އިންޑިއާގެ ހޯމް މިނިސްޓަރު އަމިތު ޝާހް އާއި ކޮރަޕްޝަނަށް ތުހުމަތު ކުރެވޭ އޮފިޝަލަކު އެކުގައި ނަގާފައިވާ ފޮޓޯއެއް ޓްވީޓް ކުރުމުން، ފިލްމު އުފައްދާ މީހަކު ހައްޔަރުކޮށްފި އެވެ.
އަވިނާޝް ދާސް ޓްވީޓް ކުރި ފޮޓޯގައި އަމިތު ޝާހް ހުންނަވަނީ ޕޫޖާ ސިންގަލްއާ އެކު އެވެ. ކޮރަޕްޝަންގެ ތުހުމަތުގައި ޕޫޖާ ސިންގަލް ވަނީ މިދިޔަ މޭ މަހު ހައްޔަރުކޮށްފަ އެވެ.
މަނީ ލޯންޑަރިންގެ ތުހުމަތު ކުރާ އިރު، އެއީ ދޮގު ތުހުމަތެއް ކަމަށް ޕޫޖާާ ސިންގަލް ބުނެ އެވެ.
ސޯޝަަލް މީޑިއާގައި ކުރާ ޕޯސްޓުތަކާ ގުޅިގެން އިންޑިއާގެ ނަން މަޝްހޫރު މީހުން ހައްޔަރު ކުރުން ފަހަކަށް އައިސް ވަނީ ވަރަށް ބޮޑަށް އިތުރުވެފަ އެވެ.
މިދިޔަ މަަހު ފުލުހުން ވަނީ ނޫސްވެރިޔާ މުހަައްމަދު ޒުބައިރް ވެސް ހައްޔަަރުކޮށްފަ އެވެ. އޭނާ ހައްޔަރު ކުރީ 2018 ވަނަަ އަހަރު ކުރި ޓްވީޓަކާ ގުޅިގެންނެވެ.
ފިލްމު އުފައްދާާ އަވިނާޝް ދާސް ހައްޔަރު ކުރުމުގެ ކުރިން ހުޅަނގު ގުޖަރާތު ސްޓޭޓުގެ ފުލުހުން ޖޫން މަހު އޭނާގެ މައްސަލައެއް ބަލަމުންދާ ކަމަށް ބުންޏެވެ.
އަވިނާޝް ދާސް ޓްވީޓް ކުރި ފޮޓޯގެ މަގްސަދަކީ އާއްމުންނަށް ހަގީގަތް އޮޅުވާލައި، އަމިތު ޝާހްގެ ނަން ހުތުރު ކުރުން ކަމަށް ވެސް ފުލުހުން ތުހުމަތު ކުރި އެވެ.
އޭގެ އިތުރުން އިންޑިއާގެ ގައުމީ ދިދަ ހެދުމެއް ގޮތަށް ލައިގެން ހުރި އަންހެނެއްގެ ފޮޓޯ ފޭސްބުކް އާއި އިންސްޓަގްރާމްގައި ޕޯސްޓް ކުރި މައްސަލައެއް ވެސް އޭނާއާ ދެކޮޅަށް އެބަ އޮތެވެ.
އިންޑިއާގައި ގައުމީ ދިދަ ހެދުމެއްގެ ގޮތުގައި ބޭނުން ކުރުމަކީ މަނާ ކަަމެކެވެ. އަަވިނާޝް ދާސް ހައްޔަރު ކުރީ ހޯމަ ދުވަހު މުމްބާއީންނެވެ.
އަަވިނާާޝް ދާާސް އެންމެ ބޮޑަށް މަގްބޫލުވީ 2012 ވަނަ އަހަަރު "އަނާރްކަލީ އޮފް އާރަހް" ފިލްމު އުފެއްދުމުންނެވެ. އޭގެ ފަހުން މި އަހަރު ނެރުނު ނެޓްފްލިކްސް ސީރީޒް "ޝީ" ވެސް އުފެއްދީ އޭނާާ އެވެ.
