ނޫސްވެރިންނަށް ދިމާވެފައިވާ މައްސަލަތަކާ ގުޅޭގޮތުން އައިއެފްޖޭގެ ކޮންގްރެސްގައި އެމްޖޭއޭ އިން އަޑުއުފުލައިފި

Jun 4, 2022, 2:03 PM
އެމްޖޭއޭގެ ފަރާތުން މި ކޮންގްރެސްގައި ބައިވެރިވ ހިންގާ ކޮމިޓީ މެމްބަރު ޖުނައިދު (ކ-2) ދުނިޔޭގެ އެހެން ބައެއް ގައުމުތަކުގެ ނޫސްވެރިންނާ އެކު --- ފޮޓޯ: އެމްޖޭއޭ

އެމްޖޭއޭގެ ފަރާތުން މި ކޮންގްރެސްގައި ބައިވެރިވ ހިންގާ ކޮމިޓީ މެމްބަރު ޖުނައިދު (ކ-2) ދުނިޔޭގެ އެހެން ބައެއް ގައުމުތަކުގެ ނޫސްވެރިންނާ އެކު --- ފޮޓޯ: އެމްޖޭއޭ

އިންޓަނޭޝަނަލް ފެޑަރޭޝަން އޮފް ޖާނަލިސްޓްސް (އައިއެފްޖޭ) ގެ މިއަހަރުގެ ކޮންގްރެސްގައި ބައިވެރިވެ ނޫސްވެރިންއަށް ކުރިމަތިވެފައިވާ މައްސަލަތަކާ މެދު މޯލްޑިވްސް ޖާނަލިސްޓްސް އެސޯސިއޭޝަން (އެމްޖޭއޭ) އިން އަޑުއުފުލައިފި އެވެ.

މެއި 31 އިން ޖޫން 3 އަށް އޮމާންގެ ވެރިރަށް މަސްކަޓުގައި ބޭއްވި އައިއެފްޖޭގެ ކޮންގްރެސްގައި އެމްޖޭއޭ ތަމްސީލުކުރީ އެ ޖަމިއްޔާގެ ހިންގާ ކޮމިޓީގެ މެމްބަރު އަދި ނޫސްވެރިޔާ މުހައްމަދު ޖުނައިދު އެވެ.

ރާއްޖޭގެ ނޫސްވެރިންނަށް މިހާރު ކުރިމަތިވާ ގޮންޖެހުންތަކާއި ދަތިތަކުގެ މައުލޫމާތު ހިއްސާކޮށް އެކަންކަން ބައިނަލްއަގުވާމީ ފަރާތްތަކުގެ ސަމާލުކަމަށް އެމްޖޭއޭ އިން ވަނީ މި ކޮންގްރެސްގެ ތެރެއިން ގެނެސްފަ އެވެ.

Advertisement

އޭގެ އެ ޖަމިއްޔާއިން ކުރަމުން އަންނަ މަސައްކަތްތަކާއި ކުރަން ރާވާފައިވާ ކަންކަން އަދި އެމްޖޭއޭގެ ހަރަކާތްތަކާއި އިދާރީ އޮނިގަނޑު ހަރުދަނާ ކުރުމާ ގުޅޭ ގޮތުން އެކި ފަރާތްތަކާ ބައްދަލުކޮށް މަޝްވަރާކޮށްފައިވާ ކަމަށް އެމްޖޭއޭ އިން ބުނެ އެވެ.

ހަމައެހެންމެ، މި ކޮންގްރެސްގެ ތެރެއިން އެމްޖޭއޭ އިން ވަނީ އައިއެފްޖޭގެ ދާއިމީ މެމްބަރަކަށް ވުމުގެ ޝައުގުވެރިކަން ވެސް ފާޅުކޮށްފަ އެވެ.

އަދި، އޭޝިޔާ އާއި އޭޝިޔާ ޕެސިފިކް ގައުމުތަކުގެ ނޫސްވެރިން ތަމްސީލް ކުރާ ޖަމްއިއްޔާތައް އެކުވެގެން ވަނީ "ފެޑެރޭޝަން އޮފް އޭޝިޔާ ޕެސިފިކް ޖާނަލިސްޓްސް" ޔޫނިއަން އުފައްދާފަ އެވެ. އެ ޔޫނިއަންގައި އެމްޖޭއޭ ހިމެނެ އެވެ.

ނޫސްވެރިންގެ ހައްގުތަކާއި ރައްކާތެރިކަމާ ގުޅޭ ގޮތުން އައިއެފްޖޭގެ ދާއިމީ މެންބަރު ޖަމްއިއްޔާތަކުން، އެ ކޮންގްރެސްއަށް ހުށަހެޅި ގަރާރުތަކަށް ރާއްޖެއިން ވަނީ ތާއީދުކޮށް ވާހަކަ ދައްކައިފަ އެވެ.

ވަކިން ހާއްސަކޮށް ފަލަސްތީނުގެ ނޫސްވެރިންނަށް އަމާޒުކޮށް އިޒްރޭލުން ހިންގާ ލާއިންސާނީ އަމަލުތައް ތަހުގީގުކޮށް ދިނުމަށް އެދި ބައިނަލްއަގުވާމީ ކްރިމިނަލް ކޯޓަށް، ޕަލަސްތީނިއަން ޖާނަލިސްޓް ސިންޑިކޭޓް (ޕީއެސްއައި) އާއި އައިއެފްޖޭ އަދި އައިސީޖޭޕީ އިން ހުށަހަޅާ މައްސަލައަށް އެމްޖޭއޭ ތާއީދުކޮށް ވާހަކަ ދެއްކި އެވެ.

އެ ކޮންގްރެސްގައި ބޭއްވި އައިއެފްޖޭގެ ހިންގާ ކޮމިޓީގެ އިންތިހާބުގައި އެ ޖަމްއިއްޔާގެ ހިންގާ ކޮމިޓީއަށް އަލަށް އިންތިހާބުވި ފަރާތްތަކާ ރަސްމީކޮށް ބައްދަލުކޮށް އެމްޖޭއޭއިން ވަނީ މަރުހަބާ ކިޔައި، ނޫސްވެރިންގެ ކަންކަމާ ގުޅޭ ގޮތުން މަޝްވަރާކޮށްފަ އެވެ.

މިއީ ކޮންމެ އަހަރަކު އެއް ފަހަރު އައިއެފްޖޭ އިން ބާއްވާ ކޮންގްރެސްއެކެވެ. އެގޮތުން، މިއަހަރުގެ ކޮންގްރެސްގައި ދުނިޔޭގެ 99 ގައުމަކުން 200 އަށްވުރެ ގިނަ ނޫސްވެރިންނާއި މީޑިއާ ތަމްސީލުކުރާ މީހުން ބައިވެރިވި އެވެ.

އައިއެފްޖޭ ވުޖޫދަށް އައީ 1926 ގަ އެވެ. އެ ފެޑެރޭޝަނަކީ 140 ގައުމަކަށް ނިސްބަތްވާ 187 ނޫސްވެރިންގެ ޔޫނިއަންތަކާއި، ޖަމިއްޔާ ޖަމާއަތްތައް ތަމްސީލުކުރާ ފެޑެރޭޝަނެކެވެ. މިއީ ނޫސްވެރިންގެ ޖަމިއްޔާތައް ތަމްސީލްކުރާ ބައިނަލްއަގުވާމީ އެންމެ ބޮޑު ޖަމިއްޔާ އެވެ.

ކޮމެންޓް

ފަހުގެ ޚަބަރު

ދިރާގު ރޯޑް ރޭސް 5،500އަށްވުރެ ގިނަ ދުވުންތެރިންނާއެކު ބާއްވައިފި

ދިރާގު މޯލްޑިވްސް ރޯޑް ރޭހުގެ 17 ވަނަ އެޑިޝަން 5،500 އަށްވުރެ ގިނަ ދުވުންތެރިންނާއެކު ހުޅުމާލެ ސެންޓްރަލް ޕާކުގައި ވަނީ ބާއްވާފައެވެ. މި ދުވުމުގެ ލައިވް އަޕްޑޭޓްތަކާއި، ނަތީޖާ އަދި ދުވުންތެރިންގެ ރޭންކިންގ ބަލައިލުމުގެ ފުރުސަތު ދިރާގުން ވަނީ ޚާއްޞަ މޮބައިލް އެޕްލިކޭޝަނެއް މެދުވެރިކޮށް ފަހިކޮށްދީފައެވެ.

ޕީއެންސީގެ މެންބަރުންގެ އަދަދު ލައްކައަކަށްވުރެ ދަށަށް

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އެރިތާ 24 ގަޑިއިރު ނުވަނީސް، އަލުން އެ އަދަދު ލައްކައަކަށް ވުރެ ދަށަށް ގޮސްފިއެވެ. އިދިކޮޅު ފަރާތްތަކުން ތުހުމަތުކުރާ ގޮތުގައި މި އަދަދު ހަމަކުރުމަށްޓަކައި ވަޒީފާގެ ބިރުދެއްކުމާއި ރިޝްވަތުގެ ގޮތުގައި ފައިސާ ބޭނުންކޮށްފައިވެއެވެ. އީސީގެ ތަފާސްހިސާބުތަކުން ދައްކާގޮތުގައި އެ ޕާޓީގެ މެންބަރުންގެ އަދަދު މިހާރު ވަނީ 99,930 އަށް ތިރިވެފައެވެ.

ރަސްމާލޭގެ ޑީލުގައި ސޮއިނުކުރަން އެދި އަލައްބާރަށް ސިޓީއެއް

ރަސްމާލެ މަޝްރޫއުގެ މިހާރުގެ ޝަރުތުތަކާއި ގާނޫނުއަސާސީއާ ފުށުއެރުންތަކެއް ހުރި ކަމަށާއި، އެކަމުގައި އެކަށީގެންވާ ގޮތެއްގައި ރައްޔިތުންގެ ހިޔާލު ހޯދާފައި ނުވާތީ، ދެން އަންނަ ސަރުކާރަކުން ވެސް މި މަޝްރޫއުގެ އެއްބަސްވުން އަލުން މުރާޖައާކުރުމަށް ނުވަތަ އެއްކޮށް ބާތިލުކުރުމުގެ ފުރުސަތު އޮތް ކަމަށް އެ ސިޓީގައި ބުނެފައިވޭ.

"ރަސްމާލެ މައްސަލައިގައި މުއިއްޒު ވަނީ އަނގަވަތަށް ވެއްޓިފައި"

ރަސްމާލެ މަޝްރޫއަކީ ރާއްޖޭގެ ސިޔާދަތަށް އުނިކަންލިބޭ، ބޭރުގެ ފަރާތްތަކަށް ބިން ދިނުމަށް ހިންގާ ހީލަތްތެރި ރޭވުމެއް ކަމަށް ވިދާޅުވެ ކުރީގެ ރައީސް ޔާމީން ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ. މި މަޝްރޫއުގެ ސަބަބުން ރައީސް މުއިއްޒު ރައްޔިތުންގެ ކުރިމަތީގައި ބޭޒާރުވެފައިވާ ކަމަށާއި، މި ސަރުކާރަށް ދެވަނަ ދައުރެއް ރައްޔިތުން ނުދޭނެ ކަމަށް ޔާމީން ވިދާޅުވިއެވެ.

ރަސްމާލެ ދޫކޮށްލުމާ ދެކޮޅުވެރިކަމެއް ނެތްކަމުގެ އިޝާރާތެއް

ރަސްމާލެއިން ބައެއް ބޭރުގެ ކުންފުންޏަކަށް ދޫކޮށްލުމާ ދެކޮޅު ހަދަނީ މަދު ބަޔަކު ކަމަށާއި، ދިވެހިން އަބަދުވެސް އިސްކުރަނީ ގައުމީ ތަރައްގީކަން މުއިއްޒު ފާހަގަކުރެއްވި. މީގެކުރިންވެސް ރާއްޖެއަށް އައި ބޮޑެތި ބަދަލުތަކާ ބައެއް މީހުން ދެކޮޅު ހެދި ނަމަވެސް، ގިނަ ރައްޔިތުން ތާއީދުކުރީ ގައުމީ ކުރިއެރުމަށްކަން އެމަނިކުފާނު ބަޔާންކޮށްދެއްވި.

ހުލާސާކޮށް އިއްޔެ: ސިޔާސީ ޕާޓީތަކުގެ ދަފްތަރަށް އައި ބޮޑު ބަދަލު

ޕީއެންސީގެ މެންބަރުންގެ އަދަދު އެއްލައްކައަށް އެރުމާއެކު، ޖުމްހޫރީ ޕާޓީ އާއި އަދާލަތު ޕާޓީ ފަދަ ދުވަސްވީ ޕާޓީތަކުން ގިނަ އަދަދެއްގެ މެންބަރުންނާއި އިސް ބޭފުޅުން ވަނީ ވަކިވެފައެވެ. މީގެ އިތުރުން، ރަސްމީ ޖަލްސާތަކުގެ ޕްރޮޓޮކޯލަށް ބަދަލުތަކެއް ގެނެސްފައިވާއިރު، ރަސްމާލެ މަޝްރޫއާ ގުޅޭގޮތުން އިލްމުވެރިންނާއި ސިޔާސީ ފަރާތްތަކުގެ މެދުގައި ވަނީ ޚިޔާލުތަފާތުވުންތަކެއް އުފެދިފައެވެ.

ވަޒީފާގެ ބިރުދައްކައިގެން އެއްލައްކަ މެންބަރުން ހަމަކޮށްފި

ސަރުކާރު ހިންގާ ޕީއެންސީގެ މެންބަރުންގެ އަދަދު އެއްލައްކައަށް އަރާފައިވާއިރު، މިއީ ވަޒީފާގެ ބިރުދައްކައިގެންނާއި ރިޝްވަތު ދީގެން ހޯދި އަދަދެއް ކަމަށް ވަނީ ތުހުމަތުކުރެވިފައި. އިލެކްޝަންސް ކޮމިޝަނުގެ ދަފްތަރުން ދައްކާގޮތުގައި މިދިޔަ އަހަރާ އަޅާބަލާއިރު އެ ޕާޓީގެ މެންބަރުންގެ އަދަދު ވަނީ 26،000 އަށްވުރެ އިތުރުވެފައި.

Newsletter

Get the latest news delivered straight to your inbox