ގާހިރާ، މިސްރު (ޖުލައި 19) - މިސްރުގެ ދެކުނުގައި ބަަހެއް ގޮސް ޕާކުކޮށްފައި އޮތް ބޮޑު ލޮރީއެއްގައި ޖެހި ހިނގި ނުރައްކާތެރި އެކްސިޑެންޓެއްގައި 22 މީހުން މަރުވެ 33 މީހުންނަށް އަނިޔާވެއްޖެ އެވެ.
ގާތްގަނޑަކަށް 45 މީހުން ގޮވައިގެން ދިޔަ ބަސް އެކްސިޑެންޓުވީ ވެރިރަށް ގާާހިރާާއާ 300 ކިލޯމީޓަރު ދެކުނުން އޮންނަ އަލް ބަރްޝާ އަވަށުގަ އެވެ.
"ސޮހާގްއިން ގާހިރާއަށް ދަތުރު ކުރަމުން ދިޔަ ބަސް ލޮރީގެ ފަހަތުކޮޅުގައި ޖެހުނީ ޓަޔަރު ބަދަލު ކުރުން ލޮރީ މަގުގެ އެއް ފަޅީގައި ޕާކުކޮށްފައި އޮއްވާ،" އޮފިޝަލުން ނެރުނު ބަޔާނެއްގައި ބުންޏެވެ.
މަގުމަތީގެ އެކްސިޑެންޓުތައް ވަރަށް ގިނައިން މިސްރުގައި ހިނގަަ އެވެ. ޓްރެފިކް ގަވާއިދަށް އަމަލު ނުކުރުމުގެ އިތުރުން މަގުތައް ހަލާކުވެފައި ހުރުމުގެ ސަބަބުން އެކްސިޑެންޓުތަކަށް މަގުފަހިވެ އެވެ.
ރަސްމީ ތަފާސްހިސާބު ދައްކާ ގޮތުގައި 2020 ވަނަ އަހަރު މިސްރުގައި ހިނގި މަގުމަތީގެ އެކްސިޑެންޓުތަކުގައި 7،000 އެއްހާ މީހުން މަރުވި އެވެ.
