އިންޑޮނީޝިއާ އާއި އިންޑިއާއިން ސްރީލަންކާއަށް ސިއްހީ ސާމާނު ފޮނުވަނީ

ސްރީލަންކާގައި ސިއްހީ ދާއިރާގެ މުވައްޒަފުން މުޒާހަރާ ކުރަނީ. -- ފޮޓޯ: އީއެފްއީ

ސްރީލަންކާގައި ސިއްހީ ދާއިރާގެ މުވައްޒަފުން މުޒާހަރާ ކުރަނީ. -- ފޮޓޯ: އީއެފްއީ

އިންޑިއާ އާއި އިންޑޮނީޝިއާއިން ސްރީ ލަންކާއަށް ބޭނުންވާ ސިއްހީ ސާމާނުގެ ޝިޕްމަންޓެއް ތައްޔާރުކޮށްފައިވާ ކަމަށް ލަންކާގެ ހެލްތު މިނިސްޓަރު ޗަންނަ ޖަޔަސުމަނަ ވިދާޅުވެއްޖެ އެވެ.

ބޭރު ފައިސާގެ ދަތިކަން ކުރިމަތިވެ، ބޭހާއި އެހެނިހެން ޒަރޫރީ ތަކެތީ ލަންކާއަށް އިމްޕޯޓެއް ނުކުރެވެ އެވެ. އެހެންވެ، ސިއްހީ ކުއްލި ނުރައްކަލުގެ ހާލަތު ވަނީ އިއުލާނުކޮށްފަ އެވެ.

ހެލްތު މިނިސްޓަރު ވިދާޅުވީ އިންޑިއާއިން ތައްޔާރު ކުރި ޝިޕްމަންޓުގައި ހިމެނެނީ 101 ބާވަތުގެ ބޭހާއި އޮޕަރޭޝަންތައް ކުރުމަށް ބޭނުންވާ ސާމާނު ކަމަށެވެ.

އެ ޝިޕްމަންޓް ލަންކާއަށް ފޯރާނެ ކަމަށް ބެލެވެނީ ބުދަ ދުވަހު އެވެ. އިންޑިއާގެ ހިލޭ އެހީގެ ގޮތުގައި ފޮނުވާ ސާމާނު ޝިޕްކުރަނީ އިންޑިއާ ސިފައިންގެ މަނަވަރެއްގަ އެވެ.

އޭގެ އިތުރުން އިންޑޮނީޝިއާގެ ސަރުކާރުން ވެސް އެއްމިލިއަން ޑޮލަރުގެ ބޭސް ހަދިޔާ ކުރަން ނިންމާފައިވާ ކަމަށާއި އެ ތަކެތި ހަފްތާއެއްގެ ތެރޭގައި ލިބޭނެ ކަމަށް ލަންކާ ހެލްތު މިނިސްޓަރު ވިދާޅުވި އެވެ.

މި ހަފްތާގައި ޗައިނާއިން ވެސް ބުނީ ލަންކާއަށް ބޭނުންވާ އަވަސް އިންސާނީ އެހީ ފޯރުކޮށްދޭނެ ކަމަށެވެ. އޭގެ ތެރޭގައި ސިއްހީ ދާއިރާގެ ސާމާނު ހިމެނޭނެ ކަމަށް ބެލެވެ އެވެ.

ލަންކާ ހެލްތު މިނިސްޓްރީގެ އެދުމަކަށް، އެ ގައުމުގެ ފޮރިން މިނިސްޓްރީން ވަނީ ސިއްހީ ދާއިރާއަށް ބޭނުންވާ ތަކެތީގެ ލިސްޓެއް އާއްމުކޮށް، ބޭރުގެ ޖަމިއްޔާތަކާއި ޑިޕްލޮމެޓިކް މިޝަންތަކުން އެހީއަށް އެދިފަ އެވެ.

ފޮރިން މިނިސްޓްރީން ހިއްސާކުރި ލިސްޓުގައި ހިމެނެނީ ބޭހާއި، ކެންސަރުގެ ފަރުވާއަށް ކުރިއަށް އޮތް ހަ މަހަށް ބޭނުންވާ ތަކެއްޗާއި، މާބަނޑު އަންހެނުންގެ ފަރުވާއަށް ކުރިއަށް އޮތް ތިން މަހަށް ބޭނުންވާ ތަކެއްޗެވެ.

ކޮމެންޓް

ފަހުގެ ޚަބަރު

ސްޕޭސްއެކްސްއަށް ފަންޑިން ހުއްޓުވުމުގެ އިންޒާރު

ޔޫކްރެއިންގައި ބޭނުންކުރާ ސްޓާޝީލްޑްގެ ޚިދުމަތަށް ބަދަލުތަކެއް އައި މައްސަލައިގައި، ސްޕޭސްއެކްސްއަށް ދޭ ފަންޑިން ހުއްޓާލާނެ ކަމުގެ އިންޒާރު އެމެރިކާގެ ކޮންގްރެސް މެންބަރު ޖިމް ހައިމްސް ދެއްވައިފިއެވެ. އޭނާ އެދިވަޑައިގަންނަވަނީ މި ބަދަލުތަކަކީ ކުންފުނިން އަމިއްލައަށް ނިންމި ނިންމުމެއްތޯ ނުވަތަ ސަރުކާރުގެ އެންގުމަކަށް ކުރި ކަމެއްތޯ ސާފުކޮށްދިނުމަށެވެ. ސަރުކާރުގެ ފުރިހަމަ ކޮންޓްރޯލް ނެތް ނިޒާމުތަކަށް ފައިސާ ދޫނުކުރާނެ ކަމަށް ވިދާޅުވެ، މިކަމާ ގުޅޭގޮތުން އީލޮން މަސްކާ ބައްދަލުކުރުމަށްވެސް ހައިމްސް ވަނީ އެދިވަޑައިގެންފައެވެ.

ރަޝިޔާ އާއެކު މަޝްވަރާއަށް ތައްޔާރު: ޔޫރަޕުގެ ލީޑަރުން

ޔޫކްރެއިން ހަނގުރާމަ ހުއްޓާލުމަށް ރަޝިޔާއާއެކު މަޝްވަރާކުރުމަށް ތައްޔާރަށް ތިބިކަން ޔޫރަޕުގެ ލީޑަރުން ހާމަކޮށްފައިވާއިރު، މި މަޝްވަރާތަކުގައި ވިލާތުގެ ބައިވެރިވުން ހިމެނުމަށް އެމެރިކާއިން ދަނީ ބާރުއަޅަމުންނެވެ. ރަޝިޔާގެ ރައީސް ޕޫޓިން ވަނީ ވިލާތުގެ ގައުމުތަކުގެ ސިޔާސަތުތައް ސާފުކުރުމަށްޓަކައި މޮސްކޯއަށް ޒިޔާރަތްކުރުމަށް އެ ގައުމުތަކަށް ދައުވަތު ދެއްވާފައެވެ.

އެންތްރޮޕިކް 1.76 ޓްރިލިއަން ޑޮލަރުގެ ކުންފުންޏަކަށް

އޭއައި ކުންފުނި އެންތްރޮޕިކް ހިއްސާގެ ބާޒާރަށް ނުކުތުމާއެކު، އެ ކުންފުނީގެ އަގު 1.76 ޓްރިލިއަން ޑޮލަރަށް އަރައި ދުނިޔޭގެ އެންމެ އަގުބޮޑު ކުންފުނިތަކުގެ ތެރޭގައި ހިމެނިއްޖެއެވެ. ހިއްސާގެ އަގަށް އައި ކުރިއެރުމާއެކު އޭއައި ދާއިރާއަށް އޮތް ބޮޑު ޝައުގުވެރިކަން ހާމަވީ ނަމަވެސް، މިއީ އިގްތިސާދީ "ބަބުލް" އެއްގެ ގޮތުގައި ބައެއް މާހިރުން ސިފަކުރެއެވެ. ކްލޯޑް ޗެޓްބޮޓް އުފެއްދި މި ކުންފުނިން އެންމެ ބޮޑު އިސްކަމެއް ދެނީ އޭއައިގެ ރައްކާތެރިކަމަށެވެ.

ވެން ގޯގެ ކުރެހުމެއް 190 މިލިއަން ޑޮލަރަށް ވިއްކާލައިފި

ވިންސެންޓް ވެން ގޯގެ "ޗެސްޓްނަޓް ޓްރީޒް އިން ބްލޮސަމް" ކުރެހުން 190.4 މިލިއަން ޑޮލަރަށް ވިއްކާލައި، ދުނިޔޭގެ އާ ރެކޯޑެއް ގާއިމުކޮށްފިއެވެ. މި ކުރެހުން ނީލަމުގައި ވިއްކާލާފައިވަނީ، ނާޒީންގެ ދުވަސްވަރު މަޖުބޫރުވެގެން މި ކުރެހުން ވިއްކާލަން ޖެހުނު އާއިލާއާއި މިހާރުގެ މިލްކުވެރިންގެ މެދުގައި އުފެދުނު ގާނޫނީ މައްސަލައަށް ހައްލެއް ހޯދުމަށްފަހުގައެވެ.

ރޮހިންޔާ ގަތުލުއާންމުގައި މިޔަންމާ ކުށްވެރިވެއްޖެ

މި މައްސަލައިގައި ދަ ގެމްބިއާއަށް ތާއީދުކޮށް، ރާއްޖެއިން ވަނީ ބައިނަލްއަގުވާމީ ވަކީލުންނާއެކު ކޯޓުގައި މިޔަންމާއާ ދެކޮޅަށް ވަކާލާތުކޮށް އިސް ދައުރެއް އަދާކޮށްފަ. ކޯޓުގެ ހުކުމުގައި މިޔަންމާ ކުށްވެރިކޮށް، ގެއްލުމުގެ ބަދަލު ދިނުމުގެ ޕްރޮގްރާމެއް އެކުލަވާލުމަށް ވެސް ވަނީ އަމުރުކޮށްފަ.

ޕެޓިންސަން ހަތްވަނަ ބޮންޑަށް ހޮވުމުގައި ބޭޒޯސްގެ ބޮޑު ދައުރެއް

އާ ޖޭމްސް ބޮންޑުގެ ރޯލަށް އެކްޓަރު ރޮބަޓް ޕެޓިންސަން ހަމަޖެއްސުމުގައި އެމެޒޯންގެ ޗެއާމަން ޖެފް ބޭޒޯސް މުހިންމު ދައުރެއް އަދާކޮށްފައިވާކަން އޭނާ ހާމަކުރައްވައިފިއެވެ. ޑެނިއަލް ކްރެއިގްގެ ފަހުން ހަތްވަނަ ބޮންޑުގެ ގޮތުގައި ޕެޓިންސަން ފެނިގެންދާ 26 ވަނަ ފިލްމު، ޑެނިސް ވިލެނޫވްގެ ޑައިރެކްޝަނުގެ ދަށުން 2028 ވަނަ އަހަރު ރިލީޒްކުރުމަށް ވަނީ ތާވަލުކޮށްފައެވެ.

އެންތްރޮޕިކް އުފެއްދި 7 ބާނީން ބިލިއަނަރުންގެ ލިސްޓަށް

އޯޕަން އޭއައި އިން ވަކިވި ހަތް މީހަކު 2021 ވަނަ އަހަރު އުފެއްދި އެންތްރޮޕިކް ކުންފުނި ހިއްސާގެ ބާޒާރަށް ނެރުމާއެކު، އެ ކުންފުނީގެ ބާނީން ބިލިއަނަރުންގެ ލިސްޓަށް އެރުމަށް ވަނީ ތައްޔާރުވެފައެވެ. އޭއައިގެ ރައްކާތެރިކަމަށް އިސްކަންދޭ މި ޒުވާން ޓީމުގެ ކުންފުނިން އުފެއްދި "ކްލޯޑް" އާއެކު، އެންތްރޮޕިކް މިހާރު ވަނީ ޓެކްނޮލޮޖީގެ ދާއިރާގެ ބޮޑު ބާރަކަށް ބަދަލުވެފައެވެ.

Newsletter

Get the latest news delivered straight to your inbox