ކޮވިޑް ބަލިމަޑުކަން ކުރިމަަތިވި ފަހުން މިހާތަނަށް ބާއްވާ އެންމެ ބޮޑު ހައްޖުގެ އަޅުކަން ބުދަަ ދުވަހު ވަނީ ސައުދީ އަރަބިއްޔާގައި ފަށައިފަ އެވެ. މި އަހަރު އެއް މިލިއަން މީހުން ހައްޖުގެ އަޅުކަމުގައި ބައިވެރިވެ އެވެ.
އިސްލާމް ދީނުގެ ފަސް ރުކުނުގެ ތެރޭގައި ހިމެނޭ ހައްޖުގެ އަޅުކަމަކީ ގާބިލްކަން ހުރި ކޮންމެ މުސްލިމަކު ވެސް ހަޔާތުގައި މަދުވެގެން އެއް ފަހަަރު އަދާ ކުރުން ވާޖިބު އަޅުކަމެކެވެ.
ދުނިޔޭގައި ބާއްވާ އެންމެ ބޮޑު ދީނީ އެއްވުމަކީ ހައްޖެވެ. ކޮވިޑް ބަލިމަޑުކަމުގެ ކުރިން 2019 ވަނަ އަހަރު 2.5 މިލިއަން މީހުން އެ އަޅުކަމަށް ސައުދީ އަރަބިއްޔާއަށް ޖަމާވި އެވެ.
މައްކާގައި ހުންނަ މަސްޖިދުލް ހަރަމްގެ ތެރޭގައި ޖުލައި ހަ ވަނަ ދުވަހު ހައްޖުވެރިން ހަރަކާތްތެރި ވަނީ. -- ފޮޓޯ: އޭއެފްޕީ
ކައުބަތުﷲ ގެފުޅު ވަށައިގެން ތިބި ހައްޖުވެރިން ޖުލައި ހަ ވަނަ ދުވަހު އަޅުކަން ކުރަނީ. -- ފޮޓޯ: އޭއެފްޕީ
ކޮވިޑާ ހެދި ހައްޖުގެ އަޅުކަން އަދާ ކުރުމުގެ ހުއްދަ ދިނުން ވަރަށް ބޮޑަަށް ކޮންޓްރޯލް ކުރި އެވެ. ނަމަވެސް މި އަހަރު ޖުމްލަ އެއް މިލިއަން މީހުންނަށް އެ ފުރުސަތު ދީފައިވެ އެވެ.
ހައްޖުވެރިން ކައުބަތުﷲ ގެފުޅު ވަށައި ތަވާފް ކުރަނީ. -- ފޮޓޯ: އޭއެފްޕީ
މި އަހަަރު ހައްޖުގެ އަޅުކަން އަދާކުރުމުގެ ހުއްދަ ދިނީ ޝަަރުތުތަކަކަށް ބެލުމަށް ފަހު އެވެ. އެގޮތުން އުމުރުން 65 އަހަރު ފުރިފައި ނުވުމާއި، ކޮވިޑާ ދެކޮޅަށް ވެކްސިން ފުރިހަމަކޮށްފައި ވުމާއި، ސައުދީ އަރަބިއްޔާއަށް އެތެރެވުމުގެ 72 ގަޑިއިރު ކުރިން ހެދި ކޮވިޑް ޓެސްޓެއްގެ ނެގެޓިވް ނަތީޖާ ހުށަހަޅަން ޖެހެ އެވެ.
އެތައް މިލިއަން ބަޔަކު ހުއްދައަށް އެދި ހުށަހެޅި އިރު، އެއް މިލިއަން މީހުން ހޮވާފައި ވަނީ އޮންލައިންކޮށް ބޭއްވި ގުރު ނެގުމަކުންނެވެ.
ކައުބަތުﷲ ގެފުޅު ވަށައިގެން ތިބި ހައްޖުވެރިން ދުއާ ކުރަނީ. -- ފޮޓޯ: އޭއެފްޕީ
ގެފުޅު ކައިރީގައި ތިބި ހައްޖުވެރިން ދުއާ ކުރަނީ. -- ފޮޓޯ: އޭއެފްޕީ
