އިޓަލީގެ އުތުރަށް ހޫނުވެ، ވާރޭ ނުވެހި ގިނަ ދުވަސް ވަމުން ދާތީ ޕޯ ކޯރު ވަށައިގެންވާ ފަސް ސަރަހައްދެއްގަައި ކުއްލި ހާލަތު އިއުލާންކޮށްފި އެވެ.
ވާރޭ ނުވެހޭތީ ދިމާވެފައިވާ ފެނުގެ ދަތިކަމުގެ މައްސަލަ ހައްލު ކުރަން އެމިލިއާ ރޮމެގްން، ފްރިޔުލީ ވެނެޒިއާ ގިއުލިއާ، ލޮމްބާޑީ، ޕަަޔިމޯންޓް އަދި ވެނެޓޯ ސަރަހައްދަށް 38 މިލިއން ޑޮލަރުގެ އެމެޖެންސީ ފަންޑެއް މިހާާރު ވަނީ ކަނޑައަޅާާފަ އެވެ.
ވާރޭ ނުވެހުމުގެ ސަބަބުން އިޓަލީގައި އުފައްދާ ދަނޑުވެރި އުފެއްދުންތަަކުގެ 30 ޕަސެންޓަށް އަސަރު ކުރާނެ ކަމަށް ބެލެވެ އެވެ. ބައެއް ހިސާބުތަކުގައި މިހާރު ވެސް ދަނީ ފެން ރޭޝަން ކުރަމުންނެވެ.
ފިނި މޫސުމާއި ބަހާރު މޫސުމުގައި ވެސް އާދަޔާ ހިލާފަށް ހޫނުވެ، ވާރޭ ވެހުން މަދުވުމުން އުތުރު އިޓަލީގެ ގިނަ ހިސާބުތަކަށް ފެނުގެ ދަތިކަމާ ދަނީ ކުރިމަތިވަމުންނެވެ.
އިޓަލީގެ ސަރުކާރުން ބުނީ ކުއްލި ހާލަތު އިއުލާން ކުރީ މި ހާލަތު އަވަހަށް މެނޭޖް ކުރެވޭނެ ގޮތެއް ހޯދުމަށް ކަމަަށެވެ. ހާލަތު ރަނގަޅު ނުވާ ނަމަ އިތުރު ފިޔަވަޅުތައް އަޅާނެ ކަމަށް ސަަރުކާރުން ބުންޏެވެ.
ޕޯ ކޯރަކީ އިޓަލީގެ އެންމެ ދިގު ކޯރެވެ. އެ ކޯރަކީ 650 ކިލޯމީޓަރު ދިގު ކޯރެކެވެ. ދަަނޑުވެރިން ބުނާ ގޮތުގައި ކޯރުގެ ތެރެއަށް ލޮނުފެން ވަދެ، ދަނޑުތަަކަށް ދަނީ ގެއްލުންވަމުންނެވެ.
