ނޫސްވެރިންނަށް މަސްދަރު ހާމަކުރަން މަޖުބޫރުވާ މާއްދާ އުވާލަން ކޮމިޓީގައި އެދިއްޖެ

މަޖިލީހުގެ ޖުޑިޝަރީ ކޮމިޓީގައި ނޫސްވެރިންގެ ޖަމިއްޔާއާއި މީޑިއާ ކައުންސިލްގެ ބޭފުޅުން - ފޮޓޯ: މަޖިލީސް

މަޖިލީހުގެ ޖުޑިޝަރީ ކޮމިޓީގައި ނޫސްވެރިންގެ ޖަމިއްޔާއާއި މީޑިއާ ކައުންސިލްގެ ބޭފުޅުން - ފޮޓޯ: މަޖިލީސް

ނޫސްވެރިންގެ މަސްދަރު, ޝަރީއަތް މެދުވެރިކޮށް ހާމަކުރެވޭ ގޮތަށް އޮތް މާއްދާ ހެއްކާ ބެހޭ ބިލުން އުނިކުރުމަށް ނޫސްވެރިންގެ ޖަމިއްޔާ ކަމަށްވާ މޯލްޑިވްސް ޖާނަލިސްޓް އެސޯސިއޭޝަން (އެމްޖޭއޭ) އާއި މޯލްޑިވްސް މީޑިއާ ކައުންސިލް (އެމްއެމްސީ) ގެ ބޭފުޅުން މަޖިލީހުގައި މިއަދު އެދިއްޖެ އެވެ.

ބިލުގެ އެ މާއްދާއާ ގުޅިގެން މީގެ ކުރިން ވެސް އެމްޖޭއޭގެ އިތުރުން ންޓަނޭޝަނަލް ފެޑެރޭޝަން އޮފް ޖާނަލިސްޓް (އައިއެފްޖޭ) އާއި މޯލްޑިވްސް އެޑިޓާސް ގިލްޑާއި ޓްރާންސްޕޭރަންސީ މޯލްޑިވްސް އަދި އެމްނެސްޓީ އިންޓަނޭޝަނަލުން ކަންބޮޑުވުން ފާޅުކޮށްފަ އެވެ.

ނޫސްވެރިންނާއި ނޫސްވެރިން ތަމްސީލް ކުރާ ޖަމިއްޔާތަކުން ބިލާ ގުޅޭ ގޮތުން ކަންބޮޑުވުން ފާޅުކޮށްފައިވަނިކޮށް، ބިލު ދިރާސާކުރުމުގެ މަރުހަލާގެ ތެރެއިން ޖުޑިޝަރީ ކޮމިޓީން މިއަދު ވަނީ އެމްއެމްސީއާއި އެމްޖޭއޭގެ ބޭފުޅުންނާ ބައްދަލުކޮށްފަ އެވެ.

އެނގިފައިވާ ގޮތުގައި ޖުޑިޝަރީ ކޮމިޓީގައި މިހާރު ކުރިއަށް ދަނީ ބިލު ދިރާސާ ކުރުމުގެ މަސައްކަތުގެ އެންމެ ފަހު ބައެވެ. ކޮމިޓީން މިހާރު ވަނީ ބިލުގެ ގިނަ މާއްދާތައް ދިރާސާކޮށް ނިމިފަ އެވެ.

މިއަދު ބޭއްވި ކޮމިޓީ ބައްދަލުވުމުގައި އެމްޖޭއޭގެ މެންބަރު މުހައްމަދު ޖުނައިދު ވިދާޅުވީ މަސްދަރު ހާމަކުރުމުން އޭނާއަށް ކުރާނެ އަސަރު ކުޑަވުން ބިލުގައި ބަޔާން ކޮށްފައި އޮތަސް އެ އަސަރު ފަނޑިޔާރަށް ވަޒަން ކުރެވުމަކީ ވަރަށް ވެސް ނާދިރު ކަމެއް ކަމަށެވެ.

"މިސާލަކަށް މަސްދަރަކީ ކާކުކަން، އޭނައަކީ، ކޮންތާކު، ކޮން ވަޒީފާއެއްގައި ހުންނަ މީހެއްކަން، މި ހުރިހާ ކަމެއް ނޭނގޭ ފަނޑިޔާރު މައްސަލަ ބައްލަވާއިރު، އެހެންވީމަ އެ އުސޫލުން ބަލާއިރު ކޮލިޓޭޓިވް މިންގަނޑަކުން ވަޒަން ކުރެވޭނެ ކަމެއް ނޫން އެއީއެއް،" ޖުނައިދު ވިދާޅުވި އެވެ.

ބައެއް ގައުމުތަކުގައި އާންމުންގެ ގިނަ ބަޔަކަ ގެއްލުން ވެދާނެ ކަމަށް ބެލެވޭ ނާދިރު މަދު ހާލަތެއްގައި މަސްދަރު ހާމަކުރަން އޮންނަ ކަމަށް ޖުނައިދު ވިދާޅުވި އެވެ. ނަމަވެސް ރާއްޖޭގެ ޝަރުއީ ނިޒާމަށް އިތުބާރު ގެއްލިފައި އޮންނައިރު އޭގެ ބޭނުން ނާޖާއިޒު ގޮތުގައި ހިފުމުގެ ފުރުސަތު ވެސް އޮތުމުގެ ބިރު އެބައޮތް ކަމަށް އޭނާ ވިދާޅުވި އެވެ.

މީޑިއާ ކައުންސިލްގެ މެންބަރު މުއިއްޒު އިބްރާހީމް ވެސް ވިދާޅުވީ ނޫސްވެރިޔާއާއި މަސްދަރަށް ލިބިދާނެ ގެއްލުމަށް ރިއާޔަތްކުރަން ބިލުގެ އެ މާއްދާގައި ބަޔާން ކޮށްފައި އޮތް ނަމަވެސް އެކަން ބެލޭނެ މިންގަނޑެއް ނޯންނާނެ ކަމަށެވެ.

މީގެ ސަބަބުން ގެއްލުން ލިބޭނީ ވެސް ނޫސްވެރިޔާއަށް އެކަނި ނޫން ކަމަށާއި "ވިސްލްބްލޯ ކުރާ ފަރާތްތަކަށް ވެސް އޭގެ ގެއްލުން ލިބޭނެ ކަމަށް މުއިއްޒު ވިދާޅުވި އެވެ. އެހެން ނޫސްވެރިންނާ ވެސް ހިއްސާނުކުރާ މަސްދަރުތަކެއް ފަނޑިޔާރަކަށް ހިއްސާ ކުރާން ނޫސްވެރިން ޖެހިލުންވާނެކަމަށް ވެސް އޭނާ ވިދާޅުވި އެވެ.

"ނޫސްވެރިން ވެސް ނޫސްވެރިންނާ ހިއްސާ ނުކުރާނެ އެމީހުންގެ ކޮންފިޑެންޝަލް ސޯސްތައް، އެހެން ނޫސްވެރިއަކަށް ވެސް އެކަން އެނގިއްޖިއްޔާ އެ މަސްދަރަށް ކުރިމަތިވެދާނެ ނުރައްކާ ބޮޑުވެދާނެތީ، ދެން ކިިިހިނެއްތޯ ފަނޑިޔާރަކަށް ކޮން މިންގަނޑަކުން އެ ވަޒަން ކުރެވޭނީ،" މުއިއްޒު ވިދާޅުވި އެވެ.

ހެއްކާ ބެހޭ ގާނޫނެއް ފުރަތަމަ ފަަހަރަށް އެކުލަވާލާއިރު، ވަރަށް ގިނަ ކަންކަމަށް ރިއާޔަތް ކުރައްވާނެ ކަމަށް ޖުޑިޝަރީ ކޮމިޓީގެ މުގައްރިރު އަދި ރައްޔިތުންގެ މަޖިލީހުގެ މާފަންނު އުތުރު ދާއިރާގެ މެންބަރު އިމްތިޔާޒް ފަހްމީ (އިންތި) ވިދާޅުވި އެވެ.

ނޫސްވެރިންގެ މަސްދަރު ވެސް ހާމަކުރަންޖެހޭ ގޮތަކަށް ބިލުގައި ހިމަނާފައި އެ ވަނީ، އެ ނުހިމަނައިފި ނަމަ ކޮންމެ ވެސް އެހެން ބަޔަކު ހަމަހަމަކަމެއް ނެތް ކަމުގެ ޝަކުވާ ކުރުމުގެ ފުރުސަތު އޮވެދާނެ ކަމަށް ބެލެވޭ ކަމަށް އިންތި ވިދާޅުވި އެވެ.

އިންތި ވަނީ ޓެރަރިޒަމް ފަދަ ބޮޑެތި މައްސަލަތަކުގައި ފަނޑިޔާރަށް އެކަން ކުރަން ވެސް ކޮންމެ ވެސް މިންވަރެއްގެ ފުރުސަތެއް ދިނުމާ ގުޅޭ ގޮތުން އައްސަވައިފަ އެވެ. ދެ މުއައްސަސާގެ ބޭފުޅުން ވެސް ފާހަގަ ކުރެއްވީ އެ ކަމުގައި ހުރި ކަންބޮޑުވުންތަކެވެ.

ޖުމްލަ 151 މާއްދާ ހިމެނޭ އެ ބިލުގެ 136 ވަނަ މާއްދާގެ (ހ) ގައި ވަނީ ނޫސްވެރިޔަކަށް ވަކި މައުލޫމާތެއް ދިން މީހަކީ އޭނާއަކީ ކާކުކަން ހާމަނުކުރާނެ ކަމުގައި އެ ނޫސްވެރިޔާ ވެފައިވާ ވައުދެއްގެ މައްޗަށް ބިނާކޮށް ކަމުގައިވާނަމަ، އެ މައުލޫމާތު ދިނީ ކާކުކަން ޝަރީއަތަށް ހާމަކުރަން އެ ނޫސްވެރިޔާ ނުވަތަ ނޫހުގެ މައްޗަށް މަޖުބޫރު ނުކުރެވޭނެ ކަމަށް ބުނެފަ އެވެ.

އެހެން ނަމަވެސް އެ އަކުރާ ޖެހިގެން އޮންނަ އަކުރުގައި ވަނީ އެ އިމްތިޔާޒް އިސްތިސްނާ ކުރެވިދާނެ ހާލަތެއް ބަޔާންކޮށްފަ އެވެ. ނޫސްވެރިންގެ ކަންބޮޑުވުން އޮތީ އެ މާއްދާއަށެވެ.

titledesc

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox