އިޓަލީގެ ކޯލިޝަން ސަރުކާރުގައި ހިމެނޭ ފައިވް ސްޓާ ޕާޓީއިން ތާއީދު އަނބުރާ ގެންދިޔުމުން ބޮޑު ވަަޒީރު މާރިއޯ ޑްރާގީ އިސްތިއުފާާ ދެއްވަައިފި އެވެ.
ޔޫރަޕިއަން ސެންޓްރަލް ބޭންކްގެ ކުރީގެ ވެރިޔާ ޑްރާގީ އިޓަލީގެ އެއްބައިވަންތަކަމުގެ ސަރުކާރުގެ ބޮޑު ވަޒީރު ކަމަށް ވަޑައިގެންނެވީ ފެބްރުއަރީ 2021 ގަ އެވެ.
އެމަނިކުފާނު ނެރުއްވި ބަޔާނެއްގައި ވިދާާޅުވީ އެއްބައިވަންތަކަމުގެ ސަރުކާރު ދެމިއޮތުން ބިނާވި އިތުބާރާއި ގުޅުން މިހާރު ނިމުމަކަށް އަައިސްފައިވާާ ކަމަށެވެ.
އީޔޫގެ ތިން ވަނައަށް އެންމެ ބޮޑު އިގްތިސާދު އޮންނަ އިޓަލީގެ މި ކާރިސާ ފެށުނީ ފައިވް ސްޓާ ޕާޓީގެ ލީޑަރު ގިސެޕޭ ކޮންޓޭ، ސަރުކާރުގެ 23 ބިލިއަން ޔޫރޯގެ އެހީގެ ޕެކޭޖަށް ރުހުން ނުދިނުމުންނެވެ. އެއީ އާއިލާތަކާއި ވިޔަފާާރިތަކަށް ކަނޑައެޅި ޕެކޭޖެކެވެ.
ކޮންޓޭ ވިދާާޅުވީ އާއްމުންގެ ދިރިއުޅުމުގެ ހަރަދުތައް އުފުލޭ މައްސަލަ ހައްލު ކުރަން ބޮޑު ވަޒީރު ޑްރާގީ އެކަށީގެންވާ މަސައްކަތް ނުކުރައްވާ ކަމަށެވެ.
ސަރުކާރުގެ އިތުބާރު އޮތްތޯ ބެލުމަށް ބުރާާސްފަތި ދުވަހު ސެނެޓުގައި ނެގި ވޯޓުން، އިތުބާރު އޮތް ކަމަށް ނިންމި ނަމަަވެސް، ޑްރާގީ ތަކުރާރުކޮށް ވިދާޅުވީ ފައިވް ސްޓާ ޕާޓީގެ ތާއީދު ނެތި ކުރިއަށް ނުދެވޭނެ ކަމަށެވެ.
ކުރިން ރޭވިފަައި އޮތީ އިޓަލީގެ އާއްމު އިންތިހާބު 2023 ގަައި ބޭއްވުމަަށެވެ. ނަަމަަވެސް ބޮޑު ވަޒީރު އިސްތިއުފާ ދެއްވުމުން މި އަހަރުގެ އޮކްޓޯބަރު މަހު އިންތިހާާބު ބާއްވާނެ ކަމަށް ބެލެވެ އެވެ.
