އިންޑިއާގައި ހިނގި ބޮޑު ބިންގަަނޑު ކަނޑަައިގެން ދިޔުމުގެ ހާދިސާއެއްގައި މަރުވި މީހުންގެ އަދަދު 37 އަށް އަރައިފި އެވެ.
ހާދިސާ ހިނގިތާ ތިން ދުވަސް ފަހުން އިތުރު 25 މީހުންގެ ހަށިގަަނޑު ހޯދުމުގެ މަސައްކަތް ދަނީ ހުއްޓުމެއް ނެތި ކުރިއަށެވެ.
އިރުއުތުރު މަަނިޕޫރް ސްޓޭޓްގެ ރޭލު ދަގަނޑު ހެދުމުގެ މަސައްކަތް ކުރާ މީހުންނާއި ސިފަައިންނަށް ހާއްސަ ކޭމްޕަކަށް ފަސް އެޅުނީ ބޯ ވާރޭގެ ސަަބަބުން މިދިޔަ ބުރާސްފަތި ދުވަހު އެވެ.
ހާދިސާ ހިނގިތާ ކުޑަ އިރުކޮޅެއްގެ ތެރޭގައި 18 މީހުން ސަލާމަތް ކުރި އެވެ. ނަމަަވެސް ސިފައިންގެ ތަރުޖަމާނު އަންގޮމް ބޮބިން ސިންގް އާދީއްތަ ދުވަހު ވިދާޅުވީ 28 މީހުން ގެއްލިގެން ހޯދަމުންދާ ކަމަށެވެ.
އެގޮތަށް ވިދާޅުވި ފަަހުން ތިން މީހުންގެ ހަށިގަނޑު ފެނުނެވެ. މީހުން ހޯދުމުގެ މަސައްކަތަަށް ހުރަސް އެޅިފައި ވަނީ ބޯކޮށް ވާރޭ ވެހެމުން ދިޔުމާ އެކު، ބިންގަނޑު ކަނޑައިގެން ގޮސްފައި އޮތް ހިސާބަށް އަދިވެސް ފަސް އެޅެމުން ދާތީ އެވެ.
މަނިޕޫރް ސްޓޭޓްގެ ބައެއް ހިސާބުތަކަށް މޫސުން ގޯސްވިތާ ހަފްތާތަކެއް ވެއްޖެ އެވެ، މިދިޔަ މަހު ވެސް ބޯ ވާރޭގެ ސަބަބުން ފެންބޮޑުވެ ގެތަކަށް ގެއްލުންވެ، ބިންގަނޑު ކަނޑައިގެން ދިޔުމުގެ ހާދިސާތައް ހިނގި އެވެ.
