ނަފްރަތާއި ރުޅިވެރިކަން އުފެދޭ އެންމެހާ ކަންކަމުން ދުރުހެލިވުމަކީ އިސްލާމީ އަގީދާގެ ތެރޭގައި ހިމެނޭ މުހިންމު ކަމެއް ކަމަށާއި އެފަދަ ކަންކަމުން ދުރުހެލިވުމަށް މި އަހަރުގެ ހައްޖު ހުތުބާގައި މުޅި އިސްލާމީ އުއްމަތަށް ގޮވާލައިފި އެވެ.
މަސްޖިދުއް އަލް ނިމްރާގައި ޝެއިހް މުހައްމަދު ބިން އަބްދުލް ކަރީމް ދެއްވި ހައްޖު ހުތުބާގައި އިސްލާމް ދީނުގެ ރިވެތި އަހުލާގުގެ މައްޗަށް އަލިއަޅުވާލައިފަ އެވެ.
މިގޮތުން، އެކަކު އަނެކަކުގެ ނުބައި ވާހަކަ ދެއްކުމާއި ޣީބަ ބުނުންފަދަ ކަންކަމުން މުޖުތަމައު ފަސާދައަށް ހުށަހެޅިގެންދާނެ ކަމަށާއި، އެކަންކަމުން ދުުރުހެލިވުމަށް ހުތުބާގައިވަނީ ނަސޭހަތްތެރިވެފަ އެވެ.
މިގޮތުން، މުސްލިމް އުއްމަތް އެކަތިގަނޑެއްގެ ގޮތުގައި ފެތުރިގެން ދިޔައީީ އިސްލާމް ދީނުގެ ރިވެތި އަހުލާގުގެ ސަބަބުން ކަމަށާއި އެކަން އެގޮތުގައި ބޭއްވުމަށް މުޅި އުއްމަތް މަސައްކަތް ކުރުމަށް ހުތުބާގައި ގޮވާލި އެވެ.
އަދި މުޖުތަމައުގައި ފިތުނަ ފަސާދަ ނުއުފެދޭގޮތަށް، އަހުވަންތަކަން އިސްކުރުމަށް ގޮވާލައިފަ އެވެ.
މިގޮތުން ބޮޑުވަމުން އަންނަ ޖީލަށް، އިސްލާމްދީނުގެ ރިވެތި އަހުލާގު އުނގަންނައިދިނުމާއި، އަދި މައްސަލަތައް ކުރިމަތިވާ ވަގުތު އެކަންކަމަށް ހައްލު ހޯދުމުގައި މަޑުމައިތިރި ކަމާއި ރިވެތި އަހުލާގު އިސްކުރުމަށް ގޮވާލި އެވެ.
އަދި ކޮންމެ ހާލެއްގައި ނަމަވެސް އެއް މުސްލިމަކު އަނެއް މުސްލިމަކަށް އިހުތިރާމު ކުރުމަށް ތަފާތު 14 ބަހަކުން ތަރުޖަމާ ކުރެވިގެން ގެނެވެނު ހުތުބާގައި ގޮވައިލި އެވެ.
ކޮވިޑް ބަލިމަޑުކަމުގެ ކުރިން 2019 ވަނަ އަހަރު 2.5 މިލިއަން މީހުން ހައްޖުގެ އަޅުކަމަށް ސައުދީ އަރަބިއްޔާއަށް ޖަމާވި އެވެ.
ކޮވިޑާ ހެދި ހައްޖުގެ އަޅުކަން އަދާ ކުރުމުގެ ހުއްދަ ދިނުން ވަރަށް ބޮޑަަށް ކޮންޓްރޯލް ކުރި އެވެ. ނަމަވެސް މި އަހަރު ޖުމްލަ އެއް މިލިއަން މީހުންނަށް އެ ފުރުސަތު ދީފައިވެ އެވެ.
