޯ މައްޓަރެއްލާއަށް އިސްތިއުފާ ހުށަހަޅުއްވަމުން ޑްރާގީ ވިދާޅުވީ އެ ނިންމުމާ ހަމައަށް ވަޑައިގެންނެވީ ޕާލިމެންޓުގެ އިތުބާރު ނުލިބުމުން ކަމަށެވެ.
ރައީސް އެދިވަަޑައިގެންނެވީ މި އަހަރުގެ އޮކްޓޯބަރު މަަހު އަވަސް އިންތިހާބެއް ބޭއްވުމާ ހަމައަށް ވަގުތީ ބޮޑު ވަޒީރުގެ ގޮތުގައި ދެމިހުންނެވުމަށެވެ.
އުމުރުން 74 އަހަރުގެ ޑްރާގީއަކީ އިޓަަލީގަައި މަގްބޫލް ބޭފުޅެކެވެ. އެމަނިކުފާނު އެންމެ ފުރަތަމަ އިސްތިއުފާާ ދެއްވީ ހަފްތާއެއް ކުރިންނެވެ.
މިދިޔަަ ބުރާސްފަތި ދުވަހު އެމަަަނިކުފާނު އިސްތިއުފާ ހުށަހެޅުއްވީ އިޓަލީގެ ކޯލިޝަން ސަރުކާރުގައި ހިމެނޭ ފައިވް ސްޓާ ޕާޓީއިން ތާއީދު އަނބުރާ ގެންދިޔުމުންނެވެ.
އެމަނިކުފާނު އޭރު ނެރުއްވި ބަޔާނެއްގައި ވިދާާޅުވީ އެއްބައިވަންތަކަމުގެ ސަރުކާރު ދެމިއޮތުން ބިނާވި އިތުބާރާއި ގުޅުން މިހާރު ނިމުމަކަށް އަައިސްފައިވާާ ކަމަށެވެ.
އީޔޫގެ ތިން ވަނައަށް އެންމެ ބޮޑު އިގްތިސާދު އޮންނަ އިޓަލީގެ މި ކާރިސާ ފެށުނީ ފައިވް ސްޓާ ޕާޓީގެ ލީޑަރު ގިސެޕޭ ކޮންޓޭ، ސަރުކާރުގެ 23 ބިލިއަން ޔޫރޯގެ އެހީގެ ޕެކޭޖަށް ރުހުން ނުދިނުމުންނެވެ. އެއީ އާއިލާތަކާއި ވިޔަފާާރިތަކަށް ކަނޑައެޅި ޕެކޭޖެކެވެ.
ކޮންޓޭ ވިދާާޅުވީ އާއްމުންގެ ދިރިއުޅުމުގެ ހަރަދުތައް އުފުލޭ މައްސަލަ ހައްލު ކުރަން ބޮޑު ވަޒީރު ޑްރާގީ އެކަށީގެންވާ މަސައްކަތް ނުކުރައްވާ ކަމަށެވެ.
ސަރުކާރުގެ އިތުބާރު އޮތްތޯ ބެލުމަށް މިދިޔަ ބުރާާސްފަތި ދުވަހު ސެނެޓުގައި ނެގި ވޯޓުން، އިތުބާރު އޮތް ކަމަށް ނިންމި ނަމަަވެސް، ޑްރާގީ ތަކުރާރުކޮށް ވިދާޅުވީ ފައިވް ސްޓާ ޕާޓީގެ ތާއީދު ނެތި ކުރިއަށް ނުދެވޭނެ ކަމަށެވެ.
އެހެން ނަމަވެސް، އޭރު އިސްތިއުފާގެ ސިޓީ ހުށަހެޅުއްވުމުން ރައީސް ވިދާޅުވީ އިސްތިއުފާ ބަލައިނުގަނެވޭނެ ކަމަށެވެ. އެކަމާ ގުޅިގެން ޑްރާގީ ވިދާޅުވީ ރަައްޔިތުންގެ އެދުމަށް ބީރު ކަންފަތެއް ނުދެވޭނެ ކަމަށެވެ.
ޑްރާގީ ވިދާާޅުވީ ޕާލިމެންޓުގެ އެއްބާރުލުން ލިބޭ ނަމަ، އާ އެއްބަސްވުމެއްގެ ދަށުން ކޯލިޝަން ސަރުކާާރު ކުރިއަށް ގެންދެވޭނެ ކަމަށެވެ.
އެކަމަަކު ޕާލިމެންޓުގައި އިތުބާރު އޮތްތޯ ބަލަން ވޯޓު ނަގަން ތަައްޔާރުވަމުން ދިޔަ އިރު، ތިން ޕާޓީއަަކުން ނިންމީ އެމަނިކުފާނަށް ތާއީދު ނުކުރުމަށެވެ.
