ދެކުނަށް އެރި އުދައިގައި އެތައް ސަތޭކަ ގެއަކަށް ގެއްލުންވެ މަޑަވެލި ހާލުގައި ޖެހިއްޖެ

މަޑަވެއްޔަށް އުދަ އަރައިފަ: ރަށުގެ  98 ޕަސެންޓު ގޭބީސީތަކަށް ލޮނު ވަން -- ފޮޓޯ: ފިޔާޒް/ކައުންސިލް

މަޑަވެއްޔަށް އުދަ އަރައިފަ: ރަށުގެ 98 ޕަސެންޓު ގޭބީސީތަކަށް ލޮނު ވަން -- ފޮޓޯ: ފިޔާޒް/ކައުންސިލް

ދެކުނުގެ އަތޮޅުތަކަށް މިއަދު އެރި އުދައިގައި ވަރަށް ގިނަ ރަށްތަކަށް ބޮޑެތި ގެއްލުންތަކެއްވަމުންދާއިރު ގދ. މަޑަވެލީގެ 98 ޕަސެންޓު ގެއަށް އުދަ އަރައި ރަށުގެ ރައްޔިތުން ހާލުގައި ޖެހިއްޖެ އެވެ.

މަޑަވެލީ ކައުންސިލުގެ ރައީސް ފިޔާޒް ހަސަން ވިދާޅުވީ "މަޑަވެލި މި އޮތީ އަޑީގައި" ކަމަށެވެ. އަދި ވިދާޅުވީ މިހާރު ގެތައް ދޫކޮށްލުމަށްފަހު ރައްޔިތުން މަސައްކަތް ކުރަމުންދަނީ ރަށު އިންޖީނުގެ ސަލާމަތް ކުރެވޭތޯ ކަމަށެވެ.

"އަޅުގަނޑުމެން މި ތިބީ ހާލުގައި ޖެހިފަ. ހިފައިގެންގުޅޭ ހުރިހާ ސާމާނުތަކެއް ވެސް ހަލާކުވެއްޖެ. ރަށުގެ ރައްޔިތުން މި ތިބީ މަގުމަތީ. މިހާރު މި ދަނީ އިންޖީނުގެ ސަލާމަތް ކުރެވޭތޯ،" ރަށުގައި ހާލަތު ފިޔާޒް ކިޔައިދެއްވި އެވެ.

Advertisement

މަޑަވެލީގެ އިތުރުން އެ އަތޮޅު ނަޑެއްލާ އާއި ހޯޑެއްދޫ އާއި ރަތަފަންދޫއަށް ވެސް ވަރަށް ބޮޑަށް ވަނީ އުދަ އަރައިފަ އެވެ.

"މި ވަރަށް އުދަ އަރަން ފެށީ މެންދުރު 2:00 ގައި. ގާތްގަނޑަކަށް 90 ގެއަށް ވަރަށް ބޮޑަށް ގެއްލުން ލޮނު އެރި. އަދި 40 ގެއަކަށް ވަރަށް ބޮޑަށް ގެއްލުންވި. އަދި ވެސް އުދަ އަރަމުންދަނީ،" ރަތަފަންދޫ ކައުންސިލްގެ ސެކްރެޓަރީ ޖެނެރަލް ނިޒާމް އިބްރާހިމް ވިދާޅުވި އެވެ.

ހޯޑެއްދޫގެ ވެސް ގާތްގަނޑަކަށް 100 ގެއަށް ލޮނު އަރައި ބޮޑެތި ގެއްލުންތަކެއް ވަނީ ލިބިފަ އެވެ.

"މި ރަށުގެ 100 ގޭބީސީއަށް ލޮނު ވަދެފައި ހުރީ. އަޅުގަނޑުމެން މިހާރު މި މަސައްކަތް ކުރަނީ އުދަގަނޑު ކޮންޓްރޯލް ކުރެވޭތޯ. މި ރަށު ބަނދަރު ހަދަން އައިސް އުޅޭ ހެވީ ފޯސް ކުންފުންޏާ ގުޅިގެން އުދަ އަރާ ދިމާލުގައި ބަސްތާ ޖެހޭތޯ މި ބަލަނީ،" ހޯޑެއްދޫ ކައުންސިލްގެ ނައިބު ރައީސް އަހުމަދު ޝިހާމް ވިދާޅުވި އެވެ.

ނަޑެއްލާ ކައުންސިލުންގެ ރައީސް މުހައްމަދު އަންޝާއު ވިދާޅުވީ އެ ރަށުގެ ތެރެއަށް ވެސް ވަރަށް ބޮޑަށް އުދަ އެރި ކަމަށެވެ. ނަމަވެސް އެއްވެސް ގެއަކަށް މިހާތަނަށް ގެއްލުން ނުލިބޭ ކަމަށް އޭނާ ވިދާޅުވި އެވެ.

"ބަނދަރާ ދިމާލުން ރަށު ވަށައިގެން އުދަ އެރީ. އެކަމަކު އަދި ގެއަކަށް ގެއްލުމެއް ނުލިބޭ،" އޭނާ ވިދާޅުވި އެވެ.

ދެކުނުގެ އަތޮޅުތަކަށް އެރި އުދައިގެ ފުރިހަމަ ތަފްސީލެއް މޯލްޑިވްސް ނެޝަނަލް ޑިފެންސް ފޯސްގެ ފަރާތުން އަދި ނުލިބެ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox